السلام عليكم ورحمه الله وبركاته
انا فتاه حبيت شاب وبادلني نفس الشعور وبعد فتره بسيطه تقدم لي لكن اهلي رفضو زواجي منه .. وبعد فتره حسيت اني لازم اتزوج مع اني كنت للحين احب الشخص الي تقدم لي ،، تقدم لي شخص ثاني وارتحت للزواج لكن بعد ما تمت الخطبه تضايقت و ماقدرت اكمل معاه لاني ابي ارجع للي كنت احبه، انفصلت و رجعت اكلم الي احبه بس كان شايل بخاطره علي لاني وافقت على شخص غيره وقال لي انه زعلان من اهلي لانهم رفضوه ومايقدر يتقدم لي مره ثانيه وقال انه راضي بالنصيب بس في نفس الوقت مايقدر يتركني او ينساني وقال لي يبي يكلمني حتى لو تزوج ،،
وبعد سنه اهله اقنعوه بالزواج ووافق وخطب وحده تقرب له انصدمت وزعلت وانقهرت لانه يحبني و انا احبه وقلتله ان اهلي ممكن يوافقون مره ثانيه لو تقدمت لي لكن قال لي مالنا نصيب مع بعض بس ماقدر ابعد عنك وخليك معاي وانا بسوي الي ابوي يبيه وبتزوج و بسوي الي انا ابيه وبكون معاك
الحين انا ابيكم تساعدوني فقراري هل ابقى معاه ولا انساه ؟
هل ممكن انه يترك خطيبته ويرجع لي لو انا اهتميت فيه اكثر هالفتره ؟؟
هل ممكن يقارن بينا ويشوف انها ممكن ماتصلح له
وهل في طريقه تخليه يرجع يتقدم لي مره ثانيه؟
شنو الحل بالضبط تعبت وانا افكر مابي اضر احد بس في نفس الوقت ابي اتزوجه لاني مقتنعه اني مابقدر احب احد غيره و ابي اعيش معاه طول عمري،،
إنسيه وأتركيه تحت عنوآن " من تَرك شيئاً لله عوضه الله خيراً منه " فأتركيه وَربي بيعوضكِ ..
يعني إذآ صآر وتزوجتي بتحآدثيه ؟ هآذي خيآإنـه وأكبر خيـآإنه خيآإنتكِ لربكِ وبعدهآ لأهلكِ !
وَإذآ يحبكِ كآن حآول مرة وإثنين وثلآثه ، لكن خطب وبيتزوج إنتهى المَوضوع ؟!
موفقـه ..
|
المشاركة الأصلية كتبت بواسطة LITCHI
 مآبنيَ علىَ بآطل فَهو بَآطل ، ترضي زوجكِ يحآدث فَتآة يحبهآ ؟ تَقدم لهآ بس أهلهآ رَفضوه ؟!
إنسيه وأتركيه تحت عنوآن " من تَرك شيئاً لله عوضه الله خيراً منه " فأتركيه وَربي بيعوضكِ .. يعني إذآ صآر وتزوجتي بتحآدثيه ؟ هآذي خيآإنـه وأكبر خيـآإنه خيآإنتكِ لربكِ وبعدهآ لأهلكِ ! وَإذآ يحبكِ كآن حآول مرة وإثنين وثلآثه ، لكن خطب وبيتزوج إنتهى المَوضوع ؟! موفقـه .. |
.
.
.
.
لا انتي تحبيه ولا هو يحبج … انتي ارتبطي بشخص وعقب رجعتي له
وهو حاليا بيتزوج …
ارد على اسئلتج :
1) طبعا المفروض ما تبقي معاه لانه هو بيبدأ حياة يديدة وما اعتقد انج بترضين تكوني في مكان زوجته وريلج يكلم وحدة ثانية صح ولا انا غلطانة ؟
2) وترضين على نفسج تكوني الثانية بحياته ؟!! حتى لو ترك خطيبته … ياليت ما تفكري بهالصورة وتكوني انتي السبب في تركه لبنت الناس اللي مالها ذنب في هالموضوع
3) ممكن جدا انه يقارن بينكم ويشوف العكس انج ما تناسبيه وخطيبته هي اللي تناسبه اكثر
4) وما اعتقد فيه طريقة تجبره انه يتقدم لج مرة ثانية دام هو ما يبي …
وفي الاخير احب اقولج ما فيه رجال ينجبر على شي ما يبيييه سواء بالزواج من بنت ما يبيها او حتى بتركه لبنت يباها !!! فكري فهالنقطة عدل
موفقة
استغفر الله العظيم الذي لا إله إلا هو الحي القيوم و أتوب إليه 
أنسيهه والله يعوضك خير منه
واللي يخون غيرك يخونك ..،
وراح يلتهي بحياته وينسآك ..،
ابدئي انتي وطلعيه من حيآتگ قبل لايفاجئك هو
نصيحه انسيه انسيه
والله يكون بعونككك ../
يكلمك ويدردش ويضيع وقت معاك بالحرام.!!!
ترضيها على نفسك!!!!
نصيحه انسيه وحذفي رقمه وسويله حظر
واقطعي كل وسائل اﻻتصال وادعي ربك ينزع محبته من قلبك
اتزوجي وعيشي حياتك وابتعدي عن العﻻقات المحرمه بﻻحب بﻻخرابيط
انتي قررتي تتزوجي وبعدها انفصلتي عشانه ،، هو ما يسوي ذا الشيء عشانك ويحط اللوم على ابوه ابسوي اللي ابوي يقول واسوي اللي ابغاه اسمها اللي براسي بسويه ماعلي من احد جد هو كذا ،،!
مو حاطك براسه لو حاطك ما سالتي و ظل يتقدم لك ،،!
لا ترخصين نفسك له فارقك فارقي انتي كمان لانه حرام ولانهم كذابين ،،!
انتي حسيتي انك لازم تزوجي وقبلتي والحمدلله ذا دليل على انك تقدري تعيشين بدونه ومن غير وجوده وتقدرين تعيشين مع اي انسان او اي احد لما تحبيه وتتعرفي عليه لما يخطبك شخص وتوافقي عليه اتعرفي عليه حبيه شويه شويه بصفاته واخلاقه ولا ترميه عشان واحد يسمعك كلام حلو ما تدرين من قلبه ولا من وراه ،،!
امي تقول لي دائماً :
اي شخص يكلم احد بالدس سوا بنت او ولد لا تثقي فيه ،، لان اللي يتدسس عن الناس ما يندس الا لما يعرف انه غلطان وخايف ينكشف ،،!
احد واضح معاك صريح تعرفي انه ما يلف ويدور يا اهلا وسهلا شخص يلف الكلام عليك يمين يسار اعرفي انه مو كويس واتركيه ،،!
لان الصادق هو الوحيد اللي ما يخاف ولا يندس عن احد
خلي كلام امي ذا قدامك بتعاملك مع الناس لانه من جد ذا الصح ،،!
هو ماراح يكلمك علن ولا انتي ليه لانكم غلطانين ابتعدي عن الغلط يا بنت افضل لك ولنفسك وش بقييتي لنفسك ،، اصدقي مع الله ونفسك واتركي ابليس واعوانه ،،
اتركيه وانسيه والله يعوضك خير
لانه ما بيساهلك
استغفر الله العظيم واتوب اليه ..