السلام عليكم ورحمة الله وبركاته
انا مشكلتي بالاختصار اختي الصغيره
لو اقول لكم على شي ماحد راح يصدق بس هذا واقع
اختي عمرها 8 سنوات على 9
تغيرت جدا جدا جدا جدا جدا تغير جذري
تخيلو قبل كانت من يوم نقول لها شي تجيبه وفيها حياء ورهيبه وتتكلم وتاكل
فجأه انقلبت اختي بعد مادخلنها المدرسه بالاول كان تمام لين قبل نهاية الفصل الدراسي الثاني لاصارت تاكل ولا تتكلم
اختي تغيرت ياجماعه صارت عصبيه وصريخ والله والله حتى لو طالعتي فيها بدون ماتتكلمي بس صدفه عيونك جات فيها تطالع فيك وتقول ايييش فيه اييشش فيه وتعلي صوتها انا اطنشها تحزني
طبعا لي اخو عمره 12 سنه كاسر شخصية اختي هو السبب بكل شي
تخيلو يطيح فيها ضرب مسوي نفسه قوي ورجال وهو اولى متوسط واختي ياحرام ماتقدر تسوي له شي
انا اطيح ضرب باخويا بس مافيه فايده ابوي يضربه عشان اختي الصغيره عدم شخصيتها
واخواني يضربوه ويهزئوه وامي كذلك بس مايفهم عنيد
تخيلو بس يرسلها روحي جيبي روحي تعالي وهي ماتقدر تسوي له شي تخاف
اصلا لو جيتي عندها بس اشرتي يدك تخاف وتدنق يعني انمسحت
ومن غير كذا اليوم لما جينا نخرج هي نامت على المغرب واحنا صحيناها بعد صلاة المغرب قلنا لها هيا بنروح مايسير نخليها بالبيت لحالها
صارت تصارخ وتبكي وتزاعق ماابغى اروح كأن فيها جني وتبكي بدموعها واصحيها لازم تروح وامي تلبسها وهي تبكي شي فضضضضضيع قلت لها خلاص النوم طار من البكى تقوم تصارخ وجلسة بالغرفه نص ساعه تصيح وتسب وتدعي وتشتم
تكره الاجتماعات تخيلو صارت بس تدعي علينا وعلى امي وابوي عساكم بالحريقه عساكم بالحادث وبالموت استغفر الله
بس تدعي وجن جنونها
واذا جات تروح للمدرسه لازم تخلي امي وقت انصرافها تجيها ولو تأخرنا خمس دقايق تطير عيونها من البكى وتغيب من بكرا
اختي ذاقت خوووف فضيع بعد كم شي صار لها .. الاول تقول انا لما خرجت كان فيه شخص يبغى يخطفني مسكني وانا شردت وتبكي بعدها اختي صارت ماتخرج للشارع نهائي نهائي نهائي بعد ماكانت تروح للبقاله لاصقه على بيتنا صارت تخاف ورعب
انا اقول لامي لازم نوديها لطبيبه نفسيه لكن اختي الكبيره تقهرني 
تقول لا مافيها شي انتي بس تخوفي امي قلت لها حلوه نسكت على اختنا لين مانشوفها تروح من قدامنا ومشكلة امي تسمع لهااا
اختي حتى لو تطالعي يعيونها تحسي مو طبيعيه احيان اقول ممسوسه بسبب هي صغيره عمرها سنتين كانت مع اختي الكبيره عند باب الشقه يتفرجو على بس اسود يلاعبوه وفجأه البس نط عليهم واختي صرخت واختي الصغيره صرخت وبكى والا من صرختهم اختي تطيح المدخل بكبره واحنا جينا انفجعنا على بالنا طاح على اختي الصغيره من صريخها
اختي الصغيره لما طاح المدخل صرخت صريخ لو اقولكم صريخ وحده كبيره او وحده بتموت اكذب وربي شي فضيع كانت
معنى عمرها سنتين على ثلاث بعدها حسينا اختنا ماهي طبيعيه تخاف من كل شي تطالعي بعيونها تحسي فيه شي وراه شعور غريب بس تعدلت بعدين
لكن رجعت بعد كم سنه
تخاف من كل شي تعبنا تعبنا معاها
المدرسه تكرهها تقول فيه بنات يضربوني
اختي متدهوره اسفه على الاطاله بس منو صار له مثل هالشي ويعطينا حل
انا متأكده لو رحنا لاخصائيه نفسيه ماراح يفيد مع اختي لان اختي ماراح تعبرها وماراح تفهم كثير لها
لو بنوديها لشيخ نخاف تتعب علينا ولاتقدر تداوم
احنا مره محتارين وربي كل يوم نكتشف فيها شي يفجع
اومي حيل محزنتني والله انها حزنانه طول يومها من اختي وكأنها شخص ثاني تحول
دعواتكم لها بالشفاء العاجل غير الاجل
سبحان الله وبحمده سبحان الله العظيم
اتمنى الاداره تنزل موضوعي
أختك حالتها غريبة
ربما تتعرض لمضايقات بالمدرسة
انصحكم أن تذهبوا بها إلى شيخ
أواجعلي أحد من عائلتكم يقرأ عليها
غريبة حالتها
ادعي لها واستمري بالدعاء لها
كان الله في عونكم
أنتبهوا لاتهبلونها ودوها طبيب نفسي يعالجها
والله يعينكم ويفرج همكم
اكيد في احد بالمدرسه يضايقها , او صابتها عين
اقروا عليها القرآن والأستغفار
ولا تخلوا اخوكِ يضربها او يعاندها
اول شيء صدقيني الزمن يخوف انا ايضا ام لبنت 8 سنين
اول شيء طبيبة نسائية روحوا شوفوا البنت ادا لم تتعرض للاعتداء جنسي لا سمح الله
يعني الخوف من الخروج من البيت ليس طبيعي
وهكدايطمئن البال بعدها احسن شيء الرقية يعني كل شيء متوفر الان حطيها على النت تلعب شوي وبعدين قوليلها تعالي اسمعك قران بالسماعت وفيه رقية على المباشر يعني الشيخ يقرا واختك تسمع هدا تلاقيه بموقع خاص بالرقية
وحاولي كل يوم تسمعيها قران ادا لم يكون هناك طريق للشيخ
وحاولوا تساعدوها نفسيا في البيت وفيه طريقة الرسم والكتابة يعني قولي لها اكتبي في ورقة اي شيء
انا بنتي لما تكون مظلومة بشيء ولا ازعل عليها تكتب بورقة وتحطهالي بالارض وتهرب هههه
وفهميها انها لازم تكون قوية وانها يمكن تدافع عن نفسها وادا اخوك ضربها لازم تصرخ وتوقف بوجهه انه ما اله الحق يضربها ومع الوقت تنشا الشخصية فيها ولما توقف بوجهه اخوها وتتحسن حالتها شجعيها وقولي لها انك مفتخرة بيها ووو صدقيني اسلوب هدا اتبعه مع ابنتي لتنمية الشخصية ونافع معاها خاصة بالمدرسة تجي تقولي انا دافعت عن نفسي ووو فافرح وابوسها واقول لها انا افتخر بيك
الله يحسن حال اختك
اختج لازم تعطونها الحب والحنان والثقه
وبعدين راقبوها في المدرسه كيف تعامل صديقاتها معها
وحصنوها بالاذكار
