السلام عليكم ورحمة الله وبركاته
يابنات شوفولي حل اكتب الموضوع وانا ابكي قسم بالله مو قادره اتحمل بموت شبعت قهر
بخش في الموضوع ..
انا تطلقت من زوجي قبل ثلاثة اشهر بسبب انه ماجازت لي اطباعه ولا تصرفاته الشينه ، الزبده زوجة اخوي هي اخت (طليقي) ، ياجماعه من يوم كنت عند اخوها وهي تتدخل بينا وتسوي مشاكل ويا ليت ارتحت من مشاكلها بعد طلاقي لا بالعكس تدرون اش تسوي ؟ من عرفتها
تقلدني بكل شي وتذمني ذم ومن غير مااطلب رايها في شيء تسوي زي الي اسويه بس بعد مااشبع من الذم ، وتفرح علي وتشمت فيني لما اكون مقهوره ولا متخانقه مع اخوها ، تكره لي الخير والفرح اقسم بالله
والطامه ان حتى اخوي غيرته علي حسبي الله ونعم الوكيل صار يشتمني عشانها وحاول كذا مره يضربني عشان ترضى وهي الغلطانه ، ياجماعه ماادري وش اسميه ذا، وبعد طلاقي بانت اكثر على حقيقتها وجالسه تبغى تقهرني ان عندها زوجها ومبسوطه معاه طيب واخوي يعايرني على طلاقي انا مااتكلم معه لكن لو يكلمني يجلس يدافع عنها دائما ولا مره وقف معي ابدااااا
ياجماعه عندها سياسه كل ماابتعدت عنها تجي لعندي وتسوي لي مشاكل وحتى عند الطلاق عسرت علي طلاقي من المشاكل الي كانت تسويها بين العائلتين توصل لهم كلام ماحصل ابدا ، انا الآن مااحتك فيها بس هي تبغى تكلمني وانا يجي اكثر من عشر مرات اتكلم معها وتسوي لي مشاكل مع اخوي واهلي وهي الآن تبغى تكلمني وانا ودي احرجها اقهرها وماابغاها تكلمي لأني عارفه انها مابتطول بتفرغ سمها المتراكم علي بالمشاكل بس لسه ماتصرفت أي تصرف اشاوركم افضل ممكن عندكم حل افضل ولا طريقة افضل تبعدها عني وتنساني للأبد
طيب ياجماعه هي الان متزوجه ومبسوطه من زوجها وعندها طفل وانا ماعندي أي شي ليه تبغى تضايقني وتقهرني ؟
وش راح تكون ردة فعلها لو تزوجت ثاني ؟
افيدوني ترا ماعدت استحمل وربي خسرني اخوي وخسرته عشان وحده ماتسوى
تزعجني تصرفاتها واحس انها ماتبغاني اضحك ابدا ، تخليو وضعي كيف
وربي ماعمري غلطت بحقها عارفه نفسي ليه تتصرف معي هالتصرف هل هي طبيعيه لو شفتو كيف تعاملني بكل وقت قسم بالله تحتقرني لييييييييييييه ؟ وش تبي توصل له بالضبط ؟
وش الحل ياجماعه ؟
راح ينفجر عندي القولون انقذوني اشياء غريبه اشوفها فيها ماعمري شفت ناس كذا 
ومن هالكلام ون شاء الله يلين ويرجع مثل اول احسن
الله يبعد شرها عنك ويعوضك عن طليقك الافضل و الاصلح
وبصراحه حاسه فيك مررره ي ختي الله يعينك عليها لو اني بمكانك صدقيني يااني اطنشهااا واحقرهاا او اوضح لها اني مبسوطه وماهمني واضحك واعيش حياتي صدقيني بكذا راح تنقهر بس اهم شي انكك تطنشينهاا
واذا خطبك واحد ثاني اكيد بتنقهر
ان شاءالله ربي يعوضك بالرجل الصالح ويفرج همك