اكيد نستونى لان زوجى بياخد اللاب توب معاه الشغل وانا مش بفتح النت كتير
حكيتلوكو عن الاجهاض والولاده المبكره وكل اللى حصلى والحمل الحمد لله اللى استمر مش هطول عليكو بس كنت هموت من الخوف لان الرحم كان مقفول بسبب المثبتات الكتير صدمتنى الدكتوره ان الرحم مقفول والطلق جامد
رجعت البيت واستمريت اسبوع على القرفه والتمر كل يوم اتوجع بالليل ويزيد الوجع قلت لزوجى خلاص تعبانه جدا قالى شكلك بيدلع تانى يوم يا عم تعبانه قال وانا كمان تعبان من الشغل اصبرى لبكره بحبه اكتر من نفسى كتمت وسكت نام وهو وانا سهرت اتعذب وتانى يوم فطرته وجهزت الغدا لينا ولحماتى وقولتلها خدى اتغدوا واتعشوا منه عشان هروح اولد تضحك عليا وزوجى يقول لو وجع ولاده مكنتيش تقدرى تسكتى ده انا كتمت عشانه
كنت مجهزه حالى وروحنا للدكتوره قالت خير؟؟؟؟
قولتلها هولد قالت هههه بالسهوله دى ما انت واقفه قدامى اهو؟؟؟؟
وكشفت عليا واتصدمت انتى بتولدى فعلا الرحم مفتوح 5 سم
وطلعت الممرضه تقول لزوجى وفتحوا غرفة الولاده وانا طلعت مبتسمه كل الناس استغربت انى هتولدى ازاى مش بتصرخى انتى بتضحكى ياربى
نمت وبدأ يزيد الطلق وطلع على عينى شوفت الموت وصرخت لاخر الدنيا كنت هموت من الالم تمنيت لو روحت بيتى اكمل ولاده بسكات الطلق الصناعى عذاب كنت هموت منه اتعذبت جدا والممرضه قالت انتى اللى خليتى الناس حسدوكى كان يوم عذاب بس الحمد لله بسمله جت للدنيا غيرت حياتى
افتكرت لطيفه بكلامى وام يزن ودعتليهم بس الباقى يسامحونى مافتكرتش اسم حد تانى دعيت دعوات عامه
اسفه ع الاطاله
ويارب زي مافرحتي تفرح لطيفه وام يزن وعيون حائره
وشادو ونيفين وكل منتظره يارب
