السلام عليكم
أعتبرون مثل أختكم الصغيرة و نصحوني.. أنا بدون شيء متعقده من الزواج 
ألحين أحس ان حياتي لزوجيه بتنتهي قبل لا تبدأ
انا عاقدة ( مملكة ) من شهر تقريبا
زوجي يجي يزورني في عطل الاسبوع
بس المشكله مافي سالفة لا انا ولا اهو مافي سالفة
لما نتكلم في الوتساب بس صباح الخير و خلاص (شنو السواف اللي نقدر نفتحها في الوتساب)
لما يجي مافي سالفة.. أحسه يمل .. حتى ما يجي إلا متأخر حيل .. (احسه مايحبني بسبب جيته المتأخره)
و شنو السوالف اللي ممكن أفتحها إذا جاء
حاول يكلمني بالجوال و كان صوتي قصير و زعل و هون (هذا شيء طبيعي و كل البنات اللي اعرفهم كذا .. مع الوقت يطول صوتها لما تتعود) بس اهو هون وانا ما ابي ألحقه ولا ابي انحرم من هذا الشيء الحلو في فترة الخطوبة او احرمه دايما احس بغصة بسبب هالشيء و حتى اهوو احسه مقهور بس شسوي اذا الصوت ما يطلع ( اكيد أنتو فاهمين قصدي)
و لما اجي بتكلم احس حلقي مسكر و دايم احس ابي اتنحنح بس ما يصلح اسوي كذا جمبه
(شالحل في شيء اقدر اسوية يحسن هذي المشكله؟)
اهو شخص طيب و حليو و رمنسي و كل شيء بس انا كذا ما اميل لاني أسولف مع اي احد او افتح قلبي لاحد بسهوله
ماعندي سالفة اصلا كل حياتي من البيت للجامعة و من الجامعة للبيت و عايشة مع نفسي و فوق كل ذا ما ودي أسولف معه عن اختي وبنت خالتي و اخوي و عمي وو… احس ماله داعي و غير مناسب اني اتكلم عن الناس و بالذات جمبه !!
و احسها مو مقبوله اني انفخ راسه عن الجامعه و اتشكى من الأختبارات و المناهج و كل شيء و مشاكل الجامعه.. كلها خرابيط !!
من البداية قلنا ما نبي عيال إلا بعدين بعد سنتين او 3 يعني ماله داعي نتناقش في شيء مثل كذا ألحين
لين ألحين ما بعد يتحدد موعد الزواج علشان كذا ما بعد ابدأ اجهز و لا اقدر أسأله في التجهيزات و (عادي اجيب له عينه عطر و أسأله عن رايه للزواج و لا أخلي كل هالاشياء مفاجئة؟)
لين الحين ما بعد تجهز الشقة ولا بعد نشوف شلون بتصر علشان نتناقش في التأثيث
ما عندي مواقف طفوله أقدر أذكرها (كنت كل لعب مع أولاد الجيران و علطول في الشارع
..و ين الانوثه …آخاف يحسبني واحد من الشباب مع الوقت 
و أصلا بس كنا نلعب .. بعد مافي سالفه
أحس علاقتي معه مقتصرة على العلاقة الخاصة وفقط
يعني مداعبات و كذا
ماعجبني الوضع حيل لما بدأ بس ما أقدر أقول له لا وانا حلاله و حقه أصلا حرام علي
بس المهم ما يتعدى حدوده و اهو فاهم
ودي مره ألبس فستان قصير بس مب من حلات السيقان
يعني ركب سودا و مسامات واسعه و آثار حب و جروح و مدري أيش و اقوى شيء الركب السود (مافي حل؟) … و خايفه يمصخها أشوي مع الفستان
عندنا زواج قريب و خاطري يشوفني بالكشخه و كذا بس موعارفة أنظم الوقت!!
يعني يجي قبل لانروح ويجلس أشوي و يوصلنا أهو الزواج؟
ولا يجي بعد مانرجع بس يصير متأخر حييل زوجاتنا تطول 
و أقوله ولا أستناه يقترح أنه يجي و يشوفني؟
أروح مشغل وأخليه يجيبني في العصر و نجلس مع بعض؟
أخاف تخرب الكشخة
ولا ما لازم إذا أهو ما أقترح مالازم
عند زيادة خفيفة في الوزن (تقريبا 5- 10 كيلو) ألحقهم من 10 سنوات ولب جاين
ينزلون و أهو الحين ينحز عن الموضوع يعني أنا أحب الرشاقه و ما أدري ايش و أنتبه تسمنين نتي كذا زين بس لا تسمنين .. طيب شسوي م أقدر اسوي رجيم كلللش ما عندي القدره انا بسرعه اجوع و اجوع حييل يعني بطني يطلع اصوات و كذا و أصلا بس ارجع أكل إلا بزيد و الرياضة لي 10 سنين عليها مالقيت منها شي
شسووووي!! أهي نحزات خفيفه و انا أنجرحت و تضايقت منها… ما أبيه يصرح و آخذ في خاطري عليه أو أكرهه .. بس مب لاقيه حل
أكيد كل اللي عندهم زيادة في الوزن يعرفون كيف نتحسس من هالموضوع
و و قت الـ.. يزيد وزني 2 كيلو ( بعدين يرجع) بس مافيه حل يخليه ما يزيد أصلا؟
و من ناحيه موضوع الطلبات أنا وحدة بطبعي لو أموت من الحاجة ما طلبت من أحد حاجة
بس هذا زوجي ولازم أعوده علشان أرتاح و أهو بعد يستقر و يحس ان في أحد محتاجه و كذا… بس مو عارفه كيف أطلب
حتى مشوار أصلا أحسها مب عدله ..وانا أخواني واجد ما شاء الله
و مشكلتي الثانية ما أحب أبرر مواقفي أو تصرفاتي.. يعني ما أتقبل فكرة أني أقول له صوتي قصير لأني أستحي لأني مو متعدة عليك لأنـي…
و كل شيء بشكل عام ما أحب أبرر تصرفاتي لأحد
أعتذر على الاطاله … و أتمنى من الأدارة ينزلون المشكله بسرعه 
استغفر الله عدلي الموضوع
الخجل عادي ف بدايه الزواج وفهميه انك مب متعوده تكلمين رجال وكذا وبعدين صار حلالك وصرتي تستحين لان مو متعوده عليه لسه
ومو لازم تخطين مواقف ومادري ايش
ولا لازم حياتك الجامعيه بالتفصيل
المهم مادري يعني تقدري ترسلي له صورتك وانتي كاشخه اذا مستحيه يشوفك فيس تو فيس 🙂
وسالفه تسالينه عن العطر ومدري ايش احس ماله داعي الحين
لانك عروس المفروض ماتخبريه بجهازك وكذا
بعد الزواج بكيفك استشيريه وكذا
الزبده عنوان الموضوع ماله داعي ويخرش صراحه !~
لاتتوهمين باوهام زي كذا
اوك؟
موفقه ي عروسه
الله يسعدك ويوفقكم انا بنصحك نصيحه غريبه شويه وعكس كل نصايح الناس التقليدية
ارمي نفسك عليه احشري نفسك في حياته ترا هذا زوجك وحطي في بالك انكم بتتذكرون
هذي الايام وتموتون ضحك على رسميتكم البااايخه وانكم كنتو تستحون من بعض
خلي وجهك مغسول بمرقه اذا اتصل يسولف لا تسكرين الخط قولي ما ابغى اسكر
حتى لو مافي شي نسولف فيه خلاص عاااادي بجلس معاك ع الخط اذا استثقلها في البدايه
بيحس بميانه بينكم وتتكسر الحواجز سولفو في اشياء تافهه لا تسولفون في الاثاث والسفر
انتي ايش تحبين في زوجك خليه يكلمك عن شخصيته عن ايش الزواج واش الاشياء الي ينتظرها منك
اش يحب واش يكره اساليه اساله لين تتعودين عليه وتصيرين انتي تسولفين ويسكر الخط في وجهك
من كثر كلامك وسواليفك الي ماتخلص هههههههههههههه
انا كنت زيك ماقدر اتكلم وساكته وصوتي بالقوة يطلع بعدين انفرطت ماشالله وصرت ملسونه
حرام عليكي تضيعين هذي الايام في الرسميه والله اجمل ايام العمر حرااااام
نكتو سولفو خليه يحكيلك عن مغامراته ويحس انه البطل المغوار وانتي اعطيه وضعية الي متعجبه من قوته وعظمته ههههههههه
حسسيه بحاجتك له اطلبيه بثقه وحمليه مسؤوليتك لا تستحين اطلبيه كل شي بس مو بشفحه كنك مو شايفه خير لا انتي لا زلتي في بيت اهلك وهم المسؤولين عنك لين ياخذك اطلبيه مثلا اشياء ماتتعلق بالمصروف ومسؤوليات اهلك اشياء تافهه بس من باب انك تعودينه وتراك انت سندي وانت المسؤول عني حسسيه انك شي ملكه
والبسي وثقي بنفسك وعادي فساتين وكل شي اصلا لو انتي واثقه بنفسك لو انك اقبح نساء الارض بيشوفك ملكة جمال والعكس صحيح لا تركزين على عيوبك واذا قال عنك دبا قوليله والله عاجبني جسمي ولا بنحف ههههههههه هو بيصير يشوف جسمك احلا شي ولا تنحفين وتحسسينه انه هز ثقتك بنفسك
اسال الله العظيم ان يؤلف بين قلوبكم ويجمعكم على خير
|
المشاركة الأصلية كتبت بواسطة سبحان الله22
 ههههههههههههههههههههههههههههههههههههههههههههههههه
الله يسعدك ويوفقكم انا بنصحك نصيحه غريبه شويه وعكس كل نصايح الناس التقليدية والبسي وثقي بنفسك وعادي فساتين وكل شي اصلا لو انتي واثقه بنفسك لو انك اقبح نساء الارض بيشوفك ملكة جمال والعكس صحيح لا تركزين على عيوبك واذا قال عنك دبا قوليله والله عاجبني جسمي ولا بنحف ههههههههه هو بيصير يشوف جسمك احلا شي ولا تنحفين وتحسسينه انه هز ثقتك بنفسك اسال الله العظيم ان يؤلف بين قلوبكم ويجمعكم على خير |
بس اذا عن الفستان القصير وووو
ياحبيبتي كل السعوديآت ركبهم الله اعلم بالحال 😂
هذا دليل ع اننا سعوديات اصليآت خخخخ
المهم شسمه ترا كلنا كذا وقسم بالله بس انتي سوي تقشير وكذا
وركبك اشتري كريمات من الصيدليه مدري والله ايش اسمها بالضبط
بس سمعت اختي تقول ان فيه في الصيدليه تفتح الركب بس ترا تقول بعد ان اول ما تتروشين ترجع للون الطبيعي ☺️ ، احمم شسمه عادي اسأليه ايش تحب وايش تكره ومع الوقت بتتعودين عليه ، واذا ع جسمك ياخي الرياضه ماتنحف ولا شيء اختي من يوم مااعرفها تسوي رياضه والحين ماشاءالله امتن مني مع اني اكل وجالسه مااتحرك خخخخ و اذا تبين تنحفين خففي من الاكل بس يعني لو بتاكلين كلي من الاكل المفيد وكذا ، انا اذا كنت جوعانه مااكل الا بساكيت وشكلاتات وشبسات وذي الخرابيط اما الباقي اقول مالي نفس وبسبب خبآلي صار وزني فوق الاربعين 😂💔 ، اسمعي الحين اذا انتي شايفه جسمك حلو وعاجبك قولي له ياخي جسمي عاجبني وكلهم يمدحوني < عشان يبلع لسانه وما يتكلم عن جسمك ، وترا من جد كلهم يقولون فترة الملكه احلى شيء عيشي حياتك فيها ويالله بالتوفيق يااختي الله يسعدك ومبروك ان شاءالله تتهنين 🙂