السلام عليكم ورحمة الله وبركاته … انا مشكلتي عويصة منذ الصغر حتى انا مستغربة ليش يحصل معاي كدا !! علشأني طيبة ! وما احب ان اكون شريرة .. حقلكم قصتي انا ولله الحمد منذ الصغر فتاة مطيعة ﻷهلي وبخاصة امي بارة فيها وماشية بما يرضي الله معاها ومع اهلي كلهم دايما شايلة البيت كله على راسي وما احاسب وما اشتكي بس بصراحة بعد ما كبرو اخواتي اشتكيت قلت لها لازم يساعدوني قالت إنتي الكبيرة وانتي العاقلة … وخلاص الكبيرة تكون طول عمرها مكروفة ! ومع السنوات اصبحو اخواتي يشتغلو بس بصراحة مو مثلي مكروفات ولما اكلمهم بالحسنى يشتكوا ﻷمي وطبعا امي توقف بصفهم وما تنصفني وتقابلني بالجحود بانها تقول إنتي ما اشتغلتي كثير وما تعبتي !! والله ي اخواتي ما ابالغ حتى جدتي لاحظت هذأ الشي واستغربت من كلام امي ! بس للاسف سافرت على بلدها ولا كانت حتوقف بصفي .. المهم تزوجت و وسكنت انا وزوجي في بيت اهلة وطبعا عندي سلايف من اول ونفس الشي طلعو زي اهلي بالضبط خلو كل شي على راسي وسلايفي ما يشتغلو إلا على مزأجهم وطبعا انا قاومت ودافعت وقلت لهم كل وحدة تاخذ يومها طبعا رفضو وهذوني وهددوني بالطرد إذأ ما شلت البيت على راسي والله إني اشتغلت وشلت ﻷنو زوجي شخصيتة ضعيفة ومريض ما يقدر يوقف بصفي وبالاخير تعبت من الكرف ورفضت إني اتابع هالمسخرة وبعدين طردوني ورجعت على بيت اهلي مع ابنتي ودحين اعيش نفس الموال والاسطوانة القديمة مع جبروت اخواتي ومشأكلهم يسوو من الحبة قبة ومشأكل على الفاضي والمليان وانا ساكتة وصابرة وان دافعت عن نفسي ي ويلي من امي الاقي منها الدعاوي إلي تبكيني مادري يحصل معاي كدا يمكن لاني طيبة وماشية بما يرضي الله يعني لازم اكون شريرة ! يارب ارحمني بدل ما امي واخواتي يقدرو وضعي باني مطرودة من بيت زوجي او بالاصح من بيت اهلة فهو لا حول ولا قوة له مريض وما يقدر على شي يارب لا اهل يريحو ولا زوج ينشد فيه الظهر .. ادعولي لعل وحدة فيكم دعوتها مستجأبة
|
المشاركة الأصلية كتبت بواسطة أوراق الماضي
 أنصحك ترجعي بيت زوجك وتكرفي هناك وتتمسكني حتى تتمكني دام زوجك ضعيف حاولي تخليه يجمع عندك رواتبه لحد ما تجمعون قيمة ارض وبعدين لو تخليه يبني غرفتين بس وتسكنوا فيه لحد ما الله يفرجها وجودك عند اهلك خطاء كبير جدا
|
