البرياني الهندي
اول شي نجهز البصل قشريه واغسليه تقريبا ثلات بصلات وسط وبعدين قطعيه شرايح رفيعه جداااا مب متينه انتبهو وتقلينهم في زيت غزير وتقلبين كل شوي الين يصير لونهم اشقر فاتح لا تخلينهم يحترقون اول مايصير لونها اشقر او بني فاتح طلعيها وحطيها على ورق
القلي وفرقيهم عن بعض وخليهم يبردوا
والان نجي للدجاجه نظفيها وشيلي الجلد وافركيها بالملح والخل وخليها شوي وبعدين اغسليها من الملح والخل وحطيها بالقد
والان جهزي علبتين زبادي
ونجي حق السر اللذيذ العظيم في هذي الطبخه وهو البصل المقلي
حطي نص كمية البصل المقلي بعد مانشف وبرد في مطحنة البمطحنة
شوفو كيف صار ناعم وتقلصت الكميه مره طلع تقريبا ملعقه كبيره مليان
حطي الزبادي والبصل المطحون على الدجاجه
وابشري عليه قطعة زنجبيل مقشر
وحطي شويه من البهار مشكل وكركم وفلفل احمر وثوم مفروم
وافرمي شوية كزبرة خضره ونعناع اخضر مهمين هالعنصرين
يعطون نكهه غير طبيعيه لا تغيرون الكزبره بالقدونس لااااا
نلخبط المقادير مع بعض عدل
ونحط الطبخه على النار لمدة ساعه تقريبا ماتغلي وبعد ماتغلي نخفف النار جدا ونخليه تطبخ وحركيه كل ربع ساعه تقريبا وبيصير فيها سوائل اللبن طبعا لاتخاون مارح تنشف
وخلال هذي الفتره اغسلي الرز وانقعيه في الماء تقريبا كاسه ونص
انا استخدم كوب كبير للتعيير تقريب
وجهزي منقوع الزعفران وخليه على جنب
والان نجهز خلطة الزبادي الحاره اللي تنأكل بجانب الطبخه
وهي عباره عن علبتين زبادي وكزبره ونعناع وفلفل وثوم
تقطع الكزبره والنعناع
وحطيها بالصحن وخليها بالثلاجه الى ماتخلصين الطبخه عندما قرب الدجاج يستوي صفي الرز من الماء
وحطي ماء مغلي في قدر وملحيها وخليها تغلي الماء زين وحطي فوقها الرز اللي صفيناه من الماء يعني الرز اشخليه طبعا بس نص استواء لانه بيكما استاواء مع خلطة الدجاج
بعد ما يستوي الرز نص استواء صفيه في مصفاة كبيرة وعلى طول من الصفايه الى فوق الدجاج ووزعي منقوع الزعفران فوق الرز ولو عندك الصبغه البرتقاليه رشي فوق الرز بعد يطلع ملون وبعدين سكري القدر وهزييه يمين وشمال بقوه عشان ينزل الرز تحت طبعا تخلين الطبخه على النار بعدما ماتنشف مائها يعني يمكن نص ساعه وطبعا على نار هاديه جدا وبس ويفضل القدر غير قابل للالتصاق وتطفين تحتها
وقدميه على السفره مع الزبادي الحار وبألف صحه وعااااااافيه
 |