السلام عليكم وصباحكم معطر بالفل والورد والياسمين
باذن الله وبعد عناء طويل نزلت مجموعتي الخاصة من القصص القصير والي فيها احكام
ونزلت كمان رواية وقبلوها انا بتمنى التهاني
بس انا مانزلت موضوعي علشان هيك
اليوم حابة كل وحدة بالمنتدى تصير تعرف تكتب وتالف قصص وروايات وانا رح اعلمكم
بسم الله نبدا
اولا
الكتابة تنقسم لقسمين الرواية والقصة فمثلا هون انا رح اختار القصة عشانها اسرع
ثانيا
نحط فكرة مثل كان في قديم الزمان ارنب يحب الجزر كثيرا وذات يوم شعر بحزن شديد
يعني احنى جبنا بالفكر انو بيحب كتير الجزر وهاي معلومة وفي يوم زعل كتير ليش
بنحط سبب يمنع الارنب من اكل الجزر
لهون فاهمين
ثالثا
منبلش نتخيل شو عمل هاد الارنب وشو عمل بعد ما عرف انو مافي جزر وشو الحل وطبعا منستخدم تعابير حلوة متل مثلا الارنب الشقي المشاغب ممكن نستخدم المغرور الاناني يعني منحال قد مافينا ندخل صفات لكل شي علشان هاي قصة للاولاد الصغار ولازم يستفيدو منها
الرواية
يا صبايا الرواية مستحيل انتو تكتبوها كل الروايات حقيقة يلي منقراها لذلك لاتحاولو يعني دتكون هي قصة حقيقية صارت معكم بتكتبوها اوكي انا رح اعطيكم امثال مثلا رواية القنديل الصغير من تاليف غسان كنفاني ومين ما بيعرف غسان كنفاني هو كتبها من قصتو وقصة غادة السمان اوكي
ومنكون هون وصلنا لاخر الموضوع اتمنى انكو تكونو استفدتو وتعلمتو منه اتمنى اذ عجبكم الموضوع تحطولي تقييم واذ لا اتمنى الاشارة الى ذلك في الرد
مع احر تحياتي
