البسبوسة بمذاق الشكلاط و القهوة
المقادير
4 بيضات 
4 معالق كبار سنيدة
2 معالق كبار كاكاو
3 معالق كبار كوك
1 معلقة صغيرة قهوة سريعة الدوبان
3 خمارات 1 فاني 1 دانون فاني
220 غ سميدة رقيقة
1 كاس زيت معامرش
طريقة تحضير البسبوسة بمذاق الشكلاط و القهوة
نخدم البيض والسنيدة وقبصة ملح وفانيلا نزيد كاس زيت
نزيد الكاكاو والقهوة والكوك
نزيد دانون
ثم السميدة
وفي الاخير الخمارات
ندهن المول ديالي بالزبدة ونرش الطحين ونصب الخليط وندخلها للفرن طيب على عافية مهيلة
دبا ندوزا للسقي كاس حليب محلى ونصف كاس ماء و1 فاني
نعمل الماء والفاني يغلي مزيان ونزيد عليه علبة الحليب المحلى وانا تنحرك حت تنساجم العناصر كلها
ناخد البسبوسة وهي مزال سخونة ونسقيها مزيان بالخليط
نزينها حسب الرغبة انا عملت ليها الشكلاط محكوك ونخليها تبرد مزيان ونقدمها بالصحة والعافية