السلام عليكم
أنا طالبة بالجامعة قبل شوي كنت اذاكر مادة جداً درجاتي طايحه فيها , والله اني اجتهدت فيها وذاكرت ولا اعتمدت الا على الله ثممم مذاكرتي ولا ابي ابرر لكم لاني مهما قلت ما تعرفوني .
وقمت رحت للجوال وشيكت على الموقع الا درجات مادة ثانية نازله نفس الدكتورة في المادتين هذول , يبيلي اجيب بالنهائي 30 من 40 عشان أنجح ! فيهم كلهم
وربي تعبت وضاقت علي , استغفرت والحمدلله ارتحت
بس أقول أنا ايش ناقصني عن غيري مذاكرة واذاكر الحمد لله مثلي مثلهم ايش العله او المشكلة اللي فيني ؟
وافكر من اللحين اسحب المادتين واريح راسي بدل ما اتعنى واداوم لهم
والله والله من كل قلبي تعبت
و وقفلت الكتاب وقلت خلاص ما بذاكر 🙁
مين مر بهالحاله وايش سوت
ودعواتكم
ذاكري وتوكلي على الله
والله ثم ولله ثم والله كان معدل 8 من 30
تعبت تعبت وانا اذاكر تعرفين
صار معدلي 28 من 30 مافي شيء مستحيل
فقط ذاكري بالتعب وجهد وتوكل على الله
او وقت الاختبار تتوترين ،، وتحوسين بالاوراق
نظمي وقتك ورتبي ورقتك وحافظي على الوقت ذا يساعدك
انا اختبرت اختبار من كم اسبوع جبت 4 / 20
والله مااكذب ذاكرت وترجمت وكنت متحمسة للاختبار ،، بس ماقلت اذكاري ولا استودعت نفسي !
جبت درجات حضيض تعرفي ايش حضيض !
اليوم اختبرت اختبار جبت اعلى درجة 33/50
الاختبار ماذاكرته والله ولا فتحت الملف ،، استودعت نفسي وحاولت احل ومااقرا كل الخيارات والتعليلات اقرا السؤال اخمن الجواب ابحث عن شيء مقارب لجوابي اللي خمنت واكتبه
ناهيك ان في الاختبار وقتنا يقدر بدقيقة لكل سؤال فقط والاسئلة السؤال الواحد عليه 3 درجات يمكن !
وناهيك عن الاسئلة اللي تدبل الكبد !
تعرفي نقصت 3 درجات اليوم على سؤال يدبل الكبد من جد !
سالتنا صح او خطأ تحبو تحسبو جدول سيولة الاموال !
قلت لها عن نفسي ما احب لانه شغل غثيث نقصتي ههههههههههههههه ليه ماتحبي ! لازم تحبي مع اني كلمتها انه لازم تعدلي لانه رائي ومااظنها راح تعدل
واحيانا اذا قلتي احب تقولك لا غلط انتي ما تحبي !
يعني احمدي ربك عندك منهج تمشي عليه ،، على الرغم من انه عندنا جزء قليل من المنهج الا ان الاسئلة غالبيتها تخمين الاصح كلو شغل تخمين !
وفوق ذا قالت لنا فيه البعض راسبين لما يجي وقت الاختبار النهائي برمضان يصير مايدخلوه ،، ولا قالت لنا الاسماء
راح نداوم شهر ماندري مين الناجح ومن الراسب مع بعض قبل الاختبار النهائي راح ينطرد بعضنا ويدخل بعضنا
احمدي ربك والله تقدري ترفعي المعدل حقك بالساهل تخيلي لو انك مكاني او مكان وحدة بكلاسي نداوم ونذاكر ونحل واجباتنا امل ان مو احنا المطرودين !
وخايفين نطرد ايش رايك بالله !
انا اقولك من باب اللي يشوف مصيبة غيرو تخف عليه مصيبته !
رفع معدل ،، ادعي في الجمعة حاولي بكل ساعاتها لو دقيقة راح تدركي ساعة الاستجابة ان شاء الله
ادعي بسجودك لانك تكوني باقرب مكان لله وادعي بين الصلاة والاقامة
خلي امك تدعي لك
قولي اذكارك قبل المذاكرة وبعد وقبل الاختبار سمي بالله
كلي اكل صحي ونامي نوم كافي
تصدقي لو بابتسامة ! انويها الصدقة لها مفعول
ولا تقولي البنات وما البنات هما يمكن يسوو حاجة بينهم وبين ربهم مسهل لهم او دعوه وماقصرو ولا فرطو في حقوق ربنا ولا الناس ولا اهلهم ولا انفسهم
فيه عوامل
اجلسي مع نفسك وفكري راح تلاقي الجواب والسبب
موفين يارب
2-قبل المذاكره اقري سوره الانشراح وبين المذاكره كرري"اللهم زدني علما"
3-اختاري مكان كويس للمذاكره مافيه ازعاج الا(السرير)
4-مراجعه اخر الليل يعني وقتي الساعه4 وراجعي تغنيك مراجعه الصبح عن يوم كامل(مجربه)
5-حاولي كمان توقتي الساعه 3 الفجر لانه وقت مستجاب الدعوات بأذن لله ادعي من كل قلبك وان شاء الله يستجيبلك
6-وقت الاختبار بخمس دقايق لا تخافي ولاتوتري ولا تراجعي ابدا ابدا
7-اذا نسيتي سؤال رددي لاحول ولا قوه الا بالله
6-اذا جبتي العيد قولي هذا الدعاء"اللهم اكفني اياه بما شئت"عجيب عجيب رح تلاحظي كيف درجاتك