السلام عليكم ورحمة الله وبركاته
كيف الحال
بطرح لكم مشكلة صديقتي المقربه
البنت طموحه خلوقه جميله ذكيه ملفته للانتباه ماشاء الله
بعد ما تخرجت من الجامعه تبحث عن وظيفه
الكل كان متوقع انها اول واحده بتتزوج وبتشتغل وبتكمل ماستر
لكن الله اعلم هي عين صابتها هذا الي ربي كتبه
لها سنه الان متخرجه ماتزوجت ما توظفت ما كلمت ماستر
وطبعا اسألت البنات ما ترحم ليه ما تزوجتي ليه ماكملتي ماستر ليه ماتوظفتي
غريبه انت الحلوه الجميله الي تلفتي الانتباه ماتزوجتي
انت الذكيه الشاطره ما توظفتي او ما كملتي ماستر
تقريبا كل صديقتها الي تزوج والي كمل ماستر والي توظف
الي هي
ظروفها ما تساعدها تكمل ماستر حاليا
والزواج ماتقدم لها احد
مع اني انا صديقتها المقربه قطعت علاقتها فيني وقطعت علاقتها بالكل من 4اشهر ما نعرف عنها اي شيء
جوالها مغلق وحسابها في الفيس بوك وتويتر مغلق
اتصل على بيتهم يقولون نايمه او مشغوله
قبل الاربع شهور تكلمت معها وسألتها ليه ماترد على اتصالاتي ورسائلي
قالت مليت من اسألكتم الي تتكرر نفسها كل مره
تعبت منكم ومن اسألتكم ما ودكم تخلوني بحالي افكر ابتعد عن الكل لفتره
وكلام كثير انكتب منها
امس لقيت منها رساله عشان العيد فرحت كثير ودقيت عليها ثلاث مرات
ماردت ارسلت لها ما تبين تكلمني ليه تعيدين علي ردت ما ابي افتح مواضيع قديمه وهذا عيد وانت اقرب صديقاتي لازم اعيد عليك بس غيره ما اقدر
ابي حل ابي اطلعها من الي هي فيه
|
المشاركة الأصلية كتبت بواسطة مشكلتي
 روحي زوريها بالبيت وسولفي معها وضحكيها ولا تجيبين لها طاري الدراسه والزواج. جيبي مواضيع ثاني مثلا. وش سويتو للعيد وش طبختو سولفي عن الخدمات وعن الحجاج مثلا
|
والله من حقها تتصرف هالتصرف وتطفش بعد
لانه جد فيه ناس تحسس البنت انها هي المذنبة لانها ما تزوجت ولا توظفت ولا كملت دراستها
كل شي مقدر ومكتوب وهذا نصيبها
وحاولي انتي انج ما تقطعينها واذا بتروحي مشوار ولا مكان حاولي تاخذينها وياج عشان تطلع من الحالة اللي هي فيها
ربي يرزقها ويسعدها في الدنيا والاخرة
موفقة
استغفر الله العظيم الذي لا اله الا هو الحي القيوم واتوب اليه 
الله يهديها ويرزقها الزوج الصالح ويوفقهم
|
المشاركة الأصلية كتبت بواسطة مشكلتي
روحي زوريها بالبيت وسولفي معها وضحكيها ولا تجيبين لها طاري الدراسه والزواج. جيبي مواضيع ثاني مثلا. وش سويتو للعيد وش طبختو سولفي عن الخدمات وعن الحجاج مثلا
|
كل فترة زوريها واطلعي مها ع السوق ولا تجيبي إلها الموضوع الي بذايقها
الله يفرجها عليها شكل البنت بجد تعبانه تحمليها ولا تزعلي منها حرام ، وانتي صديقة رائعه لانك بتفكري فيها ….
الله يشفيها ويعافيها
وزي ماقالو البنات لاتجيبو طاري الاشياء اللى تزعجها سولفوعن اشياء ثانيه الله يفرج همها وهمنا ويرزقها بكل اللى تتمنه