سلللللام عليكم اخواتي الحبيبات
والله حبيت اني انقل لكم هالحكايتين اللي قريتهم في النت …
و بهديها طبعا لكل وحدة تعاني بهالمنتدى من مشكل االعقم او تاخر الانجاب ….
هالقصتين شفت فيهم معجزة الخالق بعد ما قال الاطباء مستحيل يحصل حمل في هذا الشهر بس ربنا لما اراد انو هالشهر بالذاااات يحدث حمل خلاه يصير رغم استحالة الامر في نظر الاطباء ..
عشان كل وحدة عندها انسداد او تبويض ضعيييييف او حتى معدوووووووووووووووم ما تقول ابداااا انو هالشهر ما عندي بويضة معناه اكيد مفيش حمل !!!! لا .. رحمة ربك و قدرته و اعجازه اكبر من كل شيء ..
فمع الله حسابات اخرى تمااااما لا نعلمها نحن ..
فلا تجعلو حسابات الاطباء هي العليا .. و تيقنو ان هناك مدبر عليم يخفي عنا اسرارا لا يجب ان نعلمها في الوقت الحاظر لحكمة ما ..
ماذا يعني لما يقول الطبيب ان الانبوب فيها التصاق يمنع خروج البويضة للرحم و بعدييييييين ربنا يخليها تخرج و تعشش ..طيب من ويييين خرجت ؟؟؟ هذا هو تساؤل الطبيب و هو في دهشة من امره .. و لكن ذاااااااااااااااااااالك هو الله .
القصة الاولى
انا اتاخرت ف الحمل ..بس الحمدلله رب العالمين مطولتش بعد سنة و3 شهور من زواجى تجارب وصبغة وتحاليل وتنشيط الحمدلله رزقت بابنى ..ربنا يحفظة ويرزق كل مشتاقة اللهم اميين….بعد ماابنى تم السنتين ونص ..اهلى واهل زوجى اشتغلوا كلام ..وانى ابدأ ادور لانى بغيب على مابحمل ..يعنى ابدا ووقت ماتيجى تيجى ..تيجى بعد سنة ..بعد اتنين ..بعد 10….المهم انى فعلا روحت للدكتور اللى كنت متابعة معاة واللى كان سبب فى انى حملت باذن الله واخدت معايا الروشتات اللى فيها الكورس اللى اخدتة وقت ماحصل الحمل ..وكنت باخد منظم للبريود وروحتلة او يوم البريود ع اساس انى ابدا كورس تنشيط ع طوول (نسيت اقولكم انى قبل مااروح ببطبيب وبعد مرمطة الدكاترة وانا بدور ع الحمل اول مرة كنت عزمت انى مش هروح لطبيب تانى ..وانى هلتزم بالاستغفار وقيام الليل ,,,وقولت لنفسى يابنتى لو ليكى نصيب هييجى ف الوقت اللى ربنا شايفة مناسب ليكى ..والله يعلم وانتم لا تعلمون ..المهم قعدت فترة اصلى قيام ليل وادعى ربنا واستغفر وجييت بعدها تدريجيا كسلت وقعدت وقولت لنفس روحى للطبيب ودة بردوة اخذ بالاسباب ..بس كنت خايفة…وكنت بقول لنفسى لو كان ربنا رايدلك انك تحملى كنت هتحملى ..مش الطبيب اللى هيخليكى تحملى دة ربنا ..بس قولت لنفسى انا باخد بالاسباب ليس الا" ..مش هطول عليكم
روحت للدكتور ..قدر الله ..قابلت صاحبتى الانتيم (كانت وقتها متجوزة بقالها 8 شهور …وكانت بتدور ع الحمل من اول شهر واخذت جرعات تنشيط متفاوتة على مدار ال8 شهور )المهم الدكتور قالها اعملى اشعة صبغة …عملت اشعة صبغة ..لاقت ان الرحم بتاعها ..اسمة " الرحم ذو القرنين" …اللى فهمتة ان حالة الرحم دة بيحتاج ربط ف الشهر التالت من الحمل منعا لحدوث اجهاض متكرر ..
وبعد ماعملت الصبغة الدكتور قالها ..لازم تعمل اشعة ثلاثية الابعاد علشان يعرف اذا كان فى حاجة اسمها" حاجز" ولا لا ..لان الحاجز بيمنع حدوث الحمل اصلا ..البويض مش بتعدى منة علشان تعشش ف الرحم بعد التلقيح …المهم ..قدر الله انها تعمل الاشعة ويطلع عندها حاااجز
الدكتور قالها الحاجز لازم يتشاال ..بمنظار …وقالها انها عملية بسيطة …وبعد كدة هتاخد تنشيط ..لان التبويض عندها ضعيييف جداااا ..استحالة يحصل معاة حمل .
صاحبتى قالت انها مش هتستعجل بالعملية وهتاخد راى طبيب واتنين الاول ..واذا ايدوا موضوع العملية هتروح تعملها ..
وبالاخص كانت منتظرة تاخد راى طبيب مشهور ف اسكندرية انا مش متذكرة اسمة ..بس هو حد شااطر جدااا …اسمة ..غرييب ..يشبة اسماء الاتراك ..
انا ..بقة خلال الفترة دى …روحت للدكتور ..واخدت كورس تنشيط محترم ..ودفعت فية مبلغ وقدرة …البويضات كانت بتكبر ببطء جدااا ..بس الحمدلله بعد عناء كبرت بويضتين ..ومشينا ع التعليمات …وحقت التفجير وايام الجماع ..والحوار دة كللللة ….وجة اليوم الموعووووود ..والحمدلله مطلعتش حاامل ..ونزلت البريود …حوار العلاج ..الحمدلله رب العالمين عدى ال2017 جنية …والحمدلله بدون مقابل وبدون اى نتيجة …
نرجع لصاحبتى اتصلت بيها تقريبا من اسبوع بالظبط ..باطمن عليها و..وعلشان اعرف هى عملت العملية ولا لا ..قالتلى انها راحت للطبيب المشور دة الشهر اللى فات ..واكدلها انها لاااااااااااااازم تشيل الحواجز دى ..وعملت تحليل هرمونات ..قالها تبويضك ضعيف جداااا ولابد من تنشيط بعد العملية ..هى كانت رايحة له وقت البريود الشهر اللى فات ..المهم قالها لما تيجى البريود الشهر الجاى تتصل بيه علشان يحجزلها ف المستشفى وتعمل العملية …..
وتنتظر صاحبتى البريود تنزل …متنزلش …غابت اربع ايام …راحت للدكتور اللى كانت متابعة معاة ف الاول ..قالها اكيد انتى قلقانة علشان كدة منزلتش ..راحت صاحبتى عملت تحليل حمل ف البول
لاقت نفسها حااامل يابنات ….تخيللوا ….عندها حاجز ف الرحم …وتبويضها ف الشهر دة كان ضعيف جدااااااااااااااااااااااااااااااااااااااا بتقولى تحليل الهرمون اللى عملتة كان 75,يعنى مجابش واحد صحيح ….طبعا الطبيب مكانش مصدق …قالها اعمليلى تحليل دم ..عملتة طلع ايجاابى
ماشاااااااااااااء الله ..اللهم بااارك …نسيت اقولكم اهم جزئية " لما قابلت صاحبتى عند الدكتور اللى انا بتابع معاة ..كانت معاها مامتها ..مامتها قالت لنا ..انتوا تاعبين نفسكم بنفسكم ..والله يابنتى ربنا لو رايدلكم تحملوا هتحملوا من غير ..اى حاجة ..سيبكم من الكلام دة …ولا ذو القرنين ولا كلام فااضى …"
وفعلا والله صدقت …وصدق كلامها …انا روحت للطبيب وحصل تبويض ..وكانوا بويضتين ..وحصل جماع ف الوقت المحدد …وكل التعليمات نفذتها بالحرف الواحد …بس محصلش حمل ….علشان لسة …ربنا مش رايدلى انى احمل دلوقت ….لو كان شايفة خير ليا ..كان زمانى حملت ..ايام ماكنت ملتزمة بورد الاستغفار ..وورد القيام …ا
وسبحان الله العظيم ..صاحبتى مع كل المشاكل اللى عندها …ربنا اكرمها بالحمل ..سبحانة الوهاب العظيم …اذا اراد شيئا فيقول له كن فيكون …
معلش انا عارفة انى طولت عليكم ..بس قولت اقولكم حكاية ..خصوصا اخواتى حبيباتى اللى لسة مخلفوش خااالص ..اسأل الله العظيم ان يقر اعينكم برؤية ذرياتكم سالمين معافين عاجلا غير اجلا اللهم اميين …
اسألكم بالله تدعوا لصاحبتى ربنا يتم عليها بخير …ويقرعينها بذرية صالحة سليمة معافاة بلازيادة ولا نقصان ..ولكم بالمثل ان شاء الله
انا متجوزة من 10 شهور تقريبا وطبعاااااا مروا عليا 10 سنين فيما يخص الحمل وتاخر الانجاب وده طبعا بسبب الضغط الخارجى وقلق الانتظار والشوق الى الامومه
بدات رحلة العلاج بعد شهرين ونص من الزواج .. رحت طبعا لدكتورة ست علشان برده زى كل الستات جوزى ماكنش موافق بدكتور
وطبعا لانى كنت بدرس وفى كليه عمليه زى الهندسه وبرده لانى كنت عروسه فالدكتوره ماكنتش متحمسه اوووووى لموضوع العلاج والمتابعة
وكتبتلى علاج للالتهابات وقالتلى انى عندى قرحه ___ وانا مهتمتش____ ودى اول غلطة
بعد كده رحت رحت لدكتوره تانيه ( الغلطة التانية) … بعد اربع شهور زواج لانى كان عندى املاح وصديد والم اسفل البطن وتابعت معاها شهرين لم استفد شيىء حتى ماكلفت نفسها تعمل سونار مره واحده …. وطبعااااااااا سيبتها
بعد شهر بالظبط (خامس شهر زواج) رحت لدكتور تالته ههههههههه ( ودى بقى الغلطة التالتة ) اصل انا مقتنعه ان الدكاتره الستات الا من رحم ربى دول اكبر غلطة فى حياتنا …..
المهم رجتلها وهى بصراحة بشووووشه وحبوبه جدااااا وصديقتى على المستوى الشخصى … كشفت نسا وقالتلى انى عندى قرحة جايز تكون هى اللى ماخره الحمل وكتبت لبوس وغسول .. وبصراحة انا المره دى التزمت واخدتهم والحمدلله اتحسنت .. بس هى وكانها ماصدقت بقيت كل ماروحلها تقولى التهابات التهابات
طبعاااااااااااااا فى غلطه كبييييييييييييره (رابعه) انا ارتكبتها فى حق نفسى وربنا يسامحهم التلاته الدكاتره .. مافيش ولا واحده طلبت تحاليلى
انا اللى رحت عملتها من نفسى ورحت بيها فيييييييين ؟؟
رحت للدكتوره الاولانيه لانها تعتبر اشطرهم بس طبعاااا كنت وريتهم لتالته الاول وقالتى انهم فوق الممتازين وللاسف انا بثق فيكم جداااااا فجيت وريتكم التحاليل وقولتولى ان عندى تكيسااااااااااااااااااااااااااااااات ….. طبعا لما عتبت على الدكتورة التلته اللى هى صديقتى قالتلى ان والدتها كانت فى العناية المركزة وماكنتش مركزة وده للاسف اكبر عيب للدكاتره الستات انهم مابيعرفوش يفصلوا
ودى نتيجة تحاليلى ياحبيباتى
f.s.h 7.1
l.h 13.6
prolactin 5.9
واااااااااااضح طبعاااا من التحاليل ان الاخت متكيسه هههههه
المهم رحت للدكتوره الاولى وريتها تحاليلى وعملت سونار مهبلى واتاكدت من التكيسات وكتبتلى على سيدوفاج ( حبيب الملايين) ههههههه ودوفاستون علشان ينظم الدوره
واللى حصل ان الدوفاستون نزلى الدوره بدرررررررى عن معادها وكانت غزيره جداااااااا
بعد كده انا كنت طبعااااااااااا ياست من الادويه ومن الدكاتره رغم ان رحلتى تعتبر قصيره مقارنة بناس كتييييييييرمنكم
نسيت اقولكم حاجة صحيح ..
حااالى فى الفتره مايختلفش كتير عنكم .. كنت طبعا كل شهر بعمل الاختبار واتعشم واحس باعراض الحمل ولما كانت تتاخر اوووووى كنت بحلل دم وطبعااااااااااا نيجاتف كالعاده
اخر مرحلة بقى ويمكن دى كانت اول مرحلة صح خلال فتره البحث عن حمل
رحت اخيــــــــــــــــــــــــــــــــرااااااااا لدكتور راجل كل اللى راحله شكر فيه الا انا هههههههه
رحتله علشان متابعة التبويض وطبعااااا انا كنت مستمره ع السيدوفاج بانتظام
فى الشهر اللى رحت للدكتور فيه قعدت مع زوجى قعدت صفا كده وقلتله انا مقتنعه تماما ان الحمل رزق والرزق بايد ربنا بس الطب والدواء ده اخذ بالاسباب بس انا لازم يبقى الاول لجوئى لرب الاسباب
بدات بقى صيام اتنين وخميس
واستغفار واتكى ع الاستغفااااااااااااااااااااار اوووووووووى
وقيام انا وزوجى
وصدقه
وقراءة البقرة
طبعااااااااااااااااااا زى ماتعلمت منكم
وايام البيريود …كنت بشرب كل يوم كوباية فيها معلقه بردقوش ومعلقة مرمريه ونص معلقة قرفه
وتوكلت على الله ورحت للدكتور ….. وهنا حدثت (((((( المعجــــــــــــــــــــــــــــــــزة)))))
ماتفرحوش اوى …ماطلعتش حاااامل ولا حاجة
بالعكس دا الدكتور احبطتنى جداااااااااااااااا بعد ماشاف تحاليلى طبعا عرف انى متكيسه وقعد يشخط فيا ويزعق .. انتى ازاى يا بنتى ساكتة كل ده المفروض التكيسات دى علاجها بيطول وبيوصل لست شهور … وكلام بقى دب دب دب لما كنت خلاااااااااص
المهم قالى اطلعى ع السوناااااااار …. كشف مهبلى طبعاااااا والحمدلله انى سيبت جوزى بره ودخلت مع صحبتى كان زمان الدكتور فى خبر كان ههههههههه
واثناء الكشف بقى حصل الاتى
كشف ع المبيض اليمين ووشه عامل كده ويبصلى ويقولى تؤ تؤ تؤ المبيض اليمين مدمر من التكيسااااااات .. مليااااااان تكيسات صغيرة اه بس كتيره ….طب نشوف الشمال كده تؤ تؤ تؤ مدمر خاااااااااااااااااااالص هو كمان هو اى نعم احسن من اليمين بس للاسف مش نافع
صحبتى بتساله يادكتور يعنى مافيش تبويض الشهر ده …قالها الكلمة اللى عمرى ماهنساها فى حياتى ((( انا مش لاقى عندها بويضة نضيفة اديها بيها امل ))) هههههههههههههه
وكان ربنا انطقه بالكلام الجاف والمؤلم ده علشان سببين
الاول : انى اتاكد يقينا انى ماليش غير ربنا وان ربنا الشافى ووقت مايقول للشيىء كن فيكون …. فعلا والله يابنات
التانى: ان بكلام الدكتور ده شيلت التفكير فى موضوع الحمل ده من باااااااااالى نهائى ع الاقل الشهر ده ودى الحاجة اللى كان نفسى فيهااااا وكل الناس كانت بتنصحنى بيها
المهم انتهت زيارتى عندى الدكتور المحبط ده بانى هاستمر ع السيدوفاج واروحله تاااااانى يوم الدورة الجاية اللى هى ماجيتش الحمدلله علشان نبدا ناخد كورس منشطااااااااااااااااااااااااااات
ولما روحت البيت اتجهت الى الله بالدعاااااء والحيت عليه انه يرى الطبيب فى آآآآآآآآآآآآآآيه ومعجزة والحمدلله قد كان … وقولتله ياااااارب اغلق الطبيب فى وجهى الباب وباب رحمتك وكرمك لايغلق يااااااااااارب فرح قلبى بخبر حملى الشهر ده وخيب ظنى وظن الطبيب والحمدلله قدكان
قعدت بقى مستنيه البيريود لحد ما عدى عليها 40 يوم وانا مش راضية احلل مانا فقدت الامل الا بالله ورحت دريم بارك ههههههه ويوم شم النسيم رحت الارض عند جدو وركبت حصان وحمار وجرى وتنطيط ماانا مش حامل بقى ويشاء السميع العليم انى احلل بعد 40 يوم واشوف الخطين منوريين الدنيا …
~~~~~~~~~~~~~~~
همسه :
بنات احنا في ايام مباركة
ايام شعبان
و كمان داخلين على رمضان
فيها كل الخير و البركة و الرحمة
استغلوا هاته الايام
قدمو فيها لله خير الاعمال
و انتظروا منه خير الجزاء
انصحكم بصيام ايام من شعبان
فدعوة الصائم ما ادراك ما دعوة الصائم
لا ترد باذن الله تعالى خاااصة في ايام كهذه ..
اقولكم شعبان مبارك عليكم
و رمضان كريم و صيام مقبول ان شاء الله
تقبل الله منا و منكم صالح الاعمال و ازكاها
دمتم بخير و صحة و في طاعة الله .
فالمهم ان تجدو الراحة بعد قراءتها
و تتذكروا ان الله معكم دوما
رحمة الله وارادته فوق كل شيء امره بين الكاف والنون الحمدلله على كل حال
جزاكي الله كل خير اختي زوجة
كما صليت على ابراهيم و على ال ابراهيم
و بارك على محمد و على ال محمد
كما باركت على ابراهيم و على ال ابراهيم
العالمين انك حميد مجيد
