السلام عليكم
عندي مشكله مع زوجي انا متزوجه من اربعه شهور زوجي مايقصر في شي في بيته من اهتمام ويلبي طلباتي من تزوجنا ماحسيت للحظه انه بخيل
من اسبوعين حب يسويلي مفاجأة من غير مايعلمني (( المفاجاة نسافر لاهلي لانهم ساكنين في منطقه تبعد الف كيلو وماشفتهم من شهرين ))
انا حيل استانست وطرت من الفرح لاني بشوف امي بعد شهرين
المشكله اول ماوصلنا لاهلي انا ماحبيت اروح لهم من غير هدايا او شي خاصه لامي وطلبت منه ناخذ لهم هدايا حتى لو بسيطه
طبعا الرجال اتغير عصب فيني حيل وقال ليش تبين تشترين هدايا لاهلك من فلوسي انا استغربت من ردت فعله وسكت الين رحنا بيت اهلي وسلمت عليهم وجلست عندهم
بعدما جلسنا من الظهر للعصر بنفس اليوم طلب مني نرجع بيتنا
حاولت وياه مارضى يخليني اجلس يمكن خايف اشتريلهم هدايا او شي حتى اطفال اختي الصغار ماقدرت اجبلهم شي هم متعودين حتى قبل لااتزوج دوم اعطيهم هدايا وافرحهم
انا طبعا من القهر قلت له لعلمك انا حتى لو اشتريت لهم ماراح اشتري بفلوسك راح اشتريلهم من فلوسي ((عندي فلوس من مهري ))
المهم قام يهاوش ويرفع صوته وانا ماابغا اهلي يحسون بالي صاير بينا
بالاخيرعشان مايكبر السالفه سكت ورضيت نرجع بعدما ودعت اهلي وانا ابكي طلعت في السياره وهو معصب يعيد ويكرر بالكلام وانا ساكته
تخيلو بعدما طلعنا رجعني بيت اهلي وخلاني وراح وانا اساله ليش وش سويت ليش بتخليني عندهم
رد برد وحيد (( ابي اادبك عشان ماترفعين صوتك مره ثانيه وخليك عند اهلك الين تموتين )) وراح
بعدها علمت اخوي كل شي وحاول يتصل فيه عشان يشوف وش الموضوع زوجي مايرد كل مره يعطيه مشغول
بعدها بيومين اتصل فيني مارديت وسويت مثل ماسوى بخوي اعطيه مشغول الين طفش
رسل رساله كتب فيه انا بجيك الخميس اخذك
هنا انا ماقدرت اتحمل ورسلت له رساله (( والله الي خلقني وخلقك ماعاد ابيك تحرم علي حرمت ابوي ))
صارلي اسبوعين عفته كرهته احسه شخص غريب مو زوج امي واهلي يحاولون معي انا مو قادره ارجع بعد الي سواه ولا عاد ابي اشوفه او اسمع صوته وابي الطلاق باسرع وقت
خاصه بعدما سويت تحليل دم في المستشفى الحمدلله طلعت مو حامل
اخواتي هل انا غلطانه بقراري ابي رايكم
موووو كذذااا
الزواج يبي له صبر
والله رسالتك قويه وزادت الشرخ
الله يهديك
اصبري عليه واتفاهموا
يمكن قلتيها في وقت كانت عندك الدورة او قبل تجيكي
سبحان الله لو الحرمة بيدها الطلاق كان طلقت زوجها كل شهر بسبب تقلبات المزاج
وكان اتحرم عليكي زوجك بسبب حلفانك
حاولي تضغطي على نفسك شوي
ادا اتصل ردي واتفاهمي معاه
الزواج مش لعب ياقلبي
ومشكلتك مرة تافهة مقارنة بغيرك
علشان هدايا لأهلك ؟
كان لازم تفهمي منه ليش رفض؟
يمكن ماعنده فلوس؟
يمكن لسة فيه افكار في راسه ان الزوجة ممكن تستغل زوجها وتصرف على اهلها
حاولي تراجعي حساباتك عادي ادا غلطتي اهم شي تتوبي
خليه يجيكي ويتفاهم معاكي واتحاورو بهدوء وفهميه انك متعودة تدخلي اي بيت وفي يدك شي
والرسول صلى الله عليه وسلم قال تهادو تحابو.
ربي يصلح بينكم ويهديكم ويردكم لبعض ردا جميلا.
وليش حرمتي انتي ع طول يعني حسيتي السالفه فيها كرامه بقولك شغله بين الزوج والزوجه مافيه شي اسمه كرامه
لانه نصفك الثاني انتي ممكن تجرحين قلبك الداخلي وتهنين كرامته وتزعلين على نفسك بنفسك
هذا هو الزوج او الزوجه مافيه بينهم سالفه كرامه بس فيه تعلمون بعض الاحترام يحترمك وتحترمينه
