السلام عليكم ورحمة الله وبركاته
كيفكم صبايا ..
بدخل على الموضوع على طول
انا انخطبت وماعندنا لا شوفه شرعيه ولا تقدري تطلبي صورت الرجال لانك بتصير قليلة ادب >>قولو عنا متحجرين
المهم واهلي امدحو الرجال حطوه ملاك وانا وقتها مالي خلق كان عندي اختبارات قلت لامي مو موافقه قالت لي لييييش الولد ماينرد قلت لها خلاص موافقه >كذا بس بسكتها وماصدقت خبر امي وبعد يومين ردت على الناس وانا بلشانه بالاختبارات ..
المهم بعد اسبوعين صارت الملكه وانا كنت بارده ولا تقولو عني عروس تخيلو قبل الملكه بيوم شريت اللبس ابد مو مهتمه
ولما جات الملكه تكشخت وطلعت وقسم بالله برود الدنيا كلها فيني
وبعد مادخل تعالو شوفو شكلي كيف الصدمه على وجهي وقسم بالله ماقدرت اتقبله لا شكل ولا شي بنااات والله مو قادره اتخيله يصير زووجي
..
وبعد ماطلعت من الصاله دخلت غرفتي واحس اني بديت استووعب توني بديت افكر كيف وافقت ومتى وافقت وليش وافقت ضاقت فيني الدنيا وجلست اصيح لحد ماهديت ومن بعدهاا جلست اسبوع مااكل وحالتي حاله اهلي لاحظو وكنت ساكته ماتكلم وكل ماجابو طاريه تلوع كبدي ويتغير وجهي وكانو يسالوني وماتكلم لحد مره امي جلست تتكلم معي وماقدرت امسك نفسي صحت لحد ماصفى راسي وقلت لها يمه تكفي مابغاه خلاص طلقوني منه وهدتني امي وقالت بيصير اللي تبينه ..
بناات انا مو متقبله وجهه وحرام الرجال ماينرد وانا بجلس معه طول حياتي يعني لازم اتقبله بس والله موقادره اتقبله لا جسم ولا وجه وكم مره اقول بغصب نفسي واتزوجه بس والله حراتم اظلم نفسي واخااف ربي يعاقبني مع اني مو غلطانه الغلط على اهلي اللي ماخلوني اشوفه
تكفووون ي بناات انا صغيره والعمر قداامي ومو عارف ايش اعمل
مع العلم اني قلت لاهلي جتني ضيقه وكرهته مابي اقولهم شكله ماعجبني عشان ادري انهم راح يقولون الشكل مو راس مال ..
ادري اني بصير مطلقه وهالقب كبير علي والناس ماترحم بس شسووي ريحووني ي بنااات الله يريحككككم
بس مثل ما قلتي الطلاق مو حل
اذا الرجال اخلاقه زينه ليش ترفضين
لجلستي معاه راح تتقبلين شكله وتحبينه
ما قادر تقرر تكمل و لا توقف ..
والله شو اقولك يمكن يطلع فيه خير
و من رجع لربه ما خاب حبيبتي..
فكري و خذي وقت فالتفكير وربي يسهل الامور
استخيري اختي وربنا يسهل الامور بس نصيحه الشكل مو مقياس المقياس الدين والخلق
وربنا يكون معك