عندي ابنتان الكبرى عمرها 3سنوات ونصف والثانية عمرها 10 شهور. ابنتي الكبرى كثيرة الحركة وتضرب اختها وتجعلني اغضب منها و اضربها لدرجة اصبحت فيها كثيرة التوتر فما افعل؟
امر طبيعي جدا
اول شي بنتك لسه صغيرة السن
ثاني شي اكيد بتكون عندها غيرة كثير
من اختها الاصغر
افهم معاناتك و حاسه بيكي بس بنتك لسه صغيره جدا علي فهم الغلط بالضرب
بنتك بتعبر عن غيرتها من اختها بضربها و انتي بتزودي الغيره دي بضربها و الغيره هاتتحول لكراهيه خلي بالك
و عصبيتك بتنعكس علي بنتك و بالتالي بتنفس عنه في صوره ضرب لاختها الصغيره
طيب ايه الحل
الحل ببساطه انك تشغلي بنتك في انشطه تخليها تهدي زي الرسم التلوين تشكيل الصلصال و المكعبات
عليكي كمان انك تقربي من بنتك و تصاحبيها و ممكن تألفي حكايه عن بنت صغيره بتسمع كلام ماما و ما بتضرب اختها و انها شاطره عشان بتعمل كده حكايه بسيطه فيها رساله كبيره لبنتك و البنت هاتفهما
اشركي بنتك معاكي في اعمال بسيطه زي تمسح التراب من علي الطاولات او اي شيء بسيط و كل ما تعمل حاجه صح و بهدوء شجعيها و اعملي ليها اي مكافأه تحفزها اكتر
لما بنتك تغلط فهميا ايه الغلط اللي عملته و ما تلجيء للضرب لانه ضد فكره انكم تكونوا اصحاب و المهم جدا في الفتره دي تقربيها منك و تعبري دايما عن حبك ليها و انها مهمه في حياتك زي اختها الصغيره
قربي بين الاختين و ده عن طريق انك تخلي الكبيره مسؤله عن اختها الصغيره عن نظافه الرضاعه مثلا او تساعدك و انتي بتحممي الصغيره
و رنا يعينك و يساعدك و يخليلك البنتين و يهديهم
و نصيحه اخيره ما تنفسي عن غضبك و عصبيتك في ضرب بنتك