الســـلام عليكم ورحمه الله وبركاته
انا يااخواتي اعرف ان الشكوى لغير الله مذله ،لكن كتبت هالموضوع لدعائكم لنا ويتيسر حالنا
عائلتي الصغيره كل ماجالنا ونفتقر
وابوي شغلته ضعيفه يالله وع التكسي يوم يشغل واسبوع مايلقى وماعندي اخوان كبار وانا اكبرهم عمري 18 سنه
واحنا عائلتنا مكونه من 7اشخاص
حاولت ابيع حلويات وهالشغلات من صنع يدي لكن مانجح الامر
ومادري ايش اسوي والضمان الاجتماعي يالله انه يكفي اجار الشقه 
ارجوكم عطوني حل والله تعبت نفسيتي من التفكير والحياه جدا جدا صعبه الموت ارحم
ومن لاتملك الحل لاتنسانا من دعاء من القلب 
حبيبتي تقدرين تشتغلين باشياء كثيرة ممكن تساعدك .. بس أياك تشتكين لاحد باللي فيك اشكي ربك هو اللي بيكشفه عنك !
مثلا سوي عروض مدرسية او مجسمات او اكسسوارات واطواق وبيعيها
او سوي مثلا هدايا وغلفيها للمتزوجات او للوالدات وتقاولي مع محل تسوين كمية ويبيعها لك مثلا والنص بالنص او على حسب الاتفاقية اللي بينكم وممكن تبيعين من بيتكم يعني تحطين صور بالانستقرام ورقم يشترون منك
بس يبغالك تبدعي اكيد !
وممكن تعطي دروس خصوصي .. ممكن تعملي في حضانة اطفال عمل جزئي يعني
ابحثي بالانترنت بتلقي وظائف كثيرة عن طريق الانترنت
ممكن تتعاملي مع شركة ميك آب وتبيعي على صحباتي واهلك ومعارفك
وفي وظايف في شركة الاتصالات السعودية ( موبايلي ) موظفات نساء وانتي تحددي راتبك
بصراحة سجلت فيها قبل كم شهر بس ما كملت اوراقي لسبب خاص فيني ^^
اتمنى ساعدك لو بشيء صغنون
ممكن تخلين صحباتك او بنات خالتك او اخواتك يساعدونك ويشتغلون معك لان يد وحدة ما تصفق
والشغل اكيد مو عيب استمري للامام .. ولا تتخاذلين وتشتكين من الفقر تقدرين تغيرين هذا للافضل
حتى لو قفلت بوجهك الطريق بيبقى باب الله مفتوح وهو بيهديك لصواب
وادخلي على الموارد البشرية عندهم دورات وكذا مجانية وعليها مكافئات تحصلين شهادة ومكافأة مادري اذا الحين مفتوحة جربي
وتقدرين تتوضفين في الاسواق بائعة كثير الاسواق اللي يبيعو فيها الحريم
لا تقعدين وبس .. ابحثي وبتلقين بإذن الله
بالتووفيق !!
والله ييسر حالكم واحوال المسلمين يارب