الي تبي شعرها مايخرب بعد الاستشوار تدخل ولاتتردد اعتني بشعرك

مرحبا::

بدخل لكم في الموضوع مباشرة:

أنا شعري جاف جدا و صبغته للعيد يعني راح يجف أكثر ، و كنت أطول في الاستشوار و حتى كلها كم ساعة الا وهو خربان ، فأنا سألت الكوافير اللي دايما أتعامل معها وشلون أعتني به و كيف أستشوره خاصة اني قصيت فروالة على طويل ..
فقالت لي: أبتعدي عن الزيوت اللي لونها غامق لانها قوية على الشعر و راح تغمق الصبغة في نفس الوقت على فكرة أنا صبغت أشقر غامق على خصل ثلجية و طالعة رووووعة و طبعا مع أستشوار الكوافير …

و قالت لي بعد: لا تحطين الزيت على شعرك مباشرة ترى يضره ما ينفعه أنتي أخلط الزيت مع حمام زيت كويس و حطيه على شعرك…

فكانت طريقتي:

المرحلة الاولى:
أغسل شعري بالشامبو و بعده البلسم ( أستخدم شامبو خاص بالشعر المصبوغ مرة كويس ) و لما ينشف شوي ، أخلط فنجان حمام زيت ( أستخدم بانويل بالقمح ) مع نصف فنجان زيت ( مخلط زيوت أخذتها من عندها ) ثم أحطه على كل شعري و ألبس القبعة البلاستيكية ثم أربط عليها شال و أتركه على شعري من ساعة الى ساعتين و اذا زادت مهوب مشكلة ، و بعدين تفكين و تغسلينه بالماء زين و بعدين خليه ينشف الى ان يصير مندي بس ثم أجمعه كله على قدام و أربطه بمطاط ثم أقسمه قسمين من اليمين و اليسار و أثبت كل جهة ببنس و أحط عليه ربطة شعر الى أن ينشف تمام …

المرحلة الثانية:
اذا كنتي بتطلعين نجي لمرحلة الاستشوار و لازم يكون في اليوم الثاني ( يعني المرحلة الاولي قبل طلعتك بيوم ) أفكه و أقسم الغره من قدام و الشعر من وراء ثم أمسك الغرة و أقسمها نصفين و أستشور كل قسم طبعا بعد ما أبلله بالماء و ألفه على لفافتين يعني قدام راح يكون عندك أربع لفافات و من وراء بعد أقسم قسمين و أستشور كل قسم و الفه على ثلاث لفافات ( طبعا حسب حجم شعرك )
الى أن تنتهين ، و انا كنت أحط كريم على خفيف على أطراف الشعر ( أستخدم كريم 21 ممتاز للشعر )

و هكذا الى ان تنتهين من الشعر كله .. و أتركيه الى أن تخلصين من مكياجك و فكي اللفافات …

بصراحة شعري طلع يجنن و جلس الى أن غسلته حلو على حاله ، مهوب مثل أول يخرب و السهرة توها في بدايتها….

هذي طريقتي اللي أعتمدتها لشعري أن شاء الله ،، حبيت أنقلها لكم و يارب تنفع معكم مثل ما نفعت معي ، بس ترى اللي شعرها يزيت يعني دهني ما أعتقد ينفع معها.