الســلآلآم عليكم
روايتي الاول: هبال بنات وشباب
اتمنى تعجبكم .. اقبل النقد وابغاكم تعطوني اياه باسلوب مو طريقه هجميه >> الله يا اللغه
اتمنى اشووف ردود
وممكن البارتات تكون قصيره بس حطوا في بالكم ان كل يومين بارت
وفي اليومين هذي ابي ردود ^_^
,,,,,,,,,,,,,,,
بسم الله الرحمن الرحيم
اول روايه لي بأسم “هبال بنات وشباب ” طبعا الكتاب باين من عنوانه „ الرواية تتكلم عن هبال البنات والشباب „البنات هم عاشقات لانمي المحقق كونان مدمنات عليه وهم عازفات كل بنتين لهم موهبه وحده „اما الشباب الكوره هي اساسهم يعني اذا اجتمعوا يلعبون كوره سواءا بلاستيشن او حقيقه او يشوفون مباراة او يسولفون عن المباراة والكوره يعني ادمان عليه „ بعطيكم فكره عن حياتهم بعدين نبدأ تعريف عليهم
(في بيت الجده يوم الخميس الساعه 1 الظهر )
رغد / كم الساعه
جنان / وحده
شوق / ومتى الغداء
لين / ثنتين
دانه / وكم بقى
دانيه / ساعه
هشام / يقطع ابو الاسئله الخايسه
فيصل / مثلا يوم تسالين متى الغداء على اساس انك ما تعرفين
شوق / انطم انت
فهد / بكيفك هو
لين / ايه بكيفها
ناصر / انتي وش دخلك
دانه / انت الى وش دخلك
سعد / اقول انتي ابلعي كتابك
رغد / وانت ابلع لسانك
محمد “ابو ناصر” / خلاص انتي وياها ترا احنى قاعدين
عبودي / على اساس ان قعدتكم او قومتكم بتأثر كذا او كذا بيتهاوشون
ساره / بليز لا تخربون الدراما كملوا
هشام / وش كنا نقول
رغد / كنت اقول لسعد يبلع لسانه
فهد / ايه صح انتي هيه ليش تخلين اخوي يبلع لسانه
لين / على اساس انها هي مو اختكم وترا هي اكبر منه يعني بكيفها
ناصر / اكبر منه بـ10 دقايق بس
دانيه / لو بـ10 ثواني تصير اكبر منه
فيصل / نطقت الهاديه
دانيه / ونطق البارد اسكت بس
سعد / حتى الدلوعين لهم لسان ما بقيتوا شيء يا عـيال تركـي “الجد ”
عبد الله “ابو دانيه ” / سعد وجع احنى ما بقينا شيء ولا خواتك هم الى لفوا بعقل بنتي
دانه / عمي لو سمحت احنى ما لفينا براسها بس سوينا لها غسيل مخ
يوسف”ابو هشام / صح غسيل غير اللف بس اذا انتهيتوا من الغسيل وش تسوون
هشام / ننشرها بالشمس
رغد / يا قدمي اقول جانا عج اقول روقنا
فيصل / اجل وش تسوون
دانيه / طبعا نكويها
ناصر / وهي متله
دانه / لا وهي .. انت وياه لا يكون بتشتغلون في مغسله
سعد / وش دراك
لين / لا يا الدلخه هذولي بتصير زوجته قاعده حاطه رجل على رجل وهو يروح يغسل الملابس
هشام / هذي انتي
شوق / نعم اصلا لينو ما تشتغل وينا الشغل يا قدمي الحين الام نفسها ما صارت تشتغل
الجده / اسكتي انتي وياه
رغد / صح هشام انت واختك لينو اسكتوا
الجده / وانتي بعد
هشام / هههه احسن
الجده / ورا ما تسكتون بالعين لكم مسجل
دانيه / ماما ساره يا قدمي مسجل تذكرون ذاك ابو سماعات كبيره والى فوقه أزرار الى لما تضغطين عليها يعلق لا تطورنا احنى
الجده / اجل وش يسمعون الحين
دانه / يسمعون استنتاجات كونان سواءا ايباد او لاب او أي شيء ثاني صح بنات
البنات / ايييه
هشام / كفوكم كونان ابو نظارات كبر وجهه
رغد قامت / انت هيه سب نفسك سب اختك سب ذا البزر عبود سب امك سب ابوك سب الملك سب الوزير بس كونان خطوط حمراء
يوسف / على فكره ان ابوه يصير عمك يعني اخو ابوك
جنان قامت / الحين انت قد هالكلمه
هشام حط رجل على رجل/وقدود
البنات اجتمعوا لدقائق بعدين لفوا عليه قالت دانه / جهزت قبرك !!
هشام / آآممم مو فاضي
دانيه / كتبت وصيتك !!
هشام / آآ مو رايق
لين / ارسلت دعوه للي بيصلون عليك !!
هشام / ما لقيت وقت
شوق / عرفت من الى بيندفن جمبك !!
هشام / ما حصل لي الشرف
جنان / عرفت في أي مقبره بتكون !!
هشام / ما لقيت لي وقت
رغد كففت كموم عبايتها / بسم الله والله اكبر
هشام نزل رجوله / وش قصدك
رغد / بنات وين بنسلخه
لين / يمدحون السطح
رغد / لالا شموس
دانه / يا الكذابه ما فيه إلا شمس وحده وش شموس المهم الشارع
رغد / لالا حر
دانيه / اممم غرفته
رغد / لا حوسه
جنان/ المطبخ
رغد / وين بناكل بعدين
شوق / ما فيه إلا نذبحه في مكانه
رغد / اوكي وين السكين
هشام /هيه انتي وياها وش بتسوون
رغد / بنذبحك زيي الخروف يوم العيد وش رايك
هشام / نعم في المشمش انتي وياها
جنان طلعت من وراها السكين / نجرب بعدها نسويها على الخرفان الى وراك
محمد قام / جنان خير ان شاء الله
دانه / علشان يكون رجال عند كلمته اجل كونان ابو نظارات
هشام / لحظه انا ما قلت ابو نظارات قلت شيء ثاني
جنان وهي تقلب السكين / وش قلت
هشام / آآآآ ابو الذكاء
رغد سحبت السكينه / لما نكون عبود وسارونه ذيك الساعه العب علينا
هشام طمر من مكان / ترا من جد انا ما ادري وش ابي
رغد / ادري انك غبي
جنان / ومتخلف
دانه / ومو رجال
دانيه / وتافه
شوق / وخروف
لين / وعجوز
هشام / على عيني وراسي
رغد / مع ذالك بنذبحك
ناصر / أسمعوا وش رايكم تاخذون حصته من الاكل
البنات بدوا يفكرون / و 100 ريال
هشام / بس 100
البنات / لكل وحده 100
هشام شهق / 600 ريال يا الضالمات اذبحوني
محمد / اسمعوا الى بياخذ 100 مو متغدي معنا مدت 100 يوم وش رايكم
البنات / لا
هشام / والله انا اقول ان عمي والنعم فيه
محمد لف عليه / مو لله بس ما ابي ادفنك بالبر لانه بعيد
الشباب ضحكوا عليه قال هشام وهو معصب / يا أغبياء اصلا الدلوخ ذولا ما يقدرون
رغد / من الى ما يقدر
هشام / إذا كنت حرمه جربي
الجده دخلت / الغداء جاهز
البنات ركضوا على المطبخ وهشام قال / بنات اخر زمن
فيصل / خف علينا يا المتخلف
فهد / يا غبي
ناصر / والتافه
سعد / يا خروف
هشام / اسكت انت وياه ويلا بسرعه لا قسم ما اخليكم تشوفون المباراة اليوم
الشباب ركضوا على الطاوله قال يوسف / الحين كم الساعه
عبد الله / الساعه 2
يوسف / فهمت وانا اقول وراهم سبقوا ظلهم
محمد / وانت ما ودك تورينا غبارك
يوسف / يعني انا حاسبني من هالبزران
عبد الله / انا بروح اكل وانتوا تهاوشوا محد فاككم إلا إذا قلنا انهدمت شركاتكم
محمد / فال الله ولا فالك يا رجال
,,,,,,,,,,,,,,,,,,,,,,,,,,,,,,,,,,,,,,,,,,,,
البــــــــآآآرت {2}
,,
رغد / جنيه عطيني الشوكه
جنان عطتها اياه وقالت / يا ربيه طاح وجهنا عند ذا المتخلف هشاموه
شوق / ما عليك نخلص اكل ونتفرغ له وشلون نذبح واحنى جواعه
لين / صح هي شباب وشلون بنذبحه
دانه / لازم نقسم الادوار
رغد / انا المديره على ذا الى ما يستحي
جنان / وانا نائبة المديره
شوق / انا محجوز لي الاعلى في الجزء الايمن
لين / وانا محجوز لي الاعلى في الجزء الايسر
دانه / اما انا محجوز لي الاسفل في الجزء الايمن
دانيه / ما بقى لي إلا الاسفل في الجزء الايسر
ساره / هيه انتي وياها وانا
رغد / انتي لسه بزره على الذبح لما يكون عمرك 7 ذيك الساعه ناخذك انتي توك 5 سنين
ساره / بس عقلي عقل 25
رغد / قصدك 25 يوم „ اسمعوا بنات سارونه تدفنه
دانه / صح يناسب لها الدور
ساره / وش شايفيني حفارة قبور
جنان / ما في إلا هالوسيله تبينها ولا
ساره / اوف طيب طيب الخطه وشيء
رغد / اول شيء في مباراة الهلال والنصر اليوم اكيد الهلال الى بيفوز وهم بيطلعون علشان الفرحه بيلقونا بوجههم نخطف هشام ونطلب فديه 100,000,000 وطبعا مو جاينا ولا ريال المهم بنهدد بقتله إذا ما دفعوا لنا بعدها نخلص عليه وش رايكم
دانه / وش شايفتنا سفاحات ولا قاتلات ولا مجرمات لو سمحتي برستيجي ما يسمح لي
دانيه / وبعدين وشلون نخطفه شايفته عبودي وبعدين لو رفعت يده بس تتكسر ظفوري وانا اغلى ما عندي ظفوري
شوق / وبعدين وش يثبت لنا فوز الهلال لو سمحتي انا مالي خلق انتظر على الفاضي اغلى ما عندي راحتي
لين / وبعدين انتي وش شايفته تراه اطول مني ولو سمحتي انا ما اهين نفسي واشيل واحد اطول مني
جنان / وبعدين انتي وش ناقصه علشان ما ندفع له مليون تراها كلها مليون وحده مو مئه هو لو انخطف اصلا لو سمحتي انا اغلى ما علي فلوسي بعدي بطني
ساره / وبعدين وشلون تخطفينه انتي مفكره انه بيطلع بلحاله اكيد الشباب بيكونون معه
رغد / اجل اسمعوا –سحبت السكينه – ننهي عليه في مكانه
جنان سحبتها / لالا خليه بعدين اذا ذبحناه بنصير مجرمين وكونان ما يحبهم
رغد / ما فكرت من هالناحيه اقول لكم شيء –سحب جوالها بسرعه –وش رايكم ندق عليه ونطلعه
دانه / بعدين
لين / نذبحه
رغد / لا شيء احلى
دانه ذبت عليها كتابها / وش الى شيء احلى تبين تشرحينه
رغد / والله فكره
جنان راحت عند رغد / انهبلتي
لين حطت يدها فوق راس رغد / لا إله إلا الله
شوق / اطلع يا الجني ولك الى تبي
دانه / لحظه بنات
البنات لفوا عليها / ها
دانه / وش رايكم نسامحه هالمره
البنات / ها
دانيه مدت كتابها لها / خذي بس اقري
دانه / ايه صح – بدت تقرا –
جنان / سبحان الى يغير ولا يتغير
رغد / البنت عندها امل ان هشام انسان صدق
شوق / ما تدري انه مجرد بليس داخل في انسان
ساره / الحمد لله والشكر على نعمة العقل „ خلصت يلا بروح
البنات / اذلفي
ساره قامت / هه اشوفكم لاحقيني
رغد ذبت عليها الصحن/ وجع ان شاء الله
الجده دخلت / يوه لا تبدون حرب الصحون ترا الصحون انا ابيها
جنان / بتمسكين سميتك ولا نجيب اجلها
الجده / جنان وجع انثبري مكانك انا جدتك
لين / جنيه اقعدي
الجده / بسم الله الرحمن الرحيم خاويتوا لكم جن
شوق بسرعه / ايه
الجده / يا ويلي كم وحده
جنان / 6 بنات حلوين و5 شباب يجيبون المرض وواحد مسافر و3 رجاجيل و4 حريم وحرمه كبيره بالسن وبنت صغيره وولد بثر
الجده / وش بقيتوا للعالم
دانيه همست في اذن جنان/بنات قصدك احنى وشباب عيال عمي والرجاجيل هم عماني والحريم هم عمتي وزوجات عماني والكبيره بالسن جدتي والبزره والبزر ساره وعبود صح
جنان بصوت واضح / ذكيه
جده / وحده اسمها ذكيه
شوق / ها ايه ذكيه اخت زكيه وبنت عم ميمونه وخالت صيته وزوجة سلطانه بنت اخو رقيه ولد عم اخوها مـصعب ابو خال انوار بنت اخو صديقة مساعد ولد اخو خالت بنت عمته اسمها عـ(قاطعتها )
الجده / وجع من ذولا جن ولا مسلسل بدو
رغد / يمه ساره الغداء بيحترق
الجده / يوه –وراحت ركض –
شوق قامت / يلا بنات بسرعه يلا
دانه نزلت كتابها / وش فيكم
رغد سحبتها / قلنا لماما ساره ان الغداء بيحترق وهي كانت على طاولة الغداء يعني بتجي تهاوشنا يلا بسرعه
دانه / يا حيوانات
(عند الشباب )
ناصر / يا ربيه ليل ابو الزهق
هشام / انا وراي ذبحه خطيره
فهد / ذبحه ها في حد يفرح ان في عصابه فوق تخطط على ذبحه
هشام / قصدي 3 اخوات هالثور (اشر على ناصر )
ناصر لف عليه / تبي لك كف يلزقك بالجدار على اساس ان اختك خارج الخدمه
هشام / انا وحده مو 3
ناصر / قل اعوذ برب الفلق عين ما صلت على النبي لا إله إلا الله قول ما شاء الله
هشام / كل ذا علشان 3 بقرات
ناصر/ بقر في عينك قول امين
هشام / تكلمت بالسب
ناصر / انت من جلسنا وانت تسب
هشام / انا امون
ناصر / ليش ان شاء الله ولد السفير ولا ولد الملك وانا ما ادري
هشام / ولد عمك
ناصر/ وبكل أسف
هشام / انطم
ناصر / هيه ترا انا اكبر منك
هشام / اكبر مني في وشو هل في العقل الى ما ادري هل هو موجود ولا لا „ولا اكبر مني في الطول مع ان فرق بينا طول بسيط ولا اكبر مني في مهارة الكوره الى ما تعرف فيها شيء
ناصر شهق / اهيني واهين طولي وعقلي وجمال بس انك تهين مهارتي الكرويه فهذا حدك يا بزر
هشام / تتحداني يعني
ناصر / كان بها يلا جيب الكوره والحقني
-يوم طلعوا –
هشام / يا إني بطيح وجهك تجهز انك بتجمعه
ناصر / مو مجمع وجهه إلا انت
فهد / خلاص انت وياها إذا قلت واحد بذب الكوره اوكي ..اسمعو 3-2-1 يلا
ناصر خذا الكوره وكانوا يتحركون يمين ويسار قال ناصر/لو تموت ما تاخذ الكوره سمعت
هشام / لا تهايط طيب
ناصر / جرب وشوف وش يجيك
هشام تحرك / آآآآآآآآآآآآآآآآي
حلووه مرهه واصلي بلييز 🥺🥺💔