بسم الله الحمن الرحيم
السلام عليكم ورحمة الله وبركاته
………اتمنى من كل وحده فتحت موضوعي تساعدني بنصيحه والا دعوة صادقة من القلب والا وظيفه وانا راح اتصدق عنها ……………………………….
مشكلتي يااخواتي ماهي مرض ولاجوع ولا اني ماعندي الي البسه الحمد لله حمدا كثيرااا كما يليق بجلال وجهه وعظيم سلطانه الحمد لله الحمد لله الحمد لله ………
انا يااخواتي متزوجه لي ثلاث سنوات ومو موظفه وزوجي راتبه ماادري وين يصرفه …واهلي ولله الحمد مرتاحين ماديا واهل زوجي كمان مرتاحين ماديا المشكله تكمن في اهل زوجي وااخواته ……..مشكلتي ابدا فيها جزء جزء وفهموني هل انا فقيره ….في البدايه انا حارمه نفسي كل شي واي فلوس تجي بيدي اشتري فيها غرض للبيت وبعت ذهبي كله وانا نفسي فيه عشان اعدل البيت وارممه والمشكله للحين باقي ماسويت شي واخوات زوجي بيوتهم جنان وكل شي نفسهم فيه يسير ويجيبوه والله يابنات ان مطبخي متكسر ووسخ يبي له تررميم وانا استلم حافز الحين وناويه ارممه بس زوجي مومهتم والله اتحسر على بيوت الناس لما اشوفها حلوه وانا بيتي قديم وموحلو الحمد لله يارب لاااعتراض انا ادري في ناس بيوتها من خشب ومن طين وخيام بس مايحق لي اعيش بيتي واشوفه حلو ويجنن انا ساكنه بوسط عايله كل الي بنفسهم يسير لو نزل اخر موديل جوال جابوه اكل ولبس وفخامه من اروع شي والله يابنات ددوبنا جايين من عند اخته وتوها معمره بيت والله بيت وشغاله وكل الي نفسها فيه واكل ولبس وجوالات ماشاء الله تبارك الله وانا رجعت البيت مالي نفس اطالع بشي مكتومه وحزينه ع حالي لابيت مرتب ولاجوال زين جوالي مكسور وحال الله عالم فيه حتى الاب توب هذا شريته بفلوسي جمعتها انا بالبدايه قلت لكم زوجي ساحب قروض يشتري سيارات ويطلع فيها هو واصحابه وانا والله شاهد مااطلع ولا اروح ولا ااسافر ولما اشتكي واقول سوي بيتك جمع فلوس خلينا نسافر يقول مو مهم والله الحين هو مقدم على ارض ويبي يبيعها ويشتري سياره موديل 2024 والمشكله مو راضي اتوظف واسنع حالنا وخواته بس فاضيات يكشخن ويسافرن ومتهنيات الله يتمم عليهن والله موحسد بس مقهوره ع حالي وحياتي الكئيبه وغير كذا يحب طبخ خواته ويمدحهن وانا مايعجبه ولاشي اسويه في نظره ماافهم شي ولما احد يعزمنا من الجماعه مايعلمني ولاياخذني معاه ياخذ امه ويحقرني وانا حياتي ممله مااعرف احد ولااشوف احد وبيتي موحلو وجوالي خربان ولبس زين مااعندي وهو ماادري بخيل والا وش مشكلته راتبه 4200 ريال يخصم البنك للقرض 800 ومصروف بنتي 400 وماعندنا الا بنت وحده وكهربا قولي 200 واغراض للبيت 300 بس والباقي والله مااشوفه ولما اطلبه يقول مااعندي والحين انا استلم حافز والله مو مستفيده شي ماافيه بركه اشتري للبيت وبنتي وانا والله ولا شي يحاسبني على كل غرض اجيبه هو شخصيته ترفع الضغط عصبي ويحرج ومايحس الحين انا داخله جمعيه ابي اسوي المطبخ واجيب غساله تومتيك وافرش البيت موكيت تعبت من الكرف بالبيت الي مو معدل بس وش رايكم لاتقولو لي لاتجيبي شي والله هو مو جايب لو اموت والمشكله الاخيره فوووق كل هالهم والاحتياج المادي انا فاقده الاحتياج المعنوي والنفسي والله ينام بالمجلس وانا انام بالصاله والغرفه حقت النوم مهجوره مع اني والله البس واكشخ وحلوه وصغيره بس هو هاجرني من يوم جبت بنتي ينام معاي بالشهر مره انا متحطمه من جميع الجهات يوديني عند اهلي من يوم الثلاثاء ويروحني الجمعه واجازة الاسبوع يطلع فيها مع اصحابه وانا مطنشني مايهتم فيني واذا رجعنا البيت انا اشتاق له واتودد وهو حاقرني ومومهتم ياكل ويشرب عند اهله وانا عايشه على االسندوتيش والشاي الحمد لله …..والله متحطمه من كل النواحي موحاسه بالحياه ايامي كلها تشبه بعض نفسي اتوظف واعيش حياتي بس هو رافض اشد الرفض يقول بمدرسه ايوه لكن بمستشفى لا وانا لاقيه وظيفه بمستشفى بس هو حالف نفسي اغير حياتي للاحسن عندي طموحات بس هدمها باسلوبه وعصيبته والمشكله مااحد حاس فيني اهلي فيهم الي مكفيهم واهله بس فاضيين يتفشخرو علي وانا مالي حيله انا اكتب الحين وانا معنوياتي صفررررر بالارض اابي اعيش اابي استانس بشبابي وحياتي ابي اجيب كل الي نفسي فيه ………….
ساعدوني الي عندها وظيفه بمدرسه بالمنطقه الي انا فيها تساعدني والله تكسب فيني اجر انا بنت صغيره عمري 22 ومعي ثانويه قسم علمي وخبره بالكمبيوتر وفاهمه وذكيه وطموحه ارررررجوكم لو دعوة لو نصيحه انا محتاجتها ارجوووووووووكم …..
ليش ليش ليش لييييييييييييييييييييييييييييييييييييييييييييييييي ييييش انا ماافضفضت لاحد غيركم غيرك ومنهم أنا بتمنى أعيش في مدينتي حتى لو في بيت بالإجار أحسن من البادية والجو الي يموت الشخص بسرعة..
الله يساعدك ويهنيكي وإحمدي الله على لي إنتي فيه..
ياقلبي وضعك الحمد لله الكثير يعيشه ومايعتبر فقر
ولاتنظرين لغيرك وش عنده لكن انتي وش عندك عندك الزوج وبيت يلمكم وينت تسوى الدنيا
حبيبت قليبي والله لو بناظر الناس ماشبعنا
نصيحتي لك ماعليك من البيت لو يفضى حديده وحافزاجمعيه لوقت عوزه وانا اختك لاتلمسينه مهما صار وكلميه ولاتقولين خواتك وخواتك واهلك وفلانه وعلانه قولي لو سمحت من الشهر الجاي تطلع مصروفي ومصروف بنتي واذا كان رافض دخلي احد من اهلك بالموضوع رجال عاقل حكيم ذكي ولبق وخليه يكلمه
وبالنسبه للبيت الفشيله بوجهه مو بوجهك لانو رجال البيت ومقصر فيه نصيحتي لمي الريال على الريال دامه رجل اناني ويستغل طيبتك بدون مايعوضك لو قالك ماعندي ومافيه وماتقدرين قولي انت عند السفر ماتكون عاجز عند اي حاجه تخصك ماتكون عاجز بس عند حقي عليك تكون عاجز ومطفر وغلطتك من الاول المفروض تعودينه يعطيك مصروف الان انتي ام لبنوته فكري فيها قبل اي تصرف تندمين عليه والفقر مو عيب والله الصبر اخره فرج وتوكم في بدايت حياتكم وبكره تزين ويزيد راتبه وتتحسن كل امورك
طول مانتي تظارين غيرك بتتعبين
الله يصخره لك بحق جاهه وملكه