السلام عليكم
انا ساكنة مع اهل زوجي منذ 6اشهر المشكله اني ما عندي الا غرفة وحدة وحدها متكسرة و صغيرة وكله يذخل لها غبار و ما عندي مكان اطبخ ولا اغسل ثياب ولا شي واهل زوجي ما يبوني اغسل الملابس وانشرهم فالحوش وحتى بيتهم الله بشهد علي اذا بالغ فالكلام البيت كله وصخ وعفن مافيه مكان نظيف وحتى اثاث عدل ما عندهم وانا عفت اكلهم لان مطبخهم وصخ وخصوصا الثلاجة والله انها سودة وفيها اكل ما شهر قديم واهما ماشاء الله وايد 14 اخت واخو حتى لو بطبخ لازم اعطيهم من الاكل الي سويت والا يزعلون بنات اخت زوجي الصغيرة كله تقط علينا كلام تقول احنا نصرف عليكم ونطبخ لكم و تمن علينا ولسانها طويل الحين انا ادرس بالجامعة ارجع كل يوم الساعة 3 اروح بدون اكل وارجع ما اقدر اسوي لي اكل وانا احمل وزوجي فقير ما يقدر يعيني فلوس او سشتري لي من برى وما يقدر يأجر لي شقة … تكفون قولو لي شاسوي والله نفسيتي تعبانة من هالاشياء خففو علي الي فيني وادعو لي ارجوكم
ان بعد العسر يسر
نقول لما تكثر الغيوم لازم تمطر
اذا ممكن حاولي تلقي شغل بالساعات مع الدراسة بالطبع
يعني تعطي دروس خصوصي
او مربية اطفال,يعني شي يساعدك و لا يخليك تتخلي على الدراسة,اكرر اهم شي لا تتركي دراستك ,راح تندمي بعدين مهما كانت الظروف
اذا زوجك كويس معك و لا يهمك كلام اخواتو,انتي خليك حذرة و حطي حدود معاهم , و كوني اذن تدخل و اذن تخرج
ربي يفرجها عنك,يفتحها عليك من واسع
رحمة ربنا واسعة
حاولي خليه يتدين من احد وتطلعون برا ويسدد على شوي شوي أو خلي أحدي يساعدكم من اهلك أو قرايبك
الله يكون بعونك ويفرج همك ويرزقك بالمنزل المبارك يارب
دامك وافقتي من الأول وخلاص صار زوجك لازم تصبري وتدعي ربك
استغفري كتير
شوفي قول الله تعلى : ( فقلت استغفروا ربكم إنه كان غفارا ،يرسل السماء عليكم مدرارا ، ويمددكم بأموال وبنين ويجعل لكم جنات ويجعل لكم أنهارا)
وعد الله حق أكثري الأستغفار تفرج بإذن الله
أهم شي حاولي تأجلي الحمل علشان تكملي دراستك لأنها أهم شي في حياتك
تاني شي ليش خايفة من كلامهم؟
خايفة يرموكي بالكلام؟
طززززززززز فيهم خليها تنبح لين تتعب
اطبخي لنفسك وزوجك مانتي مجبورة
وربي لو سويتي كدا راح يخافو منك ويحترموكي
نضفي غرفتك والمكان اللي تجلسي فيه مالك في مكان غيرك خليه وسخ انتي جيتي على وساخته
مانتي مسؤولة عنه.
ربنا يفرج همك ويفتح لك أبواب الرزق ويكفيكي شر اهله.
اكثري من الاستغفار والصلاة على النبي وبتشوفين الفرج عن قريب ان شاء الله
الله يرزقكم يارب من حيث لا تحتسبون
استغفر الله واتوب اليه
اللهم صلي وسلم على سيدنا محمد وعلى آل سيدنا محمد
وأكثري من الإستغفار ومن هذا الدعاء حسبي الله سيؤتينا الله من فضله إن إلى الله راغبون وطنشي كلامهم وتعليقاتهم ولاتعودينهم إنك تطبخين لهم كل يوم بس لما تشوفين أم زوجك تشتغل ساعديها لو بشي بسيط أو عندهم عزيمه وياحي ياقيوم يسر لك أمورك ويوفقك ف دراستك