السلام عليكم ورحمة الله وبركاته
كل عام وانتم بخير والأمة الاسلامية كلها فى خير وخصب ورخاء يا رب
المطبخ فى رمضان ،،،،،،،،،،،،،، ماله ؟؟؟؟ تعالوا نطرح الموضوع بشكل مختلف عن المعتاد
الكل بيعمل حسابه وينزل يشترى اكل للشهر بحاله ويجيب اكتر من احتياجه
لأنه طبعا صعب تتوقعى ايه الكمية اللى تكفيكى طوال شهر ،، فالكل يجيب اكتر من الاحتياج الفعلى
لكن لو اشترتيى حاجتك بالاسبوع ،، ح تفرق كتير وح تقدرى تحددى ايه اللى ناقصك
ومتنسوش ان فى رمضان المعدة بتكون خاملة طول اليوم ولما تفطرى يا دوب حاجة بسيطة وتشبعى
وده طبيعى بعد الصوم ،، والنتيجة الأكل يتشال ،، ويبقى تانى يوم بايت وفى ناس بترمى كمان ،،
يبقى لما نشترى كل الخضار اللى فى السوق والفاكهة واللحوم وخلافه ،،،،،،،، والنتيجة ؟؟؟؟
النتيجة ضغط شديد على المأكولات ،، وبالتالى طبيعى نظرا لنظرية العرض والطلب ان
الأسعار ح تزيد اضعاف اضعاف /،،، يعنى ببساطة احنا السبب الأول فى ارتفاع الاسعار الشهر الكريم
( مجرد رؤية من زاوية مختلفة )
من زاوية اخرى ،،،،،،،،،،،
ليه الكل خايف ان المطبخ والأكل هو اللى ح يشغلنا عن العبادة ؟؟؟؟؟؟؟
ممكن جدا يكون وقفتك فى المطبخ هى جزء من العبادة ،،،،ازاى ؟؟؟؟؟؟؟؟؟؟
1- تقدرى تحفظى القرآن وانتى بتطبخى وانتى بتشتغلى سهل جدا ،،،
2- تطبخى بنية اطعام الطعام وتفطير الصائمين وادخال السرور على قلوب المسلمين
وإكرام الضيف ،،، كلها نوايا فى ميزان حسناتك
3- تقدرى تشتغلى بالتسبيح والاستغفار طول شغلك
4- تخيلى طعم الأكل ايه اللى مطبوخ على ذكر الله ؟؟؟
5- ممكن كمان تسمعى دروس علم ودروس تزكية النفس وانتى بتشتغلى مش ح تحسى بالوقت
آدى كمان المطبخ بقى مجلس علم ، وشحذ لهمتك وتقوية لحالتك الايمانية ، يعنى شحنة عشان التراويح
6- لما تطبخى الأكل كل يومين ،،، ح تقدرى تطبخى على قد احتياجك بس ،، مش ح يكون فيه اسراف
يبقى كمان نية جديدة وهى : عدم الاسراف عشان ننال محبة الله ( إن الله لا يحب المسرفين )
7- سماع القرآن مهم جدا عشان تنطقى القرآن نطق صحيح وده صعب يتوفر له وقت فى رمضان
لكن سهل جدا وانا فى المطبخ اسمع القرآن واردد معاه ،،، تعرفى ان دى طاعة جديدة
اجمل شىء أنك تجددى الطاعات فى رمضان ،،، وتعلم القرآن بشكل ونطق صحيح طاعة واتباع للنبى
8- يا سلام لو تعملى حساب وجبة معاكى كل يوم لحد غلبان
د
وجبة واحدة ح تعمليها كأنك بتغرفى لفرد من الأسرة شوية رز وحتة فرخة وشوية سلطة
يبقى وقفتك فى المطبخ لو احنا عملنا كده وجددنا النوايا دى ح تكون شغل عن الطاعة ؟؟؟؟؟؟؟؟؟؟
بالعكس ،،، ح تكون هى عبادة وطاعة ويمكن ثواب اكتر من ثواب تفرغك فى حجرتك للعبادة
ولو قدرتى تخرجى من شهر رمضان بتكاليف وانفاق اقل من باقى الشهور ،،يبقى انتى حققتى مراد الله
من الشهر الكريم ،، ودى لوحدها عبادة رائعة ،، لأنها تطبيق للمعنى الحقيقى للصوم
لأن الصوم ليس معناه فقط الامتناع عن الحلال المباح فترة الصوم ،،،،،،،،،،،
،،، لكن التدرب على التقليل منه بعدم الاسراف ،، فهل وصلتك الرسالة ؟؟
حبابيى /////////// جايز توافقونى وجايز تختلفوا معايا ،،، لكم الحرية اكيد
العبادة اجتهاد ،،، وكل واحد قدر استطاعته يجتهد
وربنا سبحانه لا يضيع أجر المومنين
وفى النهاية الله يبلغنا رمضان يا رب بالطاعة والعمل الصالح
بحبكم فى الله ويا رب اكون قلت اى كلمة طيبة تفيد ولو واحدة احتسبها لوجه الله لأنى بحبكم
اشوفكم على خير ،،،،،،،،،،،،،،
وعدم الاسراف والتبذير في الطعام وان لايلهنا الطعام عن عبادتنا في الشهر الفضيل
جزاك الله كل خير
اولا المطبخ هو القاعدة الرئسية في البيت لابد ان ننظمه باتقان حتى لانتعب وقت الصيام ونترك الوقت للعبادة خصوصا في الصباح يكون لدينا الوقت الكافي وبعد صلاة العشاء نقوم بصلاة الترواح سواءا في المسجد او في البيت ختمة القران كل يوم حزبين ولا نشغل اوقاتنا بمتابعة المسلسلات …. ونقوم بزيارة المريض والاحباب والاصدقاء ولو فترة قصيرة ….وهكذا …النظام هو الاهم …
جزاك الله خيرا اختي الكريمة وجعله الله لك في ميزان حسناتك
تقييمي لك + التتويج للموضوع القييم
اللهم بلغنا رمضان …
نحن على أبواب الشهر الكريم
و هذه نصائح مهمة لكل ربات البيوت حتى تكون أوقاتهن كلها طاعة و عبادة
وجزاك الله خيرا
تسلمي على هذا الكلام
الله يعطيك العافيه