الله يبعد عننا المصايب ساعدوا صديقتي بمصيبة

السلام عليكم و رحمة الله و بركاته
بسم الله الرحمن الرحيم

اولا للتوضيح هذه مشكلة صديقتي و هي استشارتني و ما عرفت ارد عليها و حابة انكم تساعدوني عشان ارد عليها

مشكلة صديقتي عندها اخت في المتوسطة
وواحدة بالابتدائية نفترض اسم البنت ال بالمتوسطة سارة و الي بالابتدائيه

منقول من صديقتي و حكتب المشكلة بصياغة كانها هي الي تتكلم

((( جاتني علا و قالت لي ابغا اقولك سر قلتلها قولي قالت انه سارة عندها صاحب ولد قلتلها انتي متاكده ما يجوز انك تكذبي قالت لي ايوة لمن رحنا للسوق هي طلعت لدور المطاعم و لمن سالت قريبتنا نجود الي هي صحبت سارة بالعيلة قالتلي هي مع صاحبها فوق وانا كنت ابغا اطلع اصرخ لها بس خفت لاني صغيرة و لمن رجعت سارة قلتلها فين رحتي قالت كنت مع صحبتي فاطمة فوق و بعدها بكم يوم انا سالت فاطمة انتي رحتي يوم الاربعاء السوق و قابلتي سارة قالت فاطمة لا انا مرة ما رحت سوق الشهر هذا . قلتلها انتي متاكدة قالت علا ايوة متاكدة حتى هي بالمدرسة تطلع من بوابة ثانية بدين تجي من بوابة الابتدائي معايا و هي ما تتحجب كويس و كم مرة سمعتها تتكلم مع ولد بجوالها . و هذا كل الي سمعته من اختي و انا خايفة اقول لامي وابوي لانه امي توها تعافت من مرضها ايش اسوي انا خايفة يكون الحيوان هذا صور اختي او اذاها انا مو عارفة ايش اسوي و انا فكرت اني اروح المدرسة بدون ما تعرف و استنى عند بوابتها الي تطلع منها و هي المفروض ما تطلع من هالبوابة و اشوف الولد الحقير هذا بس اذا شفته ما اعرف ايش اسوي انا ما توقعت منها كل هذا لانها لسة طفلة و توها بلغت . كيف اعرف اذا صورها او شيء كيف خصوصا انه هي قابلته بالسوق و المصيبة انه امي كانت موجودة معاها بس ما درت عنها انه هي تسوي كل هذا اقولكم طفلة جسمها لسه جسم طفلة عمرها 13 رايحة ل 14 يطلع منها كل هذا انا خايفة اهجم عليها و اضربها و اعلمها انه الله حق خصوصا اني دايما انصحها و اقول ما يجوز في بنات يعملوا حركات مو كويسة يعني هي تعرف انه خطا يا جماعة اذا ما عرفتوا تنصحوني ادعولي ….)

و صديقتي تنتظر مساعدتكم و الله يبعد عنا و عنكم المصايب هي قالت لي ابلغها بنصايحكم و انا بالانتظار

اذن لازم تخبري امك او ابوك عنها

لانها لسى صغيره ويبغالها رقابه

الله يبعد عننا المصايب طفلة و تسوي كده و اكتشفت انه صحبت اختها و هي سنه سادس ابتدائي بس جسمها جسم بنات بالثانوي تقول انه صاحبها اشترى لها لبس من نعومي . طبعا انا لمن عرفت ضغطي انخفض كيف اذا صحبتي و المصيبة سادس