عدم ثقتي بنفسي قدام صديقتي

**السلام عليكم
صراحه انا عندي مشكله مو عارفه من وين أبد
انا مشكلتي عدم ثقتي بنفسي يعني اتواصل مع صديقتي عادي بالواتس مثلا
بس اذا واجهتها وجهه لوجهه اتخربط أكون جريئه بالواتس عادي أسولف معاها بس اذا جيتها في البيت مارتاح ب الجلسه ماعندي ثقه بشكلي ولا بكلامي على أنه اللي واضح العكس أكون واثقه بجلستي بس من داخلي لا
وأحيان اقول كلام ماله داعي مدري وش يصير بقول سالفه واتلخبط أكون لابسسسسه وكااااااشخه بس مجرد ماشوفها واقفه عند الباب تنتظرني اشيل هم كيف بسلم كيف بدخل وش اقول اذا صعدنا بالدرج أحاول الطف الجوء** أقولها صار لي موقف قبل اجي وتقولي وش صار والموقف ماله داعي واقولها تخيلي طاحت مني صينية الحلى قبل اجي وهي تكون ماسكه الكيس فيه حلويات تقول معقوله طاح تبقق عيونه لأن الحمدلله مانكسر يعني مالها داعي اقول هالسالفه
وبعدين اصير هادئه وأي حركه من صديقتي غير محسوبه تحز بخاطري**
مادري ليه انا غير البنات حتي قبل أوصل عندها للبيت اقول بنفسي اليوم
لازم اتغير أثبت وجودي واتكلم بثقه من غير ما اتردد وأفكر باللي اقوله
تعبت من مشكلتي واكثر شي يربكني انه صديقتي حلوه ماشاءالله بس والله انا أجمل منه وهي متزوجه وعندها طفلين وانا على وشك زواج بس أحس ماعندي أسلوب مادري وش يصير فيني اذا دخلت بيته خايفه اذا تزوجت ماعرف اختلط مع الناس و ارتبك وأقول كلام ماله داعي
صديقتي قالت لي شكلك تعبانه أو فيك نوم احسك ماتبين تسولفين
بس اذا طولة عندها 6 أو 7 ساعات إنطلق بالكلام
وغير كذا اذا جت تطبخ طبخها يجنن ماشاءالله سسسسنعه اتفشل مادري ليه أحس بنقص قدامها و اروح معاها للمطبخ احاول اسولف لها بس مادري ليه** احسها تسلك لي على أنه انا أكثر وحده تشكيلي همومها بس مابي اطيح من عينها أمس كنت عندها وأحسني خربة الدنيا
أحيان احسهأ تمل مني وتستغرب انه انا مو فلانه اللي معاها عالواتس اللي سوالفي ضحك و أخذ واعطي اذا جيتها أكون ع الصامت واذا تكلمت أحس كلامي ماهو عاجبها بس أحاول افتح مواضيع هي تحبها مثلا شعرك صاير يجنن ب الأسود ماشاءالله على قد ماقدر امدح فيها على أنها عادي م تمدح فيني كثير أمس جيت منها وانا حاسه بغيبوبه جيت ع طول ماتكلمت مع حد جيت وارسلت لها انه مشكوره ع العزيمه ونامي وارتاحي تعبتي اليوم ومن هالكلام وحطيت رآسي وانا متفشله

اقري عنه وآفهمي كيف تتعآلجين واذا تقدرين روحي لطبيب نفسي بجلسآت يعآلجك

آو تعالجي بالاستغفار مثلا بنيـه ماعاد تحسين ب هآلشيء

الله يشآفيك ويسآعدك بس آنتي عندك عزيمه انك تتخلصين من هالشيء وآلدليل بكلامك لما تقولين احاول اتغير واحاول اسوي والخ

يعني بعزيمتك وبعلاجك بتتخلصين من هالشيء ولاتخسرين صديقتك ل هالسبب جدا عادي انها تكون سنعه والخ عآدي ياما صديقآت فنانات بكل شيء ومصادقه وحده كسولـه وماتحب آلدرـآسه ولا آلطبخ ولا شيء ولاتحس بآلنقص جنبهآ كلن له شخصيته وكلن يبدع بالشيء اللي يبغاه انتي لك اشياء مبدعه فيهآ وهي لها اشياء لاتاخذين هالشيء بعين الاعتبآر او يحسسك بالنقص ماحد ولد من بطن امه متعلم

المشاركة الأصلية كتبت بواسطة فراشهہَ في عمر الزهور حبيبتي انتي تعانين من رهاب اجتماعي " اقري عنه وآفهمي كيف تتعآلجين واذا تقدرين روحي لطبيب نفسي بجلسآت يعآلجك آو تعالجي بالاستغفار مثلا بنيـه ماعاد تحسين ب هآلشيء الله يشآفيك ويسآعدك بس آنتي عندك عزيمه انك تتخلصين من هالشيء وآلدليل بكلامك لما تقولين احاول اتغير واحاول اسوي والخ يعني بعزيمتك وبعلاجك بتتخلصين من هالشيء ولاتخسرين صديقتك ل هالسبب جدا عادي انها تكون سنعه والخ عآدي ياما صديقآت فنانات بكل شيء ومصادقه وحده كسولـه وماتحب آلدرـآسه ولا آلطبخ ولا شيء ولاتحس بآلنقص جنبهآ كلن له شخصيته وكلن يبدع بالشيء اللي يبغاه انتي لك اشياء مبدعه فيهآ وهي لها اشياء لاتاخذين هالشيء بعين الاعتبآر او يحسسك بالنقص ماحد ولد من بطن امه متعلم وتذكري العلاج بانك تواجهين آلواقع مثلا انا اخاف من المصآعد عندي فوبيآ منهآ لو رحت اتعالج آول شيء بيخليني الطبيب النفسي اواجه الواقع لازم اركب المصعد حتى لو اني اخاف عشآن اتعود واتعالج العلاج مو هروب من الواقع العلاج مواجهه الواقع حطي هالشيء بعين الاعتبار

فكرت انه فيني هذا الرهاب بس ماقد واجهته هذا الشي إلا مع صديقتي
واللي لاحظة عليها فيها شوي غرور يعني تقولي انا طباخه وكل يعرف اني سنعه وانتي يافلانه تقصدني انه ماعندي سالفه ورفلا أخذت كلامها بضحك يعني اعتبرتها مثل اختي ليه أزعل من كلامها
بس بجد حز بخاطري كثير و غير كذا حسيت اني ولا شي