كيفكم يالغوالي اخباركم ايه
يارب الكل يكون بخير
اليوم راح اوريكم تشكيله من معجناتي والله الكل يحبها ويمدح فيها
طبعا مو مدح في نفسي هههههه
المهم انا عامله كميه كبيره شويه لانو كانو بيجوني ضيوف عاد لو تبغي كميه قليله قللي المقادير النص او الربع
يلا نبدأ المقادير والطريقه
في زبديه نحط 6 كاسات دقيق ابيض فاخر +2/م كبيره خميره المعجنات +1/م كبيره بيكنغ بودر +1/م صغيره محسن طعام طبعا مو ضروري +3/م كبيره حليب بودرة +1/م كبيره سكر مطحون +شويه ملح
نحرك المقادير الجافة مع بعض عشان ندخل فيها الهواء
ثم نضيف 4 / م كبيره سمن او زبده لينه او زيت زيتون كلووو يظبط معايا
ثم نضيف المويه الدافئه شويه شويه ونعجن الين تتكون معانا عجينه
طريه متماسكه وطبعا لمن تتماسك معانا العجينه نشيلها ونضرها عده ضربات بالزبديه (يعني نرفعها ونرميها في الزبديه )ان شاء الله تكون الفكرة وصلت
وهده شكلها بعد ما اختمرت والله نسيت ما اصورها قبل ما تختمر
وبعدين اخدت كوره منها وفردتها وقطعتها مثلثات وحشيتها بجبنه مثلثات
ولفيتها زي الكراسووون
وبعدين كمان اخدت كورة من العجينه وفردتها بس اهم شيء ما تخليها رقيقه مره وقطعتها بالقطاعه المتوسطه وغطيتها بحشوة الزعتر
حشوة الزعتر ( كميه من الزعتر +كميه من زيت الزيتون يحرك مع بعض وتوضع فوق العجينه )
واخر قسم من العجينه فردتوا كمان مو رقيقه سميكه شويه
وحطيت فوقها حشوة الجبن المشكله
حشوة الجبن المشكله (كل انواع الجبن اللي بالثلاجه +مايونيز ضروري )
وطبعا لا تنسواا لازم كل المعجنات نخليها تختمر كمان مره ثانيه بعد تشكيلها
وثم ندخلها بفرن حااااااااااااار وتراها تستوي بسرعه
يعني لا تغفلي عنها اوكي
وهذه شكلها بعد ما طلعتها من الفرن وحطيتها بصحن التقديم
يارب تكون عجبتكم
وتحياتي للجميع 
تسلم يدك 🙂
شكلهه شهي
يعطيك العافية
شكرا لك
ما شاء الله عليكي جاري التطبيق
