السلام عليكم ورحمة الله وبركاته
تعبت من هالعيشه متزوجه من 5 سنين وعندي 3اطفال صغااااار
وشغل الدنيا كله على راسي وزوجي لايقدر مجهودي ولا يرحمني
كذاب ويدعي بالفقر ومقصر بمصروفي وبالاسلوب المهذب بخييييييل وقذر
يعصب على اتفه شي مايسمعني ولا يفهمني
ودايم يختصر رده معاي ويطنشني
واغلب الوقت احس لما اتكلم معاه كني اتكلم مع جدار مافي بيننا تفاهم
فقدت ثقتي فيه وما احس بالامان معاه اسراري كلها عند اهله مافي اي تحفظ بيني وبينه وكل مالي احس اني اكرهه وبالآونه الاخيره للاسف صرت ادعي عليه
اخلاقي تختلف عن اخلاقه
انا صادقه طيبه اراعي مشاعر الآخرين واحترم الكبار واحب اعطي ونظيفه في كل شي
هو يصايح لسانه زفر يتصيد عيوب الناس ويذكرها ويفضح خلق الله وريحته شينه ولا يهتم بنظافته لما يكون معاي
اتفشل من حركاته وعشاني بديت اكرهه صرت اقولها بوجهه تعلم الذوق والادب والنظافه وصرت اقط عليه كلام وصرت اعصب عليه ونادرا امد ايدي عليه يعني اضربه على كتفه بس
للحين ماضربني مو خوفا مني يمكن خوفا من صياحي الي يشق الاذن ههه وبعدين هو يعرف نفسه غلطان ومقصر واعتذر الف مره الاعتذار يجي وقت الخرمه آخر الليل عشان يتكيف ولما يخلص يقلب علي اناني ومصلحجي انا خلاص
انوثتي تدهورت وعلاقتي معه سيئه كرهت الجنس كرهت النظر لوجهه صرت اخاف افتح فمي اسولف او استأذن او استشيره عشان ما اسمع رده وصياحه وكل يوم انام وانا ادمع واتخيل لو تطلقت راح اتعذب اكثر واصبر نفسي واقول بيجي يوم وتنفرج همومي اغلب الوقت مضايقه ومتكدره اتأمل شقاوة عيالي بصمت ماصرت اطبخ له زي اول وانا فنانه بالطبخ اذا طبخت طبخت اي كلام عشان اسكته لانه ماعمره مدحني او سمعني كلمتين حلوه ولو حتى مجامله بينما غيره يقول انت محظوظ فيها وللاسف اشوفه يفضل شغل غيري حتى لو بااااايخ
واحب الاناقه والتجميل صرت اقعد بالارواب بدون اي اهتمام بنفسي طول وقتي مسكره فمي واضيع وقتي بأي شي وابعد عنه وهو حضرته ياكل ويشرب ويضيع وقته عالواتساب بسواليف بااااااايخه
والحين وصلت مرحلة اني لا اطلع ولا استقبل عشان ملابسي قديمه مو حلوه بعد ماكنت توووب ون وعشان ماعندي شي آخذه معي وعشان نظرة الناس لي اني سعيده مع زوجي وانه يموت فيني للحين ماتغيرت!!
وانا باين من شكلي تعيسه ومتكدره افضل اني الزم بيتي واتعذر بعيالي مع اني محتاجه اكون صداقات وزيارات مع الحريم تنسيني زوجي وحركاته بس ماقدر اتكلم مع احد مابي احد يدري اني تعيسه ولا عندي احد افضفض له نفسي اتكلم من جد مخنوقه لا اخوات ولا صديقات ولا زوج
وتمثيل قدام اهلي بالسعاده
نفسي انه يسمعني يفهمني يحس فيني يساعدني تكلمت معه لمدة سنه ولا كني تكلمت حاولت اطور علاقتنا بس يد وحده ماتصفق خلاص هو سيء جدا لازم اقنع نفسي عليه بس انا تعبت تصدقون اني فكرت بالانتحار وفكرت اتعرف على رجال اجنبي بس الحمدلله مازال عقلي موجود وايماني قوي
واخيرا انا كنت جميله وشعري طويل وناعم وكثيف
الحين صار عندي هالات سودا وبشرتي باهته وصفرا ووجهي ضعيف وشعري صار يطيح وقصير وانا متأكده كل هذا من النفسيه الي انا فيها
ااااه يارب صبرني
وآخر نقطه بقولها لكم ان يوم واحد من الشهر يصير بينا لحظة صفاء بس بداخلي حذره منه ومنتبهه وامثل اني مبسوطه معاه
والسلام عليكم
والتزاماته البنكية
وهل يملك أرض سيارة بيت
أو يوفر من أجل توفيرها للمستقبل
بالصفاء وحسن النية تقدري تملكيه وتمشي الي في رأسك
هذا زوجك مو لازم تعيشي حذره معاه وتصيحين وتضربينه على خفيف مثل ما تقولي
صحيح عنده أخطاء بالجملة
وأنت كذلك عندك أخطاء بالجملة
أحسني النية وصفيها وراح تضبط أمورك
وأعطيه الاحترام والتقدير ولا تستعلي عليه بأنه محظوظ بك حسسيه أنك محظوظة به
بالتأكيد راح يكون بينك حبال وصل تحلوا من خلالها مشاكلكم
ابدائي انتي مثلا جاب اغراض البيت قولي الله لا يحرمني منك
يعني ع قد ماتكوني كريمه معه بالكلام المعسول راح يكون مثلك
زوجك لازم تحاولي تعدلي طبعه ع الاقل يهتم فيك وبمصروفك
اذا حبيتي تغيري زوجك غيري نفسك انتي اولا..طبعا اقصد
اذا شافك متغيره يمكن يمكن يستحي ويتعدل
واقصد تغير نفسك من ناحيه الاهتمام بنفسك
قال تعالى (( ان الله لا يغير مابقوم حتى يغيروا مابأنفسهم))
اكيد زوجك سلبياته كثيره ولكن غيري بنفسك
اهتمي بنفسك لنفسك مو لزوجك..
وطالبيه بالنفقه…ولازم تكوني انثى ناعمه ليش الصوت العالي
انتي كذا تنفرينه منك…
بس اش سبب تغيير زوجك معك بالنفقه بما ان الناس ماخذه
عنه انه كريم وانتي كنتي مهتمه كيف التغيير المفاجي
المهم اطلعي بالللبس الموجود حتى لو سبق وشافوه الناس
يعني هو يكون بنظر الناس كريم وطيب وانتي ما توجبي …اطلعي
خليهم يشوفك باللباس العادي..اكره تصرف بعض النساء ان الزوجه تغطي ع زوجها والناس
يعتقدون ان كريم..ويمكن هذا مو قصدك ولكن ماتبغى احد يشوف التغيير..
خليهم يشوفوك
حبيبتي الزوج اذا كان طبعه مو حلو يبي له صبببببر وحيله الين الله يفرجها
واعيد واكرر لا اقصد بكلمه غيري نفسك ان الخطاء منك لا طبعا
ولكن بما ان جميع محاولاتك معه بااات بالفشل جربي تغيير نفسك واسلوبك
معه خليك انسانه ثانيه
عدلت مشاركتي حتى تفهمي كلامي صح
الله يعينك عليه
|
المشاركة الأصلية كتبت بواسطة من الشرقيه
 انصحك تجلسين معه بيوم وتكلمينه بهدوء قوليله يهتم بنفسه.وبنظافته الشخصيه اكذبي عليه قوليله انك تحبينه وعلشان كذا تطلبين منه هالشي يمكن ان شاء الله يحس فيك جررربي …..وبالنسبه انه مايحفظ سر وكل شي يقوله لاهله حبيبتي زوجك لاتعطينه سر ابدااااا اسرارك واسرار اهلك خط احمر غلطااانه تقولينها لزوجك حتى لو كان يحفظ السرر الرجااال لاتعطينه سرر ماتضمنينه…اسرارك واسرار اهلك احفظيها بقلبك بس……بالنسبه انه يتكلم بالناس انصحيه قوليله عيب حراام مايجوز تتكلم باحد هذي غيبه مايجوز تتكلم بشخص بكلام سييء ونبهيه انه لايقول بشخص شيء ليس فيه …..واذا عن المدح انه مايمدح طبيعي رجااال كثيرر مايمدحون زوجاتهم والحياه الزوجيه ماتوقف على الشكر والمدح …صح المدح شي ضروري ويعطي المراءه معنويات لكن اذا مو من نفسه وش الفايده؟!!! في هالشي للاسف المطلوب انك تغضين النظر وتهتمين بامور اهم من المدح …..بالنسبه للصرف ياليت لو قلتي لنا وش طبيعة عمل زوجك وهل راتبه ضعيف ولا قووي … ومن متى هالتقصير بالصرف؟!!! الحين عندك ثلاث اطفال الله يحفظهم ومحتاجين لملابس ووووو وانتي بعد حرمه وتحتاجين اشياء كثيره …كل شي اسكتي عنه الا حقك بالمصروف اجلسي معه وكلميه بهدوء قوليله كلام طيب حااولي معه قوليله كلام حب جربي وحااولي قوليله انك تحتاجين للمصروف وناقصك اغراض وقوليله من لنا غيرك ومن هالكلااام وحاولي وحااولي معه كثيررررر …..لاتخلين هالمشاكل تحبطك وتهملين نفسك الحين انتي تشكين من تقصير زوجك بشكله ونظافته الشخصيه وانتي الحين صررتي مثله!!!! الله يهديك حااافظي على اناقتك وجمالك ووكلي امرك لربك وبالتفااهم والحب ان شاء الله امورك تتسهل حسسيه بالحب حتى لو هو مقصررر حسييه بالحب والاهتمام جرررربي مانتي خسرانه يمكن هالشي يلين قلبه لك ويخليه يحس فيك ….لاتقابلين الجفاء بجفاء والاهمال بلاهمال لاتعاملينه بالمثل عامليه بالعكس وجربي والله يهديه ويسخررره لك
|
……..
لا تشتكي لنا عن زوجك وما يفعله
اشتكي لله سبحانه