الوسم: الغلا

أشهق على شوفته … وأشفق على ضمه

ليته يشوف الغلا وشلون خلانى

عطيته الحب ورحت أتحمل ل همه

وشلون أخبى الغلا لاصار يقرانى

يقول !! له بالمحبه مذهب وذمه

لاغاب كن البشر قامت تناسانى

أعشقه ياناس من كمه ليا كمه

قطع وريده وخطه وسط شريانى

غلاه فى دمى … وغلاتى بدمه

شوفته حلم(ن) ينومسنى ليا جانى

الشوق يعانقه والأشعار ملتمه

ماكن ربى خلقه إلا ( على شانى )

يازين لوعة شقاه وياحلو سمه

يهزنى مثل ريح تزلزل أركانى

وش فيها لامن عشقته !! والهوى قمه

خلونى بالعشق قبل تابس أغصانى

يهمنى حبه … وأدرى إنى أهمه

حتى إسألوا قلبى عن حبه ووجدانى

بيقول ( أحبه ) فديت أبوه قبل أمه

فى قمة الشوق دايم يذبح أشجانى

وين الذي لاصاح همي يجيني
ملك خفوقي ياعرب بين هالناس

يسأل علي والقلب ينزف بيديني
يمسح دموعٍ جرّحت خد حساس

ياكثر ناسٍ فالغلا تهتويني
واللي هويته حطِّ بالقلب هوجاس

ياويل قلبٍ دايم الدوم فيني
للصدق في دنياي توّجك نبراس

فهمت انا كيف الغلا مات فيني
يومٍ غرست اسهام جرحك بالاحساس

يومٍ بخلت بنظره ل رمش عيني
يومك نسيت انك لروحي الانفاس

واليوم مايطري الغلا للحنيني
برحل وحبي تحت الأقدام منداس

العنود سلمت يمينك حبيبتي,,,,

رائع رائع مانقلتيه لنا,,,,,,

ننتظر جديدك…..

مشكوووورة

ــــــــــــــــــــــــــــــــــــ

نسئ قلبي وأشهد إني تناسيت
ماعاد ودك غالي مثل الاول

منك السبب ياللي بصدك تماديت
حبك تغير صرت تقسئ وتزعل

بالامس أنا مغليك واليوم صديت
إللي مضى بالامس ماضي وتحول

ماعادلك في القلب منزل ولابيت
ماهمني شخصك ولاعاد بسأل

هويت غيرك نادر الوصف والصيت
ملك وسط الغيدبايق وأجمل

فريد حسنه مامثيله أنا ريت
ربي مميز فيه زين ومكمل

تبي الصراحه يالغلا منك مليت
مليت من طبعك وأنا اليوم برحل