السلام عليكم.. كيف حالكم حبيباتي؟
تتذكرون قبل شهر تقريبا حكيت لكم قصة حملي المحيره.. كان يطلع بتحليل الدم والبول حامل وبالأشعه الرحم فاضي مافيه كيس حمل..سمعت كلامكم وغيرت الدكتوره..توجهت لمستشفى بدون ذكر الأسم حسبي الله عليهم ونعم الوكيل..تنومت عندهم أسبوعين تحت الملاحظه..يراقبون التطور بالحمل.. تخيلو أسبوعين سحب دم كل يومين وقياس ضغط كل ساعه وإشعه كل يوم وكشف من تحت وآلام وكله بدون فايده..كل يوم تشخيص مره حمل خارج الرحم..ومره احتمال أجهضت..ومره احتمال يكون حمل صغير بدري عليه يوضح بالأشعه….والخ……. بالأخير من الفراغ والطفش الزايد إشتغلت مربيه عندالحريم اللي يولدو بنفس الغرفه اللي أنا فيها هذا بيبي أشيله وهذا أنيمه والثاني أعطيه الرضعه
طفشت وقررت الخروج على مسؤوليتي للبيت وبعدها بكم يوم صار عندي آلام فجأه بالبطن والظهر المره ذي قررت أروح مستشفى محترم وفعلا رحت لمستشفى دله وشخصو حالتي بنفس اليوم ( حمل خارج الرحم ) وسويت عمليه باليوم الثاني استخرجو فيها الكيس من قناة فالوب.. الحمدلله لي أسبوع الحين من سويت العمليه أكيد فيه آلام قويه بعد العمليه لكن إرتحت من هم مايعلم فيه غير رب العالمين.. بنات من أهم أسباب الحمل خارج الرحم بعد الله اللولب وأنا فعلا كنت مركبه لولب..تمنياتي للجميع بالحمل السليم ولي برضو أدعو لي بنات..آسفه للإطاله بس حبيت يكون عندكم خلفيه وأول ماتحمل أي وحده فيكم تكشف وتتأكد من حملها سليم..
والله يعوضك خير
…