السلام عليكم ورحمة الله وبركاته
عسى الله يسعد الي ترد علي ويرزقها كل الي تتمناه
انا زواجي بالعيد وابغاكم تنصحوني بالحمل بعد الزواج بسرعه او لا زوجي عادي مو مهم عنده الاولاد بس احيانا اقول اذالله كتب احمل وجيب نونو وبعدها اجلس 5سنين واحيانا اسمع البنات يقول الحرمه اذا جابت مولوديتغير شكلها وتطلع لها كرش وزوجها يمل منها او انه يتعلق بالولد وينسى امه وماتقدرين تطلعون وتتمشون اما انه يرتفع حرارته او يتعب ويصيح في الليل ويخرب عليكم افضل ش اجلسي 3سنين وبعدها تكونو مليتي من الوحده انتي وياه وتكونو متشوقين لطفل /وبصراحه ماخاب من استشار وما ندم من استخار وياليت تردو علي مع العلم انا عمري19سنه
اسمعي يافاطمه من جهة والله انتي صغيره عل الزواج <<بس مو كثير وانشالله الله يوفقك بس كان انتي تبين تتزوجين بها العمر وتحملين >دايركت
انا اقولك
لا لا تستعجلين يعني اجلسي سنه سنه سنتين اساسا الرجال يختلفون في منهم الي يرغب في اطفال ويحبهم وفي الي عادي<ومايدور عليهم
لكن اول سنه وثاااني سنه خوذي لك كورسات في تربية الاطفال وكيف حياة الاطفال ومشاكلهم وغثاهم وووووبعدين قرري
وبعدين من قالك ان البنت عقب الحمل تخرب ويطلع كرش وماادري لأي كائن حي راح تتحول<<يعني من الي حط الفكره هذي في راسك
انا الحين عندي اثنين وربي يابطه كل من شافني ودرى اني عندي عيال مايصدق اساسا اني متزوجه
ويعني تقريبا ماتخرب البنت الي لا صار الحمل قريب من بعضه
ولا صارت الوحده ماتهتم بنفسها وجسمها,,وغير هذا انه بعد الحمل الاول قليل الي يتغيرون بصراحه اكلمك
يعني من بعد الثاني ممكن او الثالث
وانا عندي اثنين<<واسما الله علي تشوفيني تقولين هذا ماتزوجت خلقه,,
وعلى العمو م اسفه على لاطاله
والله يسعدك يارب ويوفقك
اولا الف مبروك ..
ثانيا : من رائي انا لا تاخرين الحمل اذا الله رايد الك الذريه ليه تاخرين شوفي اللي محرومين يتمنون اللي يملي عليهم حياتهم وزوجك اكيد من اول يوم بيتزوجك راح يتمنى الولد ..
وقال تعالى [ المال والبنون زينه الحياة الدنيا]
واهتمي بشكلك وبجسمك سواء بعد الحمل او قبله
وتقبلي مروري ….
الحقيقة ان عمرك مثل عمري وانا متزوجة (عروس يعني )وانا عارفة انتي كيف تفكرين بس انا فكرت كثير في الموضوع قلت في الاول اتأقلم مع الوضع ان انا متزوجة ومسؤولية البيت والرجل والعائلة كبرت وكل شئ جديد في البداية
يعني شوفي وضع جوزك واهله واعرفي كيف تتعاملي معاهم وافهميهم وبعد سنة والا اتنين احملي وجيبي نونو تكوني هيك مافوتي مرحلة من حياتك من بنت لي عروس الي ام
وهدا رائي
كنت اتمنى لني ما احمل على طول وطبعا من كلام الحريم وبعد شهرين حملت
وتضايقت مرررره وجلست ابكي واقول ايش القرف هذا ما امداني اتمتع
وسبحان الله سقطت ما اخذت شهر واحد ومرررره فرحت
وذحين لي 3 سنوات وانا من دكتوره لدكتوره وحبووب وابر وعذاااااب نفسي وجسدي
ومن غير كلام الحريم اللي يعور القلب وكل الي تزوجو معاي وبعدي
اولادهم معاهم والله لا شفتهم اجلس ابكي
وسامحيني طولت عليك وادعيلي بالذريه الصالحه ……….
ربـــــــي لا تـــــــذرني فردا وانـــــــــت خيــــر الوارثيـــــــــــن
