السلام عليكم اخواتي
اخواتي انا غلطة غلطه كبيره
بنات انا عندي استراحه لي انا ومتجمعين فيها كلنا انا واهلي وزوجي معي
زوجي وايد طيب ويحبني ولاعمره قال لي لا وفي البدايه اصريت ان يكتب الاستراحه باسمه
بس هوه رفض يقول خليها باسمك انا وانتي واحد وماقلت شئ
والاستراحه بعيده عن اهله وعن بيتنا اهله وبيتنا في الطائف والاستراحه في جده
وامس كان جالس في الحديقه هوه واخواني ثلاثه وانا جيتهم من الداخل معصبه من سالفه وايد متضايقه
هوه جلس يسولف هوه واخواني وانا جالسه قال قوه ابي اسوي تعديلات في الاستراحه من الخارج من شان تكون احلى
وقالي فلانه وش رائك اسويها انا فشية خلقي فيه
قلت اشوفك ماخذ راحتك تسوي وتجيب على كيفك اذا كات لك سوي على كيفك
قوه قال افا يافلانه ومن متى صار هذا لك وهذا لي قلت من اليوم وقمت ودخلت عند اهلي
وبعد ساعتين حسيت ان كلامي ماله داعي وادري انه زعل مني
طلعت الحديقه الي اتاسف له وابي اسولف معه بس مالقيت احد كلهم مو موجودين اتصلت عليه مايرد
اتصلت على اخوي يقول فلان طلع متضايق واحنا ورحنا على البحر
انا عرفة انه زعل اتصلت واتصلت اخر شئ رد علي وكان صوته هادي ومتضايق
قلت وينك فلان قال ليش يهمك قلت اكيد قال انا رحت لطائف
قلت ليش وانا قال وانتي مو اوليه تقولي روح تطرديني والحين تتصلي
قلت وربي ماقلت شئ انا كنت معصبه قال معصبه وقدام اخوانك تطرديني كل شئ سويته وتعبة عليه من شانك وكافيني بالطرد وقدام اخوانك خلاص انا
رحت واستراحتك لك انا الغلطان اني اسوي فيها شئ ونذر علي معاد ادخلها لين امووت
وروحي لهم خليهم ينفعونك
هوه على باله ان اهلي لهم شغل يوم تكلمة عليه
بنات وربي اني اكتب لكم وانا ابكي
بنات انا اعرفه اذا حلف خلاص الموضوع منتهي
واليوم مرسل رساله يقول لك اسبوع تجلسي مع اهلك واذا ماجيتي بيتك وقسم بالله
معاد تدخلينه واتصل عليه مايرد وشوفوني بكره ابي ارجع له
انا خايفه من جده معاد يدخل الاستراحه على كلامه
وخايفه يوريني الوجه الثاني له
ادري اني الغلطانه بس وربي ماكان قصدي
بنات قولولي وش اسوي
بنات وش اسوي وربي اكتب لكم والنا ابكي
ولازم تردين كرامته قدام اهلك وكلمتين منك ان مالي مالك وانت كل شئ لي ولا تزعل مني
رايها سليم ميه في الميه
عليك الاعتذار وقدام اخوانك لزوجك
وتحبي ع راسه لان اللي سويتيه شي طبيعي انه حرح كرامته
الله يصلح اموركم يارب
انتي غلطتي بحقه واهنتيه وجرحتي مشاعره قدام آخوانك ..
واعترافك بخطأك مايكفي ..
الحين اللي عليك تسويه ..
تروحين بيت زوجك و نهائي لاتناقشينه بالموضوع
ليمن هو يبدأ يتكلم فيه .
عامليه بلين وبطيب وحسسّيه انك حاسه بالذنب وعارفه غلطتك..
وحتى لو حاول يستفزك بكلامه .. لايسمع منك الاّ
( سم …. وآمر …. واللي تبيه يسير )
واصبري على بال مايرضى عنك .
وبتتسهل أمورك ان شاء الله .
سوا كلشي لك وهذا جزاه
وانا مثله اقول خلي استراحتك تنفعك
الحمد لله رب العالمين