السلام عليكم ورحمة الله وبركاته
شخباركم بنات ؟
طيب ابد بمشكلتي وياليت اشوف ارائكم الضروريه بالنسبه لي
انا اكتب بمنتديات واشارك وكذا
والمهم ضفت موسس المنتدا الراعي للمنتدا
عندي بالمسن عشان اذا احتجت له بخصوص المنتدا
وكنا نسسولف نادرا يعنى بخصوص المنتدا
واذا خرجت السوالف خارج اطار المنتدا
تكون سوالف عاديه ومحترمه ..
المهم بعد سنتين دخل وكلمني وقالي
انا بخطبك وكذا وانا احبك وانتي مو حاسه
وخصوصا انا احنا من ديره واحده (من قريه وحده )
انا استنكرت الامر ولا عجبني ولا حتى تخليته
طيب اقولكم موصفاتي انا بنت جامعيه عمري 22
وهو عمره 31 وعنده عيال ثلاث ومتزوج
وانا لي سكن واهي سكن ولها يومين وانا خمسه ايام
واليومين الي عندها اروح بيت هلي انا وكل
وحده بيعزلنا بمنطقه ثانيه ويقول انه مراح يقصر على الثنتين
وخصوصا انه غني ويحب السفر والمرح والتمشيه
يعنى انا ماحسيت من محادثه الي بمسنجر الي قبل انه يحبني
بس مادري ليه الحين يقول يحبني انا خايفه ومش عارفه
كيف اقرر ..
يعنى في مشاكل وايد بخيالي يعنى 1 انا خايفه ان اهله
مايتقبلوني خصوصا اني انا اسمع انه زوزوجته طيبه
وعاشوا معها اكثر من 5 سنوات اكيد راح يكرهوني
واهلي انا مراح يتقبلون اني اتزوج واحد متزوج لان
انا ماينقصني شيء والحمد لله وبنت صغيره ليه
يحدني اتزوج واحد متزوج وعنده عيال وانا بنت
جامعيه ليه يعنى وانزين انا صج كلمته ع المسن لكن بأدب
وماتتعدى سوالفنا المنتدى وبأدب اخاف لاتزوجته بكرا
يشك فيني ويقول انتي كلممتيني وبتكلميني غيري
وانا غيوره بعد قلت له قالي
( راح تتعودين على الوضع مع الايام )
قلت له اخاف من كلام الناس ليه متزوجه واحد م
تزوج اخاف يطلعون علي اشاعات قال وش
علينا منهم انتي مالك دخل في احد وانا بعزك وبكرمك
ومحتاره كل ماقوله شيء يقنعني بكلام ثاني
ويم سألته ليه متزوج على الاولى قال ماقصرت بشيء
…والحين يبى يعرف اسمي وانا متخوفه ان في
بعض الشباب يقولك بيخطب بعدين يروح يشهر فيك انا قليله
ادب وبالاسم وانا خايفه مادري وش نيته والله واهو يقسم
انه صادق وهذا السالفه كامله انتم نصوحني انتوا
شاغلتني ذا السالفه واحس اني مو عارفه افكر فيها
مادري ليه اقلقتني لكن ماعرفت شنو الحل ولا توصلت لقرار
معين انتوا ساعدوني بنات عندكم تجارب اكيد لا تحرموني
منها انا بنتضركم
ومتاكده انكم بتساعدوني .. تحياتي ..
هو متزوج وعنده حياته وانتِ بأسلوبك خليتيه يتعلق فيكِ بدون ماتقصدي
نصيحتي لكِ ابتعدي عن حياته واتركيه لأنك بسن صغيره وان شاء الله ربي بيرزقك الشاب اللي بيكون لكِ انتِ وبس
موفقه حبيبتي
خليك اكبرمن كذه الله يسعدك
اني لكي ناااااصح امين والحين احذفيه كلش وانسي ابووه معاه والله رجال اخر زمن بيستمتع بك ومو سائل عن مستقبلك والله لاني احبك انصحك من اعماق قلبي لكي ودي ياقمر
لا تتسرعين
فكري بعققل
وش ذنبها الاولى تخربين بيتها عشان تعمرين بيتك اللي يمكن مايطول وينهد فوق راسك وراس اهلك وتصرين مطلقة اصحوا ترا المتزوجين تجيهم فترة تكون نزوة ويندم عليها ويرجع لزوجته وام عياله
وانتي توك صغيرة ما فاتك سن الزواج وبيجيك نصيبك اذا الله كاتبه لاتستعجلين
واكيد ياحبيبتي مثل ماخان الاولى وهي ام عيالوا والي بشهادته انها ماهي مقصره معاه اكيد راح يخونك
ووحد مثله مالوا امان لانه خان ام عيالوا معاكي وهو ماعمره شافك بس كلمتيه وباعاها فمليون في الميه
راح يرميك ويخونك
ونصيحه لا ترضين بازواج
وحطي نفسك مكانها اسالك بالله اتخيلي نفسك مكانها وشوفي اش احساسك
واتاكدي انها راح تدعي عليك ليل ونهار هذا طبعا اذا كان صادق ماهو لعاب