بنات هاذي قصة وحدة قريتها و عجبتني و اثرت فييني هاذي وحدة كاتبه قصتها اللي ما يمكت تمر ع البال و لا الخاطر ممكن هالمرة بجد نادرة في زمانه و معقوله الحب يعمل كذا المهم بعد القرايه لو سمحتوا انكم تدعون لها بالصبر و الله صبرها و صبر قلبها
اترككم مع القصة
زووااااج الغفــــــله
بسم الله الرحمن الرحيم
اقرأوا موضوعي بكل تركيز
جائني أخي وطلب مني ان اتقدم لخطبة احدى البنات
المهم قلت حاضر بس كيف أروح موقف ماتوقعت إني راح أوقفه مهما حصل
قلت له بصدر رحب
وبعدين كلمت العروسه وكلمت عمتهاااا وقلت انا جايه عندكم قالوا
قلت بكره بعد المغرب
رحت والكلمات تتلعثم في خاطري
دخلت
سلمت
جلست
إلا جابوا لي
شربت العصير بردت على قلبي شويه
وخرمت شي ثاني على بالي 00 شويه جابوا اللي احبه
شربت القهوه فنجان ورا فنجان ( محرجه ) خخخ
قلت العلم خير ياجماعة الخير
انا جايه ابغى أخطب بنتكم لأخويه
قالوا حياك الله
لكن ليه أخوك يبغى يتزوج على زوجته 
قلت الشرع حلل 00
قالت وفين زوجته
قلت موجوده
قالت كم عنده عيال
قلت عنده خير والحمد لله
قالت بنت اخوي صغيره عمرها عشرين
قلت بيحطها في عيونه 
قالت يمكن زوجته مريضه 
قلت لا والله أنها بخير وعافيه
قالت الله يكتب اللي فيه خير
قلت وين العروس
جاءت العروس وكلهاااا 000 
قلت حياك يالله اخوي يبغى يشوفك
وديتها عنده 
وأنا ليه 000ما أدري
شافها وسلم
قال وش رأيك
قلت بكيفك اللي تشوفه
قال عجبتك
قلت شي يخصك
قال توكلت على الله
وقلت في نفسي
مااصدق هذا من رابع محال
وهو مايرتاح مع غيري جليس
خرجت البنت وراحت
قال اخويه وش رايك حلوه بس متينه
قلت ما أدري اللي تشوفه
قال خلاص الله يكتب اللي فيه خير
روحي اتفقي على المهر واللازم منه
قلت حاضر
اتفقت اتصل قال تعالي
رحت 00 نعم00
قال خذي هذه لبسيها
قلت لا والله لو ايش ماراح البسها
ناديتها ولبسها
وخلاص اتفقنا
شكرني اخويه الحبيب وقال
تــسمع اذا قالـو :
رفـيق دربــي
أغــلى ناسـي
انـت ولا واحـد فيـهم!!!!!!
أنت اعجز اسميك اذا سألوني من تـكون
احتار كيف اشـرح بــسمتك وكــلامك وقــلبك الحــنون!
ودي بــس اشـــلون يــفهمون
انـــك اغـــــلى مــــن غــــلا كـــــل الـــــكون
رديت وقلت له
دامي على الدنيا وأشم النسايم
والله ماأبيعك يارفيقي وأخليك
لو حال من دونك بغيض ولايم
مغليك مهما كلف الأمر مغليك
ولوصار من دونك جدال وشتايم
أبيع عمري و{{افتخر يالخوي}} فيك
اتفقنا وقلت له
انتهينا من الموضوع
وابتدت حياته
وكنت الرفيقه الوفيه
ويوم الخميس كان زواجه
رحت ابارك مادام اني دريت
وابتسم له .. ويعلم الله وش خفيت
قلت له مبروك اول ماحكيت
والحزن والجرح في قلبي حبيس
مبروك قلتها وراح مع عروسته
وهذي قصتي اللي ربي كتبها لي
هذا اللي حكيتكم عنه هو زوجي ورفيق دربي الغااااالي
تزوج وراح يقضي شهر العسل
وش رأيكم في اللي حصل
مع العلم في نهاية الزياره أعترفت بأني زوجته وصعقوا
قالت عمتها ليه يتزوج عليك قلت ربي أراد
قالت يابنت انت تعرفين
ردت لا 00 قالت أختها أنت تحبينه قلت لو ما أحبه ما رافقته في هالزياره
كانت صدمه لهم لدرجة أختها الأكبر منها بسنه جلست ع الأرض مذهوله وهي تبكي والله وتقول لأختها أمانه لا تدخلين بين اثنين يحبون بعض
لكن ربي أراد ولا راد لما يكتبه المولى
باقة ورد لعيونكم
وخلوكم مثل أم الوفاء اللي ضحت
وقعدت في بيتها حاطه يدها على خدها ( تونون وتلالي )
طابت لياليكم والعاقبة لديكم بالمسرات
على فكره سميت اسمي أم الوفاء لأن الوفاء طبعي
===========
طبعا القلب موجوع وله الحين 7 اشهر متزوج
ولي معاه ومعاها حكايات وروايات
ساعات ابكي ندم وساعات اصحي نفسي واقول ربي أراد
نزل وزني سبعه كيلو يعني صار في الأربعين
ومازلت أكابر وابتسم
وزواجه كان له سلبيات وإيجابيات عليه طبعا
ما أقدر اتخلى عنه لأني أحبه من كل قلبي
وأثق في حبه لي ولا قدرت أصد عنه وأجمد قلبي
لأن ربي فتح لي حب جديد معاه
فصارت تعاني هي المسكينه
صرت أخدمها وألبي طلباتها وكأني أمها اللي فقدتها
فارق السن بيني وبينها كبيرعشان كذا أرحمهااا
والحمد لله صحيح تجيني لحظات مثل السهم الجارح
لكن لا أترك للشيطان مكان يدخل فيه لحياتي ويغيرها
والله يعوضني خير ولا يضيع سنين تعبي وشقايه معاه
كل الشكر لمن تكرم بقراءة موضوعي هذا
لكن هناك القله من امثالها في زمننا
كيف استطاعت ذلك وبكل هدوء هذا كله حب واحترام للعشره؟
يااااالله لو انا في مكان هالرجال لما اقدمت على جرح هذه المراه
الذي تمتلك هذه الصفات الله يصبرها على ماابتلاها
ويثلج صدرها بالايماان
مشكوووره حبيبتي بنت وكبرت على القصه
وجزاك الله الف خيير
طيب ليش الزوج يتزوج دام زوجته عايشه ومانقصه شي
شنو السبب
اعتقد من وجهة نضري انو اي رجل يتزوج على زوجته ما يحبه
واذا كان يحبه حب شو هذا
تحياتي الك (بنت وكبرت مواضيك راقيه جدا يسلموا )