ااااااااااااخ نفسي اسمع كلمه حلوة منه بموت من القهر الطبيب يجيب

السلام عليكم يا احلى اخوات
مشكلتي ان زوجي وحبيبي مايقولي كلام حلو اما الكلام الشين وانقد على طول يقوله

نفسي يقولي ياحلوة او سبحان اللي خلقك لاتقولون مغروره بس والله والحمد لله اني حلوة وهذا من فضل ربي بس انقهر لما اسمعها من غيره ومن اهلي وأخواتي وزميلاتي ومن جماعتنا كل مامدحني احد انقهر واقول في نفسي ليت زوجي وحبيبي اللي قالها
حتى وقت الفراش يكون أغلب وقته ساكت واذا تكلم قال احبك بس
لاتقولون انتي امدحيه علشان يمدحك انا امدحه واتغزل فيه كثييييييير مع العلم اني صارلي متزوجه 8سنوات وربي ماكتب لنا عيال
وبعض الاحيان افتح له الموضوع واقوله ليش انت ماتقول كلام حلو واذا شفتني غلطت على طول تعرف تقول يا ويا ويا يعني يذم
يكون رده ياحبيبتي الحب بقلبي مو بالكلام أجل وش فايده اللسان
والرسول كان يتغزل في نسائه صلى الله عليه وسلم وعلي ايضا كان يتغزل في فاطمه رضي الله عنهم عندما انشئ لها قصيدة السواك

وبعض الاحيان ينتقدني قدام اهله ويقول كلام جارح وحذرته اكثر من مره بس لاحياة لمن تنادي

والبارح صارلي موقف معه كنت
كنت معه ع الفراش وكانت فيني الدوره يعني مايبي شي بس يلعب معي ووقتها كنت كاشخه لابعد حد ومتزينه وكان يدعبني وانتظرته يمدحني اويتغزل بس للأسف وقتها انقهرت وبعد يده بقوه عني واستغرب وأسالني ليش قلت (انت مستخسر كلمه حلوه فيني ) وبعدها طلع ونمت ودموعي على خدي هو يحبني ومابحياته أحد غيري بس نفسي اسمع كلام من لسانه هو الله المستعان …
اخاف قصده اذا مدحني راح اشوف نفسي أو اتكبرعليه بالعكس انا راح انحني له اكثر مع اني واثقه من نفسي لابعد حد بس لانه يهمني فيهمني رايه فيني