السلام عليكم
اعضاء المنتدى هذي اول مشاركة لي بالمنتدى واتمنى ماتردوني
ياجماعة ابي فزعتكم اي نصيحة اي توجيه يفيدني
انا امي مسحورة ((الله يكافيكم الشر))
صار لها 9 سنين
وتنقلت من مرض لمرض مافي شي ماعندها جلطة سكر ضغط قرحة ……الخ
وتعبنا واحنا نروح لماوعة هنا بالرياض وبرا الرياض يا اخواني والله
ماندري وش صاير علينا كل شي انقلب 180 درجة في بيتنا
ابوي سوى حادث وكسر 3 فقرات بالظهر
اختي الصغيرة وهي الي حارقة قلبي والله لانها طفلة مو زي اول ماقامت تعرف تتكلم او حتى تركب جملة مفهومة
اختي الكبيرة في اخر اختبار واخر سنة لها وتتخرج من الجامعة جالها مرض التيفوئيد وماختبرت الجامعة رافضة بطريقة غريبة انهم يعيدونلها الاختبار
انا حالتي صعبة بطريقة والله موقادرة اوصفها
تعبت وانا اشوف اهلي يتعذبو قدامي والنفسية زفت رجوت واملي في الله ثم انتم
شورو علي سمعت عن الدكتورة نجلاء فهد بمركز النخبة بالرياض
هي فعلا ممتازة؟؟؟
ياجماعة ارجوكم الموضوع مايحتمل مجاملات ابغى توصلوني بافضل شيخ رقية شرعية وطبيبة نفسية بالرياض
الله يرزقكم الحال اصعب من ما انتو متخيلين وتعرفون الكلمات عمرها ماتعبر
انتظركم ارجوووكم
حسبي الله ونعم الوكيل
والله ماني من اهل الرياض ان شاء الله البنات يساعدونك
قال الرسولنا الكريم (( من اللتزم الاستغفار جعل الله لة مع كل ضيق مخرج ورزقة من حيث لا يحتسب ))
استغفر الله العظيم الذي لاالة الاهو الحي القيوم واتوب الية
الله يفرج همك ياقلبي
فيه شيخ بس بشمال المملكه بالطبرجل
واذا ماتقدرين عليك بقراءة سورة البقره كامله
والرقيه الشرعيه في ماء زمزم
وتخلين المريض يشرب منها كل يوم
لمدة اربعين يوم
وتقراءين على المريض سورة البقره
اذا تضايق وبدء بالتقيءهذي بشاره بازالة السحر شوي شوي
ولازمي الاستغفار الف مره او اكثروبعد كل استغفار ابدي ادعي
ان هالمصيبه تنفك ودواومي صلاة الليل بالثلث الاخير من الساعه 2
الى اذان الفجر
صدقيني راح تنزاح عنك هالهموم الى الابد
جربي لمدة شهر بس وشوفي واستمري بالقراءه
اللهم اكشف عنها واجرها يارب العالمين
الله يرفع عنك حبيبتي ويشفي مرضاك
وبالتوفيق انشالله
واسمعي كلام اختي الجديده والمميزه
والله يكون بعونكم
والله الود ودي اسساعدكم بس مابيدي شي
غير اني ادعيلكم
..,‘
الله يكفيكم شر المرض ان شالله
انا بسووي اللى قلتو عليه بس امنتك الله
ادعولي
وانتظر حد يدلني على شيخ بالرياض
مشكوووورين
حبيبتي جربي رقية الشيخ عادل المقبل وانشاء الله تفيد
جيبي ماء زمزم وزيت زيتون وعسل واقري فيه سورة البقره كامله وبتدبر وسورة الفاتحه ثلاث مرات وسورة الفلق ثلاث مرات وسورة الناس ثلاث مرات وسورة الإخلاص ثلاث مرات وايه الكرسي
وتدهن بالزيت عند النوم
وبالصباح تسبح وتنظف جسمها من الزيت وبعدين تأخذ كوب فيه ماء زمزم وتصبه في طشت وتحط عليه ماء عادي وتسبح فيه
وبعدين تشرب كوب ماء فيه ملعقتين عسل وتخلطهم و تشربه على الريق و نفس الطريقه قبل النوم
وتستمر بالدهن و شرب العسل ثلاث ايام