السلام عليكم ورحمة الله وبركاته …بدأنا يابنوتات بتحية الإسلام ولنفخر بذلك احسن من هاي وهايات و…..الخ ….
كيفكم صبايا ..؟؟…كيف حرارة المطبخ اليوم ؟..عارفه ..عارفه ..الله يعين ..وانا بعد ههههه"..عاد الحمدلله ..اشوى ..ماني لحالي عندي اخوات ..كل وحدة تشتغل بشي..لو كل شي على راسي ..اااااه ..مدري ايش بيكون حالي….المهم ….موضوعنا اليوم يا حلوات ..عن مجالس البنات ومايدور فيها من هبال وصياح اقصد الضحك والسوالف باصوات عالييييية ..وطبعاً ماتخلو من الــــــــ( الحـــــــــش) في العالم ..الي مايسلم منه احد …إلا من رحم ربي …بس بصراحة يابنات …فرفشة ووساعة صدر ..خاصة اذا كنتوا ماشفتوا بعض من فترة طـــــــــــــويلة …صح.؟؟…توافقوني في هذي؟؟….امس والبنات عندي حسيت الجيران بيهاجرون من اصواتنا …..هذا واحنا بنات واصواتنا كذا …اجل لو عيال ايش بنسوي .؟؟…تكلمنا عن الصيفية وطلعاتها ..مروراً بالشعر وقصاته والمغامرات الي تصير من قص الشعر بالبيت ومايترتب على ذلك من نشوء (قصات مرعبة )من غير قصد ..وتكلمنا عن مناسبات الزواج و بعض مظاهر الهمجية التي تصير فيها ..وإصطحاب الاطفال لااا ومن زود العناد يجيبون الشغالات بعد ….ومكياج العرايس التهريجي والمفاجئات الي تصير للعرسان المساكين ثاني يوم…(وهنا ضحكنــــــــــــا ضحك …الين حسيت بطني بيتقطع) وعلى النقيض من ذلك تماماً ..تكلمنا عن بعض الزواجات الي تُعتبر نماذج للذوق الرفيع والرقي ….وطبعا تكلمنا عن جامعاتنا وبناتها ….وذكريات المدارس ….وغيره وغيره …لكن بصراحه يابنات ..بعد ماطلعوا وجلست شوي وفكرت مع نفسي ..ندمت على ماجنت السنتنا من غيبة …الله يرحمنا برحمته ويعفو عنا جميعاً …..هذا مادار في مجلسي واتوقع اكثر مجالس البنات مشابهه …
….يلا شرفونــــــــــــــا واسدحــــــــــــوا مجالسكم وسواليفكم وإهتماماتكم هنا …حياكم الله ..
…..وصلوا على الحبيب 
بس بعد هيك بنندم ليش حشينا في العالم شو بدنا نعمل
الله يغفر لنا يا رب
خاصة لا صرتي من زمان عنهم
احنا والله لا جتمعنا نتكلم بكل مالذ وطاب
ونــاسة ,
بس اذا راحـوا تندمين انك مثلاًً حشيت بفلان او علان او او او إلى اخـره
,,بس وش نسوووي هذي سوالف البنات
عسسى ربي يغفر لنا يااااااارب
يعطيك العافيه موضوعك ولآ اروع
اولا اشكرك عزيزتي ولائي للطب على الموضوع الرائع
وثانيا جعلتني اعود بالذاكره الى الوراء لسنوات الصبا واقارنها مع مجالس النساء التي احضرها هذه الايام وانا في عمر امهاتكم
لم ارى فرقا كبيرا اذا قارنت الماضي والحاضر
ولكن وجدت اختلافا كبيرا بين مجالس البنات التي تتكلمين عنها ومجالسنا ايام كنا بنات
لا اذكر في يوم من الايام ذكرنا احدا بسوء او اغتبنا اي بنت غير حاضره معنا في المجلس في حين ايام زمان لا كنا محجبات وكنا نعيش في مجتمع فيه اختلاط وندرس في جامعات مختلطه وحتى الصلاة كنا نصليها متقطعه
ولكن الغيبه والنميمه كانت خطوط حمراء لم نتجاوزها اطلاقا
وهذه الايام ايضا كبرنا واصبحنا اكثر التزاما والغالبيه محجبات ومجالسنا اصبحت غير مختلطه ومع هذا لاوجود للغيبه والنميمه فيها
لماذا عزيزتي هذه الايام مجالس البنات تعج بذكر الناس الغائبين ؟؟ واكثر الذكر بالسوء والانتقادات؟؟
وعلى حد علمي ان غالبية المجالس التي تتحدثين عنها البنات فيها محجبات ويرتدون العباءه واغلبهم يغطين وجوههن ايضا
لماذا لايتطابق المظهر مع الجوهر؟؟
ربما تمر احدى السيدات وتنتقد المجتمع الذي عشت فيه كوننا كنا سافرات وربما غير محافظات على صلواتنا حينها
لكننا نفرق بين الحلال والحرام
هل يكفي للمرأه المسلمه ان تراعي المظهر وتترك الجوهر؟؟
أيحب احدكم ان يأكل لحم اخيه ميتا فكرهتموه
هذه الايه الكريمه حفظناها ضمن مقرر الاسلاميه في الابتدائيه
وبقت راسخه في اذهاننا بحيث تصيبنا الرغبه في التقيىء كلما تذكرنا اننا نأكل لحم انسان ميت
دعواتي القلبيه بالصلاح للبنات
ودي وتحيتي
لانهن ليس لهن أفعال يقمن بهآآ غير الحش والغيبه ..
يعني مايضر نتكلم قدآم وجه البنت
ليه الحش
..هذآ بدال مانفكر ..بعيوبنا ونحآسب انفسنا ونسولف سواليف .
تجعلنا مثقفات
اصبحنا ..سفحآن
نب ذي لآنه قصيره ونتكلم بعرض ذي بانه ضعيفه شخصيه ..
أو انه شريره .ليه مانتكلم بوججه منه نستفيد انه ترد ..علينا ونكون أصدقاء نصارح بعض ..
لكن السواليف لآبد منه والمواقف لأكن دون عيبه وتحقير للأخر ..
…ثم إن الغرض من الموضوع يااخوات ليس اللوم علينا بما قلنا(اسأل الله التواب الرحيم ان يغفر لنا ولكم ولجميع المسلمين) ..ولكن الغرض من الموضوع هو النقاش حول مجالس البنات ومايدور فيها بصفة عامة ..صلوا على الحبيب..