بسم الله الرحمن الرحيم
أخباركم يابنات وياحريم,,,, ان شاءالله بخير
ماراح اطول وبدخل بالسالفه ع طوول ,,
صارت معي مشكله مع زوجي المزاجي 
ومحتاجه نصايحكم
يارب ماتبخلون علي ,, لان هالمشكله خلتني في حيره من أمرري..
الزبده انا نفاس صار لي عشرين يوم طبعا عند أهلي جبت أول
مولوده لي عسى ربي يحفظها أنا وأبوها فرحانين فيها بشكل ماتتصورن
المهم زوجي كل يوم تقريبا يجي يشوفها ويروح والوضع بيني وبينه
تمام بس اللي صار انه من يومين مرضت بنتي وجاها مغص وامساك
وحالتها حاله وكانت بس تبكي ماسكتت وبما انها أول مولوده لي
خفت عليها مره وكنت أبكي وماعرفت اتصرف رحت صحيت أمي
وأخوي عشان نوديها أقرب مستوصف هالكلام كان الساعه11:30
يالليل.. قالت امي دقي ع زوجك وعطيه خبر وأنا من خوفي ع بنتي
حسيت مافيه وقت انتظره لين يجي وقلت لها بكلمه بعدين,,
المهم وديت البنت وعطاها الدكتور مسكنات وكذا والحمدلله خفت
وارتاااااااح قلبي ويوم رجعنا لقيت زوجي في البيت(بيت أهلي)
وحسيت من نظراته انه معصب ليش اني ماعطيته خبر
>> ((طبعا هو أكره ماعليه اذا سويت شي بدون أذنه مهما كان هالشي))
وبعدها طلع ..شوي كذا ارسل لي مسج يقول فيه:
(( طرطور انا عندك عشان تسوين كذا))
رديت عليه بمسج وقلت له البنت كانت تعبانه مره وتصيح وماامداني
اتصل فيك يعني لا تكبر السالفه ماصار شي..
رد علي بمسج وقال : (( لا تحسبين اني بسكت لك.. والله والله
ماعاد تدخلين لي بيت)) وبس..
والحين له ثلاث ايام لا حس ولا خبر واللي محيرني الحين رسالته الاخيره
اللي قال فيها ماعاد تدخلين لي بيت,, لاني مافهمت قصده
ماادري اذا يقصد لو كررت هالحركه مره ثانيه أو ان قصده
خلاص ماعاد ترجعين البيت أبد ؟؟
والله العظيم من يومها وانا ابكي مقهووووره حيل..
واليوم الصباح ارسلت له رساله أعتذرت فيها وقلت له اني غلطانه
وكان المفروض استأذن منه وكذا انو من حقه يزعل و….الخ
بس ما رد علي ,,
والله مدري وش اسوي..تتوقعون وش يقصد بكلامه اللي بالرساله
تكفون شورو علي ياحريم واللي عندهم خبره لان التفكير ذبحني
وحالتي حاله ..وربي من زود الوسوسه شكيت انه يبي يتزوج علي
واليوم فكرت ارسل له رسالة عتاب حلوه قلت لعل وعسى يحن قلبه
بس ترددت ,, وش تنصحوني فيه تكفوووووون
كسرتي خاطري
والله الموضوع عااادي وزوجك مكبرالموضوع
بس انا اقول انتي استنيه لين يهدى
بعدين دقي عليه وسولفي معه عااادي
ولا كانك شفتي المسج الاخير
ولا تجيبي له طاري
وقولي له مثلا تعال خاطري اتعشى معاك
وسوي عشا واجلسي وتدلعي عليه
بس صدقيني لا تجيبي طاري المسج
يمكن قالها وهو معصب
وعطيه من الكلام وانفخي فيه
قولي ياربي البنوتة قمر تشبهك
ووووو
وان شا الله صيحة شيطان وتعدي
يااارب يتصل عليكــ وماافي خااطره شي عليكــ ياااارب
اللهم اآآآآمييييين
ادعي واستغفري كثير
واهم شي لاتطنشبه
ارسلي رساله فيها كلام حلو وعاتبيه وقوليله لو زعلان عليك من حقه بس بنته مشتاقه له معقول ماشتاق لشوفتها .. وان شاء الله تكون اخر الأحزان