السلام عليكم ورحمة الله وبركاته
اخواتي انا عندي حبه طلعتلي في انفي من كم يوم مني عارفه سببها طلعتلي في مقدمة انفي ولونها احمر وكبيره شويا بس مشوهتني 
ماما تقول انها الحبوب الي تطلع للبنت كل شهر عشان الدوره مع ان الدوره لسه ماجاتني
المهم الاسبوع الجاي خطيبي بيزورني وماابغى اكون بالمنظر دا بليز ساعدوني
ابغى حاجه تزيلها جربت الفكس احس مامنو مفعول وجربت معجون الاسنان بس شفت موضوع انو الي حتسخدمو حيبقع في وجهها فبطلت مني عارفه ايش استعمل بليز ساعدوني وياريت الي ترد عليا تكون مجربه الشي لان بشرتي حساسه بس مااقدر اروح الدكتور اهلي مهم فاضيين لي
بليييز ساعدوني ؟؟ وافضل تكون حاجه طبيعيه او موجوده بالبيت لاني اخاف من الكريمات الموجوده بالصيدليه
وعندي كمان شي تاني شفت كم موضوع كاتبين فيه عن تبييض الابط وتقولو استخدم الليمون انا مااقدر استخدم الليمون لان عندي جروح وتشققات في ابطي الليمون حيصرعني مافي شي تاني يفيد للتبيض ومايكون ماده حامضه او تلسع زي الليمون ؟؟؟؟
وعلى فكره : انا حاولت ادخل بعضوية مشكلتي بس مادخلوني يقولو الاسم و كلمة المرور غلط
اما اذا مثل ماقالت لك امك فهي تكون الحبه تبع الدوره الشهريه .. هذي تجلس اسبوع وتختفي تدريجيا ..
اهم شي لا تتبعثي فيها ..
اغسلي وجهك يوميا بصابونه مناسبه لبشرتك وربي يوفقك ..
بصي ياختي انا طلعلي زيك استعملت كينا كومب والحمد لله بيساعد انه تذهب بدري بس لا تكتري من استعماله اول ماتخف الحبة خلاص عشان البشرة ماتتعود عليه ويبقي خطير علي البشرة
بس نصيحه الحبه لاتتعبثي فيها ولا تلمسيها ويومين ثلاثه أن شاء الله تروح من نفسها اوتخف شويه
واكيد طلعت لك من التفكير
((( الله يكتبلك اللي فيه الخير)))
بالنسبه لعضوية مشكلتي انا كمان ماضبطت معي مدري ايش السبب
ياليت اللي تعرف تفيدنا كيف نستخدمها
سامحيني رفع