بسم الله الرحمن الرحيم
السلام عليكم ورحمة الله وبركاتة
انا لسة عضوة جديدة بالمنتدى وناخيتكم انكم ترشدوني للطريق الصحيح واذا كنت غلطانة اولا
انا طالبة عمري 22 غير متزوجة
بسم الله ابدا السالفة بدات يوم كان عمري 11 بمكالمة هاتفية امي نادتني قالتلي تعالي كلمي عمك وكنت اكلمة ع اساس عمي وهو كان يسالني عن الدراسة وكذا بس ومع السنين كنت كم مرة بس كلمتة وكانت امي تقولي ارسليلة رساله طمنية عنك وعن دراستك ولما صار عمري 13 امي اعترف لي وقالت ان الرجال اللي كنتي تكلمينة هذا مو عمك ولا يقرب لي حتى قلت لها اجل مين قالت هذا اعتبرة زي اخوي يعني اخو دنية بالصدفة تعرفت عليه ومن ذاك اليوم وهو يساعدني ولا شفت منة اي شي غلط ودايم يقولي حافضي على عيالك وبيتك وزجك واي شي تتطلبونة وابوك مايقدر يجيبة هو كان يجيبة لى وانا اعطيك ع اساس ابوكم جايبة وامي كنت ساعات ترسل صورنا له في اي مناسبة وكانت اكثر سوافهم كانت عني ودراستي وخلاص ومن يومها بين السنين كنت اكلمة وانادية عمي الى ان جاء ذاك اليوم الي نزلت فية برنامج رسائل مجانية ع جوالي وطلع رقمة انة مشترك وقلت لامي قالت زين عشان تتطنية عنك واذا اي شي بدراستك صعب هو يعلمك قمت اتراسل معة يوم بعد يوم وكذا الى ان جاء ذاك اليوم وبالتحديد قبل شهرين واعترف لي انة يحبني قمت انا سكت وكنت شبة مصدومة بس بعدين قلت لة طيب من متى وانت تحبني قال من يوم ماكانت امك تحكيلي عنك وانا حبيتك وحبيتك اكثر يوم شفت صورتك وكنت كل يوم ووكل سنة احبك واتعلق فيك اكثر واكثر وانتي ما تدرين قلت لة يعني انت تحبني من 12 سنة تقريبا قال أي وقمت كل يوم اسولف معة سوالف عادية وسوالف والله اني منحرجة اقولها يعني اكيد انتو تعرفون سوالف بين اللي يحبون بعض المهم طبعا امي ما تدري انة صارحني بحبة وانة كل يوم يسولف معي وكل يوم كنت احس نفسي اتعلق فية اكثر واكثر بس بنفس الوقت كنت احس بالذنب اتجاة امي كاني خنتها او شي كذا وكنت محتارة وصراح بيني وبين نفسي ان قلت لة العلاقة انتهت راح اجرح قلبة اللي كان ينتظرني من سنين ولا اقول حق امي وتفقد ثقتها بالناس وخصوصا في بعد ما اعتبرتة زي اخوها وقررت ان اقولة واصارحة وقالي اذا انتي حاسة بالذنب خلاص انسي ان قلت لك احبك واذا تبغين نرجع زي ا ول سوالف عادية وكان يقولها لي وهو حزين وبعدها غاب عني فترة كذا ورجع يكلم وقلت له لاااا خلاص انسى الي قلت للك اياه وخلينا نرجع زي ا ول وحسيت ان فرح من قلب المهم يوم من اليام قالي تذكري يوم اغيب عنك فترة قلت لة أي قال الصراحة كنت ابكي فيها وما صدقت يوم قلت لي خلنا زي اول فرحت وللحين اكلمة وصرت احبة ولما يغيب عني اشتاق لة واحاتية وهو الحين عمرة 35 واتمنى دايم ان الله يجمعنا بالحلال وهو يقول ان شاء الله احس حبنا زي الخياااال وهو دايم يطلب مني ارسل صوري لة وكنت ارسل لة وهو بعد بكل مكان يروح له يصور نفسة ويرسل لي هو متعلق واجد بشغلة وانا بدراستي وهو والله انسان محترم بس لما يسولف بيوالف الي بين الحبيبين انا اتضايق من هالشي وصارحتة قال لي طيب اذا ما قلت للك وسولفت معاك بالهسوالف اقولها لاحد غيرك انا قلت له خلاص لا مايصير تسولف مع احد غيري بهذي السوالف وهو من ذاك اليوم احترم رغبتي وما صار يسولف بهذي الامور واجد ع اساس ما يضايقني بس انا للحين ساعات تجيني زي الضيقة لما افكر فية وفيني احس حالتنا تكسر الخاطر علما باني انا والله ان هو اول رجال غريب اكلمة في حياتي وحبنا نهايتة مجهولة ولا ادري شنو مصيرة وانا بسن زواج اخاف يجيني خطاب وانا قلبي معة وكنت دايم اصبر نفسي واقول حتى لو الله ما كتب وما تزوجنا من حق كل بنت تعيش قصة حب حتى ولو انتهت بالفراق ياااناس ارجوكم دلوني ع الطريق الصحيح احس ان محتارة والي اسوية غلط اولا؟؟؟؟
وبالنسبة انه كل بنت من حقها تحب وتنحب هاي بعارضك فيها مع احترامي لرأيك… بدي أسألك سؤال وانتي جاوبي على كلامك: لو عندك بنت بترضي تخليها تحكي مع رجل غريب عالتلفون ويحبوا بعض؟؟؟ ماتحكي انه مو غريب!! بلى غريب لانه مافي اي صلة بينك وبينه
حبيبتي ديري بالك كتير منيح وموفقة يارب
اقطعي كل علاقاتك المحرمة مع هذا الشخص المذكور دون اي رجعه او ندم
وان شاء الله تتزوجي في اقرب وقت
مووووووووووووووفقه
ليش ما جاء يخطبك ؟؟؟!!!!!!
وش ينتظر ؟؟؟!!!!!!
يخلص دراسة مثلا ؟؟؟؟!!!!!
…..
انتبهي لاتموتي وانتي على معصية…
والله لن ينفعك هذا الحب
كيف تكلمين رجل …الله حرم أن يسمع صوتك
والله لو في الرجل خير لما رضي أنك تكلميه؟؟؟؟؟؟؟؟؟؟
|
المشاركة الأصلية كتبت بواسطة مشكلتي
 من حق كل بنت تعيش قصة حب حتى ولو انتهت بالفراق ؟؟؟؟؟؟؟؟؟؟؟
منو قالك هالكلام… غاليتي لاتقولي ولاتكتبي شيء يمكن أحد يسويه بعدك وتتراكم عليك الذنوب … قال صلى الله عليه وسلم يقول: ((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا)) خرجه مسلم في صحيحه. ياااناس ارجوكم دلوني ع الطريق الصحيح احس ان محتارة والي اسوية غلط اولا؟؟؟؟ طبعا ومليون مرة خطأ لاتترضيه هذا مو لازم يرضى غاليتي… لاتنسي.. وأيقني بأن الله أعطاك نعم فحافظي عليها !!!!! غاليتي… |
فافعلي
بيساعد أمك وبيجيب لها الأغراض اللي أبوك ما يقدر عليها بدون مقابل كل هالسنين
وأمك ليه تلعب بعرضك وتعطيه صورك وانتي ماشاء الله انتهجتي منهجها
وتقولي ايش مابي أخون ثقة أمي فيني
يابنت أصلا أمك تبي كذا ويمكن هي متفقة معاه إنك إذا كبرتي بتزوجه اياك
ولا ليش للحين مو متزوج وعمره 35 ويشتغل؟؟
لا ولما قلتي له لا يقول لك كلام حب اقنعك بكلامه ورجعتوا مرة ثانية
لا وكلامك اللي يفك العقل ,, من حق كل بنت تعيش قصة حب حتى لو نهايتها الفراق
انتي مجنوووووونة؟؟أولا هذا مو حق ,, واحنا الحمد لله تزوجنا بدون قصص حب روميو وجولييت
ثانيا تقولي حتى لو نهايتها الفراق ,, يعني بتفرحي إذا فارقتي اللي تحبيه؟؟
مافي بنت حبت بهالطريقة وافترقوا إلا صارت نفسيتها زفت وأقرب شي لها مستفى الأمراض النفسية
يا بنت لا تقولي هذا من حق كل بنت؟؟من وين لك هالإختراع؟؟
لو تبي قصة هالحب كان انتظرتي الله يكتب لك اللي يجيك من الباب ويخطبك وتعيشي قصة بالحلال
بالحلال بالحلال ونهايتها حلال مو فراق وكأنك مسلمة أمرك لله
ولا تصدقيه إنه قام يبكي ,, انتي قلتي عمره 35 ,, يعني مو مراهق علشان يبكي على قصة حب
هذا عقله كبير ,, هذا ذكي ,, عنده كلمات درسها في مدرسة الحياة طول الـ 35 سنة
جاااااااااااوبينا لو هو جاد ليه مايجي يخطبك؟؟
وأنا متأكدة هو يبي يوصل للي يبيه وانتي ظلي اندبي حظك اللي من حق كل فتاة تعيشه
راح يقنعك إنك تطلعي معاه ,, وبعدها يلعب فيك غصبن عنك ياحلوة ,, ووقتها دوري عذريتك
ودوري من يجي يخطبك
ترى أمك من الأساس تصرفها خطأ
وللأسف لبستك إياه
أحس مهما قلنا ماراح تقتنعي إنك تبتعدي عنه
بس أقول لك من ألحين صبري قلبك على المصايب اللي بتجيك
………………….
اش هالخرابيط عزيزتي؟؟
وضحي شنو علاقتكم كعائله بهذا الشخص؟؟
ولماذا الى الان لم تسألي والدتك من هو هذا الشخص؟؟
زمان كنت طفله ولكن الان انت بالغه وفاهمه وعارفه كل شيء
ننتظر جوابك والا الموضوع برمته يكون عباره عن مزحه
تحياتيييييييييييييييييي