( بسم الله الرحمن الرحيم )
الحمد لله رب العالمين … والصلاة والسلام على اشرف الانبياء والمرسلين محمد علية افضل الصلاة والتسليم …
اما بعد …………
بعد الرواية الاولى التي مازال قلبي يتفطر ألماً عليها الى يومنا هذا بسبب الظروف التي حصلت لها وتم مسحها ولم اعد قادرة على اكمالها لاكن مازال الكثير من الاشياء والافكار و الروايات اليكم احكي لكم روايتي الثانيه التي طالت وكانت فكرتها في مخيلتي لا اطيل عليكم الحديث واختصر لكم موجز الكلام وسوف ندخل بالرواية والتي تحمل عنوان
** الـــــــحــــ الــصـامــت ـــــــب **
الكاتبة / هـــــــــــــــــمـــــــــــس الـــــــــتـــــــــــحـــــــري
الفصل الاول
شخصايات الرواية
بيت فيصل
ام فيصل و لديها ولد و وبنت وهم فيصل اكبر اولادها والبنت عبير اما ابو فيصل متوفى منذ زمن بعيد
بيت ابو خالد
ابوخالد وله ثلاث اولاد خالد وسالم و وليد وله اربع بنات هند وسحر و سهى و سارة
ام خالد وهي عمة فيصل و عبير
بيت ابو سلمى
وله بنت واحده وهي سلمى
وبيت ابو أمل
وهي وحيدتهم وتربطها علاقة قويه مع عبير
الجزء الاول
نبدأ بفيصل بطل الرواية يملك شركة كبيره وشخصيته قويه لا يستطيع احد ان يقف في وجهه ولا احد يفهمه اكثر من امه وقد انهى دراسته الجامعيه ويبلغ من العمر 35 سنه اما اخته مختلفه تماما عن شخصيته فهي مرحه و رومانسيه وحساسة جدا الى اتفه سبب من الاسباب يؤثر فيها على حسب الخبر اما وتبكي او تضحك عمرها 23 ومثل ما قلت صديقتها او اختها الي تقضي معاها وقتها وكل يوم مستحيل يمر يوم من غير ماتشوفها اهي امل لا ان البيت جنب البيت وهي بقسم رياضيات الفرقه الثانيه وفيصل يسمح لها تروح لها لاان ماعندها اخوان
فيصل مو متزوج له اصدقاء ومن هم سالم و عبدالله صديق طفولة و علي و فواز والي احب اذكرة ان فيصل مسيطر على اخته في كل شي حتى لبسها و مكياجها لدرجه انها ما تحط مكياج في الجامعه بس انتم تعرفون البنات وحركاتهم لما تطلع من البيت ماعليها مكياج و اول ماتوصل الجامعه تبدا بالتفنن على الوجه واذا رجعت تمسحه وكأنها ماسوت شي لدرجة انه من خوفه عليها اهو الي يوصلها للجامعه بس الي ما احد يدري عنه انه يحب ولا ميت بالحب والبنت الي يحبها راح تعرفونها بعد ماتقرون الرواية
نروح الخالد متزوج وله بنتين صغار ضي وفي
سالم احد اصدقاء فيصل والى الان ماتزوج وعمره 35 مثل فيصل وشخصيته انسان مختلف عن فيصل مع انه صديقه الروح بالروح يعني حبوب و مرح وطيب
وليد يدرس بعثه في امريكا وماتزوج
اما هند اكبر من وليد متخرجه من الجامعه ومتزوجه والى الان ماعندها عيال
سحر اصغر من وليد وتدرس بالجامعه اخر سنه
سهى صديقة عبير وامل ومعهم بنفس القسم والفرقه
سارة اخر العنقود وهي بثاني ثانوي علمي
اما سلمى اهي جارة امل وصديقتها الروح بالروح والي مستحيل تخبي عليها شي بس سلمى موب صديقة عبير وماتعرفها الا من حبيبها
زي ما فهم توا ان سلمى اهي حبيبت فيصل
فيصل : هلا ياعيون فيصل
سلمي : ايه واضح عيونك اعيونك ولك يومين ما تسأل عني وتقول اهي حيه ميته
فيصل يضحك : شوي شوي علي اخذتيني كذا من غير ماتعرفين عذري
سلمى : طيب يابو الاعذار قول
فيصل : امس وصلت امي واختي للسوق وتعبوني معهم من كثر مايلفون لفوا راسي معاهم وعلى طول اول ماوصلت حطيت راسي ونمت والصباح رحت للشركه وانا تعبان و رجعت الظهر ونمت ولما صحيت كلمتك وما وصل يومين
سلمى : لا يعني تبيها يومين حضرتك
فيصل : لا لا مو قصدي
سلمى : مو مهم المهم كلمتني الا قولي انتم ماعندكم سواق
فيصل : الا عندنا سواق ليش السؤال
سلمى : ليش ماخليته يوصلهم للسوق
فيصل : لا مستحيل السواق بس للبيت يعني يجيب اغراض البيت اما اختي و امي مع السواق لا و من المستحيلات ولا على بالك اذا تزوجنا ابي اخلي السواق يوديك ويجيبك
سلمى تضحك : تصدق كل يوم احبك اكثر من اليوم الي قبله
فيصل : هذا صدق ولا تضحكين معي
سلمى : لا صدق احبك واحبك واحبك ويالله باي
فيصل : انتي ليش لما توصلين للكلام الحلو تقولين باي ترى هذا طبع فيك
سلمى : فيصل انا طفشت
فيصل : من ايش يابعد عمري
سلمى : فيصل متى نتزوج
فيصل : انا كم مرة اقولك لما تخلصين دراستك علشان تفضين لي وبس
سلمى : اوكيه باي الحين امي تناديني باي
فيصل : خلاص بس الساعه 11 ابي اكلمك
سلمى : الناس يقولون الساعه 12 او 1 وانت 11
فيصل : ايه علشان دراستك
سلمى : اوكيه باي
يسكرون
الوقت الحين المغرب امل وعبير مع بعض في بيت امل
عبير : اقول امول تصدقين انتي محضوضة
امل : وليش محضوضه
عبير : ماعندك اخو ينشب في حلقك في كل صغيرة وكبيرة لاتشترين هذا و خذي هذا سوي كذا ولا تسوين كذا
امل تضحك : لا حرام عليك بالعكس انا اتمنى ان يكون عندي اخو او اخت يسلوني بس الحمد لله عندي عبوره احلى اخت بالدنيا
عبير : شكرا على المجاملة
امل : ماعرف اجامل
عبير : اقول الا ماقلتيلي عن البنت الي دايم تتركيني وتروحين لها
امل : من سلمى
عبير : ايه وش تبغى فيك
امل : عيب تتدخلين في امور الاخرين
عبير : اقول اتركي عنك المثاليات وقوليلي ترى والله قلبي ياكلني على ما اعرف
امل : انا مثاليه غصب عنك وماراح اقولك
عبير : لا بتقولين
امل : انا ابي اقولك علشان اعرف ماراح تخلينها الا لين تعرفين وشفيها
عبير : هاه قولي كلي اذان صاغيه
امل : ابي اقولك بس على شرط
عبير : امري انتي بس تقولين
امل : ابيك تسكتين لمدة 10 دقايق ابي اكلمها بعدين اقولك السالفه من اولها الي اخرها
عبير : شوفي وتحط ايديها على فمها
وتدق امل على سلمى :الو
سلمى : هلا امول
امل : قوليلي وعترفي لي يالله كلمك
سلمى : الا اسكتي انا الحين طايرة من الفرحه
امل : بس ياسلمى الي تسوينه موب زين حق سمعتك لو احد يدري
سلمى : تطمني اهو قالي انه يبي يتزوجني لما اتخرج
امل : طيب ليش ما يخطبك الحين على الاقل علشان لما يطلع شي يعرفون انكم مخطوبين
سلمى : لما اكلمه شوي راح اقول له
امل : توعديني
سلمى : راح احاول
امل : لا اوعديني
سلمى : اوكيه اوعدك
امل : يالله الحين تطمنت عليك بس راح اتطمن لما تقوليلي انه خطبك يالله باي حبيبتي
سلمى : باي
عبير : يالله قولي
امل : صدق حشريه
عبير : مدام منك عادي انا قابله بس قوليلي
امل : راح اقولك واريح نفسي هذي جارتنا سلمى تحب لها واحد وهو يحبها ودايم يكلمها وانا انصحها ما تكلمه وتبتعد عنه علشان مايجيب لها المشاكل
عبير : طيب اهي تعرفه
امل ارتبكت : ايه بس من بعيد
عبير : منهو
امل : تطمني انتي ماتعرفينه
تحاول انها ماتقول لها انه اخوها فيصل
عبير : طيب يومي ما اعرفه قوليلي
امل : هذا اسمه ايه تذكرت اسمه سلطان
عبير : سلطان اها
امل : ليش تعرفينه
عبير : لا بس يناسبها
امل : ليش حضرتك وش يدريك انه يناسبها دكتورة علم نفس
عبير : لا بس اسمها سلمى واسمه سلطان
امل : ها ها ها صدق ما عندك سالفه
عبير : انتي الي ما عندك سالفه ليش ماتخلينهم مع بعض وانتي حاشرة نفسك بينهم
امل : ياحياتي الي ما ارضاه حق نفسي ما ارضاه عليها بعدين اهي صديقتي اذا ما نصحتها انصح من
عبير : انصحيني انا
امل : ليش لا يكون تحبين انتي الثانيه
عبير : مالت علي من الي يحبني ابيك ادوريلي صرفه لخوي يعني ابيه يتغير يخليني على كيفي وعلى راحتي
امل : لا احسن انه مايخليك على راحتك كان ما خليتي احد بالسعوديه ما حبيتيه
عبير تضرب امل بالمخده : ماخليت احد هاه انا اوريك
امل : ايه وانا صادقه
عبير تزيد بالضرب : انتي شكلك تبن تموتين على ايدي
سالم : قولي يافيصل متى تبي تتزوج
فيصل : ليش جالس على قلبك
سالم : لا بس الى متى على المكالمات
فيصل : لا هذي حبيبتي وراح نتزوج لما تخلص دراستها
سالم : اكيد مو تلعب على البنت
فيصل : افى عليك انا احبها وهي تحبني وراح نتزوج
لما اذن العشاء
عبير : ياويلي يالله انا ابي اروح
امل : لو ما اعرف اخوك كان قلت لك تعشي معانا
عبير : الحين يبي يحقق معاي وش سويتي وليش سهرانه للحين
امل : لهذي الدرجه معقد
عبير : اخ واكثر ولا الحين الساعه 8 العشاء ويقولي ليش سهرانه عند الناس بس الله يخليلي امي اهي الي تحميني منه
امل : الله يعينك عليه
عبير وصلت عند الباب : تصدقين يامل اني احيانا اتمنى ان امي ماولدت او مايكون عندي اخو
امل : استغفري ربك واحمديه انه عطاك اخو يخاف عليك و شايل همك انتي وامك بعد وفات ابوك صحيح انه يخاف عليك بزياده بس مهما كان احمدي ربك لا تفقدينه وتتمنين انه موجود
عبير : ليت الله ياخذه ويريحني
امل : عبير لا تقولين كذا حرام عليك
عبير : استغفر الله بس صدق من الي فيني ماني قادره اتحمل البيت بسببه مكرهني كل شي
امل : ولو منكد عليك عيشتك احمدي ربك ان عندك اخو واذا وصلتي البيت صلي ركعتين واحمدي ربك واستغفري عن الكلام الي قلتيه في اخوك هذا مهما سوى فيك من حقه
عبير : ان شاء الله يالله ممكن اروح قبل لا يقتلني
امل : ممكن بس لا تنسين ادعي ربك كثير انه يهديه ويخف عنك شوي مو تقولين الله ياخذه اتفقنا
عبير : انتفقنا
وتروح عبير للبيت
امها : هلا والله
عبير خايفه : هلا يمه الزفت هنا
امها : هذا اخوك الكبير لاتقولين عنه كذا
عبير : يمه الي يكون بس اهو هنا
امها : لا ما وصل
عبير : الحمد لله يعني مايدري متى وصلت
امها : لا تطمني دق وقال دقي عليها وخليها تروح للبيت
عبير : ياربي هذا مايفوته شي
امها : لاتقولين عن ولدي شي
عبير : ايه ولدك ولما يهاوشني مادافعين عني
امها : اقول روحي بدلي وصلي وانزلي علشان العشا
عبير : ليش اذا مانزلت السيد فيصل راح يخليني مو اخو هذا شريطي البيت
امها تقوم : اقول ان جلستي تتكلمين راح يجي من المسجد ويعتقد انك توك واصله وراح يضربك وانا مافيني شده افكك منه
عبير : أي والله خلني اقوم لا يسطرني كف ادري ماراح يصدقني
وتطلع الغرفتها وتبدل ملابسها وتصلي وتنزل لما انزلت لقت فيصل واصل وتجلس
فيصل : متى وصلتي
عبير : اليوم
فيصل : ادري بس الساعه كم
عبير : مادري
فيصل بعصبيه : يعني ايش ماتدرين
عبير : لما اذن العشا
فيصل : وليش متاخره
عبير : ماتاخرت
فيصل : الا متاخره ليش
عبير : والله ما تاخرت
فيصل يضرب عبير على راسها : انا اسألك ليش متاخره
عبير ودموعها بدت تنزل على خدها : ما تاخرت
فيصل : للحين مصره مو انا قايلك تجين البيت قبل اذان العشا
صح ولا لا
عبير : صح
فيصل : طيب ليش متاخره
عبير تحاول تمسك نفسها لاتبكي وماجاوبت فيصل
امه : فيصل خلاص خف عليها شوي
فيصل : يمه خليني اعلمها الادب
عبير : انا اعرف الادب
فيصل انصدم من عبير اول مره ترد عليه : نعم وش قلتي
عبير : انا اعرف الادب
فيصل : لا وبعد تعيدينها حضرتك
عبير : لا اني ما سويت شي خطأ وما تاخرت اجل لو اجي البيت الساعه 11 او 12 وش بتسوي
فيصل : كان ماشفتي الحياه سيدا على القبر
عبير : خلاص انا جيت بدري
فيصل : انا ادري من الي خربك اكيد هذي الي رحتيلها
امه : فيصل حرام عليك امل مستحيل تقول كذا اهي بنت مربيه وعاقله بعدين خلاص سامحها المره هذي علشاني وخلونا نتعشى
فيصل : انا ابي امشيها المره هذي بس علشان امي لاكن ان سمعتك تقولين مثل الكلام هذا راح اذبحك
وبعد ماخلصو من العشا فيصل يبي يطلع : عبير
عبير : نعم
فيصل : روحه البيت امل ممنوع
عبير : ليش
فيصل : انا قلت ممنوع يعني ممنوع ومابي اساله
عبير : حرام عليك
فيصل يطنشها ويطلع عبير تطلع الغرفتها وتبكي وتكلم امل
امل : هلا عبوره
عبير : هلا امل
امل : عبير وش فيك
عبير : فيصل ضربني واكثر من كذا منعني اني اروح عندك تخيلي منعني يقول انا متاخره اه يا امل انا ابي انتحر وافتك من الحياه بسبب اخوي
امل : صحيح ان اخوك موب صاحي بس ماعليك اذا اهو منعك مني انا راح اجيك كل يوم ومايقدر يقولي شي
عبير : والله لو تجي في باله يطردك والله يطردك
امل : ياعيوني انا ما جيت له انا جيت علشانك ولا يهمك حتى اذا طردني ابي اجيك مو بكيفه
عبير : امل يعني ماراح تخليني
امل : من صدقك انا اخلي اختي
عبير تبكي : امل انا ما عندي احد غيرك لا خوات ولا صديقات
امل : سويتها فلم هندي خلاص لاتبكين بعدين ماعليك من اخوك انتي صلي ودعي ربك ان الله يهديه
عبير : خلاص راح ادعي كل يوم
امل : ايه كل يوم وكثري من الاستغفار وبعدين احنا نلتقي بالجامعه
عبير : تكفين لا تخليني
امل : لا عبير ابي اخليك و اهاجر اقولك حتى اذا ماشفنا بعض نشوف بعض بالجامعه اكثر من 6 ساعات مع بعض وغير كذا بينا اتصالات و غيره بعد البيت جنب البيت وامي وامك صديقات مثلنا ويعني مافيه امل تفتكين مني ومن وجهي
عبير تضحك
امل : ايه اضحكي صدقيني ياعبير ما فيه شي يستاهل انك تبكين عليه وبعد انا عندي حل اذا منعنا فيصل انا نجي بعض
عبير : وشو
امل : اقول حق ابوي يقول حق فيصل خل البنات يشوفون بعض مو بكيفك هههههههههههههههههههههه
عبير : امل
امل : هلا
عبير : تصدقين انا اتمنى اكون مثلك
امل : شكرا على المجاملة
عبير : لا انا اتكلم عن جد
امل : ليش انتي تكلمين عالمه ولا دكتورة
عبير : لا شخصيتك قويه يمكن لو شخصيتي مثل شخصيتك كان عرفت اوقف في وجه فيصل
امل : احم احم ترى كذا تخليني اشوف نفسي
عبير : حتى روحك ماشاء الله يعني عادي مايهمك كل شي اخذه الدنيا بنكت وفرح
امل : ياعبير انتي الي بيدينك تخلين نفسك فرحانه او زعلانه تقدرين تخلين الدنيا فرح او نكد
عبير : كيف
امل : انتي نفذي كل الي يطلبه منك فيصل وبكذا تتجنبين الضرب و الهواش وبعدين دقي علي وانا اقول لك احدث نكته سمعتها وش رايك موب حل حلو
عبير ماتت من الضحك
امل : شفتي
عبير : انا من غيرك ما ادري وشلون بكون
امل : انا ابي اقولك راح تصيرين كأيبه و طفشانه ولا يمكن تجيك الشيخوخه بدري غير التجاعيد و كثير
عبير : لا وانت حضرتك شباب
امل : لا يمكن انا سبقتك وموت
عبير : لا اسم الله عليك
امل : الموت حق وكلنا راح نموت
عبير : خلاص قفلي علي سيرة الموت ماحب اسمع عنه بليز
امل : خلاص وش تبغين تسمعين مو انتي داقه على مايطلبه المستمعون
عبير : لو سمحتي ممكن اغنية سلام العشق للوسمي
امل : اوكيه عيوني بس انتي حابه تهدينها الى من
عبير : حابه اهديها الي صديقتي اموله و حبيبي
امل : ومن هذا
عبير : هذا مو برنامج يعني مالك دخل
امل : عبوره منو حبيبك تكلمي بسرعه و البرنامج كنسلته بس اعترفي
عبير : اضحك عليك
امل : لا قولي
عبير : والله اضحك عليك بس اتمنى مو من حقي
امل : على بالي تحبين وماقلتيلي
عبير : يالله حياتي انتي تعرفين الظروف و الساعه قربت تنتهي وانا ودي اطول
امل : تصدقين لو عندي اخو كان خليته يتزوجك ونفتك من اخوك و اوامره الي ما تنتهي ابد
عبير : امين
امل : يالله حبيبتي باي لنا غدا لقاء
عبير : باي
وتسكر
عبير : اه يا امل و الله انا من دونها مدري وش ابي اسوي بدنيتي بس الي اتمناه من ربي اني اصير مثل شخصيتها قويه وصبوره وغير كذا مبتسمه للحياة واخذه الدنيا ببساطه ولا ماهما أي شي
فيصل يدخل عليها : من الي ماهمها أي شي
عبير : وحده من صديقاتي
فيصل : ادري بتقولين الهايته امل
عبير : انت سامع عنها شي موب زين علشان تقول الهايته
فيصل : لا
عبير : طيب ليش تقول عنها كذا
فيصل : سبحان الله ما ارتاح لها
عبير : مو لازم اهم شي انا مرتاحه معاها
فيصل : المهم قفلتي جوالك
عبير : ايه قفلته
فيصل : اشوفه
عبير : ماتوجد ثقه
فيصل : بصراحه لا الثقه في البنات معدومه
عبير : شوف واذا تبي تاخذه اخذه
فيصل : لا بس اياني و اياك تشغلينه
عبير : تطمن ابي احط راسي و انام حتى شعري ابي اسويه الصباح
فيصل : ايه احسن تنامين
ويطلع فيصل
عبير : اف مناشبني في كل صغيره وكبيره ما اقول غير ماشاء الله عليك يا امل انتي وحيدت امك و ابوك و أي شي تطلبينه على طول عندك مو مثلي أي شي اطلبه اخذ تحقيق قبله وبعده ما اشوفه اه ليت ابوي للحين حي كان سوى لي كل شي ويوكل فيصل تبن
وتحط راسها على المخدة وتنام
اما امل بعد ما خلصت من المكالمه من عبير دقت على سلمى لا انها خايفه عليها من فيصل
سلمى : هلا امول
امل : هلا سلمى
سلمى : امريني
امل : سلمى فيه موضوع ابي اكلمك فيه وضروري
سلمى : خوفتيني فيه شي
امل : لا لاتخافين بس ابيك بكرى تمرين علي ابي اكلمك اوكيه
سلمى : بخصوص ايش
امل : لما تجين راح تعرفين
سلمى : اوكيه بكرى العصر
امل : حلو يالله الحين ابي اسكر
سلمى : باي
وتسكر وتجلس امل تسوي شعرها وكل تفكيرها في عبير وسلمى وفيصل وتدخل عليها امها
امل : هلا بالغاليه
امها : انتي الغاليه ونور عيوني انا جابيه لك كاسة حليب علشان تنامين و انتي مرتاحه
امل : انا اذا شفت وجهك انتي يالغاليه و وجه الغالي ابوي ارتاح ومدام حسكم موجود في البيت اكبر راحه وسعاده ما اقول غير الله لايحرمني منكم
امها : امين ولا يحرمنا منك الا بغيت انسى بكرى متى تطلعين من الجامعه
امل : الساعه 11 ليه بغيتي شي
امها : لا بس انا بروح اتقهوى عند خالتك ام فيصل بس علشان ماتشيلين هم
امل : خلاص
وتطلع امها
امل : يمه ابوي نام
امها : لا
امل : طيب قوليله لاينسى الكمبيوتر الي يبي يجيبه لي ابي المواصفات الي قلتها له
امها : ان شاء الله
امل : تسلميلي انتي و ابوي
اما سلمى جلست تكلم فيصل وكل واحد يتغزل في الثاني
فيصل بعد ماسكر من سلمى : اخ ياسلمى لو اتزوجك راح تكون حياتي سعاده في سعاده
في الصباح
امل تبوس راس امها وابوها : ها يالغالي لا تنسى الكمبيوتر الي قلت لك عليه
ابوها : افى انا انسى شي يخص امل انسى عمري ولا انساه
امل : تسلملي يا اعز ناسي
امها : اقول حبيبتي امل افطري علشان لا تتاخرين
امل : ان شاء الله
عبير جالسه تفطر : يمه تكفين قولي حق ولدك يخليني اروح الامل و الله اسمع كلامه و اسوي الي يبيه بس انتي اقنعيه
امها : خلاص امري بس ما اضمن انه يوافق
عبير : لا يمه علشان خاطري بليز بليز
امها : خلاص انتي بس كملي فطورك لايجي ويسويلك سالفه
وينزل فيصل
عبير بصوت صغير : جاكم هادم اللذات و مفرق الجماعات
امها : عبير
عبير : اسفه اسفه خلاص
فيصل : صباح الخير
امه : هلا صباح النور
فيصل : هذي ليش ماترد لايكون زعلانه
عبير من غير نفس : لا مو زعلانه صباح النور والسرور
فيصل : كل ها التكشيره علشان قلت لك لاتروحين حق امل
امه : يافيصل اهم بنات خلهم مع بعض وش فيها
فيصل : فيها انها تخرب اختي
عبير : ليش انا بزر و امل داشره
فيصل : ايه زين
امه : فيصل حنا ما شفنا منهم شي بالعكس نعرفهم مثل مانعرف انفسنا وهم معنا من يوم ما انولدتوا الي اليوم هذا وعمرهم ماضرونا و انا ما اسمحلك تقول عنهم شي
فيصل : انا اسف يالغاليه و حقك علي زين كذا
امه : لا لين تسمح حق عبير تروح عند امل
فيصل : ما اقدر
امه : ليه البنت موب زينه
فيصل : لا
امه : سامع عنها شي
فيصل : لا
امه : طيب ليش معارض ان اختك تروح لها
فيصل : خلاص ابي اشوف بعدين راح اقولك
عبير : يعني متى
فيصل : لما ارجع من الشغل
عبير : وانا ابي انتظر الوقت هذا كله
فيصل : ان ما بغيتي تنتظرين راح اخليك ما تشوفينها مدام انا عايش انتي فاهمه
عبير : لا خلاص انا اسفه
فيصل : ايه كذا ويالله قومي تاخرتي
عبير : انا محاضرتي تبدأ متاخره يعني عادي
فيصل : لا موب عادي روحي و انثبري بالجامعه لين يجي ووقت محاضراتك انا مشغول و اول ما تخلصين تدقين علي مفهوم
عبير : والله حافظه الكلام كله مايحتاج كل يوم تقوله لي
فيصل : لا علشان ماتقولين انت ما قلت لي
عبير : حتى الدقايق الي اجلس فيها علشان افطر تطلعها من عيني خلني امشي اقابل الجامعه ولا اقابلك
فيصل : ما نافعك الا دراستك يالله تحركي
وتروح للجامعه
عبير : صباح الخير امل
امل : هلا صباح النور غريبه اليوم متاخره 5 دقايق غير كل يوم وش صاير
عبير : الله يخليك خليني اجلس بعدين اقولك معاناتي
امل : اف معاناه
عبير : الخمس دقايق اخذت فيها محاضرة من الاستاذ فيصل عند باب الجامعه
امل : عن ايش المحاضره لا يكون درى بسالفت المكياج
عبير : لا عنك
امل : عني انا
عبير : اسكتي بس
امل : ليش انا وش فيني يوم يتكلم عني صحيح ما فيه انسان مايخطي بس انا ما اخطي الا في اشياء صغيرة
عبير : يقول انتي خربتيني و علمتيني اتكلم في وجهه وما احترمه و .. و .. واشياء كثير
امل : قول وش خليت
عبير : لاتزعلين
امل : ازعل من مين من واحد معقد هذي مستحيل اخ لو اقدر اجيه
عبير : ليش وش راح تسوين
امل : الا قولي وش ما راح تسوين ان ما خليته يشوف عيوبه و يكره نفسه و اليوم الي انولد فيه ما اكون امول
عبير : امول و الله انتي تحسسيني انك تقدرين عليه
امل : تقدرين تقولين عندي اثباتات ضده
عبير : وشهي
امل : ما ادري بس لو بغيت اعرف اعرف
عبير : بليز حاولي ابي اشوفه لو يوم واحد يعاملني اخته يحبني مو يكرهني
امل : خلينا نمشي المحاضرة بدت
لما خلصو محاضراتهم وراحوا للبيت
امل : واو شكرا يا احلى واغلى اب في الدنيا وتبوس راسه
ابوها : المحمول مو احسن من المكتبي
امل : احسن بكثير تسلم لي ياغالي
ابوها : مبروك عليك
امل : الله يبارك فيك
ابوها : بس ما ابيك تنسين دروسك وتقابلين النت طول الوقت
امل : افى ما فيه شي يقدر يشغلني عن دروسي يا الغالي
ابوها : بتنامين ولا تتغدين معانا
امل : لا راح اتغدى معاكم انا ابي اروح ابدل واجلس عندك لين تجي الوالده
عبير تدخل وتسلم على خالتها ام امل : كيفك خالتي
ام امل : بخير انتي كيفك
عبير : بخير مادامني اشوفك انتي و امي واموله انا بالف خير
ام امل : و فيصل للحين ماتحبينه
عبير : انا كل يوم اسال امي اذا اهو اخوي ولا لا
ام امل و امها يضحكون
عبير : وانا صادقه لايكون بالمستشفى مبدلين و اخذنا فيصل بالغلط
ام امل : يا حليلك يا عبير
عبير : يمه سويله فحص الدي ان أي علشان يثبت اذا هو اخوي ولا لا
امها : حتى لو ما كان ولدي راح اخليه عندي ومستحيل اخليه يروح عن عيني انا مربيته وهو اخوك من الرضاعه
عبير : يعني ما فيه فكه منه اخوي اخوي
امها : اقول روح نامي انتي شكلك مانمتي زين اعرفها حالتك هذي
عبير : يالله انا ابي اروح انام علشان اذا جا وقت الغدا اصحى مو حنا بمعسكر لازم نقوم قبل لا اروح خالتي سلميلي على امل وقوليليها تمرني اليوم لا تنسى
ام امل : انتي ما شفتيها بالجامعه
عبير : الا شفتها بس ماشبعت منها يالله باي
وتطلع الغرفتها وتنام
لما جا العصر عبير تجهز نفسها علشان امل تبي تجيها
وامل تجهز نفسها علشان سلمى تبي تجيها وبعدها بتروح العبير
انتظرو الفصل الثاني