الحب الاول صعب نسيانه‎ عذب الكلم 2024.

:

أقول : بنسـى .. وأحسـب انـي نسيتـه ..
الحب الأول .. صعب ((نسيـان)) راعيـه ..

عانيت فـي بعـده كثـر .. مـا هويتـه ..
لا احتلت في ((قربه)) .. ((ولا نيب ناسيه)) ..

لـو انـي أقـدر جيتـه .. كـان جيتـه ..
اللـي بقولـه آآآآه ويلـي علـى أجيـه ..

بس البلا أنـي كلمـا جيـت بيتـه
أخذ ثلاث أيام مدري (شنا) فيـه .!

ليل .. ونهار .. وليـل .. واللـي قفيتـه ..
وأنا مابين أسمه .. ورقمـه .. وطاريـه ..

الله عطانـي مـن غــلاه .. وعطيـتـه ..
((وغيره)) بغى مني .. ((ولانيب معطيـه)) ..

قالـوا : هويتـه قلـت : أأيـه هويـتـه ..
قالـوا: تركتـه قلـت: مانـي مخلـيـه ..

له منـزلٍ فـي وسـط روحـي .. بنيتـه ..
جدرانه ضلوعـي .. وهـو ساكـنٍ فيـه ..

دورت لـه بيـن الضلـوع .. ولقيـتـه
خلف الضلـوع .. يـبـيـن (ماطـى) خطاويـه ..

واليـوم لا أحتجـت اللقـا .. ماأحتريتـه ..
حتى ثره من بين الأضـلاع .. مـا حيـه ..

ياجعـل يسقـى عادنـي لا بغيتـه
يغفى على ضلعين صدري وأصحيه.!

((ما فيه شخـص فـي حياتـي بكيتـه)) ..
الا الـذي قـد مـات .. مانيـب راجيـه ..

لكـن هـو حـي .. ومـع ذا ((رثيتـه)) ..
من قلبـي اللـي .. أحسـن الله تعازيـه ..

حملـت قلبـي بالهـمـوم .. ورجيـتـه ..
كني مـا عـرف .. الا غيابـه وأحاتيـه ..

اسلوب مغلف بالزهو دوماً ..

كلمات متفردة العزف على اوتار الإبداع

سيظل نثركِ ساطعاً دوماً

وبراءة هذه الأحرف

رمزاً على شفافية قلمكِ المميز

هناك دائماً شيء بكلماتكِ

لاتمحوه أي قوة على مر الزمن

دمتِ بخير