بسم الله الرحمن الرحيم
السلام عليكم ورحمة الله وبركته
أرجو من الله كل وحده تدخل لموضوع تسعدني لو بدعوه صادقه بظهر الغيب ..
اخواتي انا حابيته اطرح مشكلتي اول حاجه انا متزوجه وانا والله تعب من كثر ه زوجي مايخوني أول حاجه كانت عنده علاقه مع وحده بعدين افترقوه وهو مازل يحبه ويكتب اشعار عنه قدامي وندمن على فراقه بنات ابغه اقول لكم بكل صراحه اني انا احبه واموووت فيه بس انا احسه مايحبني ولايهتم فيه والله تعبت نفسي وانا اللحين في بيت اهلى افكر بطلاق منه رغم هذه هو صراحه طيب بس انا ماني قدره اعيش معه انا نفسي يحبني ويحس في ويهتم في ويدلعني اللحين وربي يابنات انه نفسيتي تعبانه وانا طلعت من بيتي ولاحتي قال ارجعي واهلي يقولون هو طيب ورجل ولد الناس بس انتي منتي صبوره وهو صراحه يحب اهلي
ويحترمهم
بس احس اني متلخبطه أموري وماني عارفه ايش اسوي بنات تكفون ادعولي وربي انا اكتب لكم وقلبي يعورني وتعبانه
وطيب لو ابغه ارجع بيتي كيف ارجع بدون مايحس اني ضعيفه ..
وجزاكم ربي الف خير 
يارب في هذي الساعه تريح قلبي 
وحاولي انك ماتعطينه اي اهتمام وبكذا بيرجع لك ..
اختي حاولي معاه دامك تحبيه
تقدري انك تغيريه مع ادعاء وكثيرا من الصبر
راح تلقي النتيجة انت من اول خطوة استسلمت وقررت انك
تتراجعين هذي حياتك ومافي احد يقلك سبك منو او الحل الوحيد الطلاق عشان ترتحين
اعلمي اختي اننا في دار بلاء والله يحب المؤمن القوي خير من
المؤمن الضعيف واعلمي ايضا ان دنيا لم تصفو ولن تصفو لاحد
الدنيا تجارب لا تقولي اني حاولت بدون فايدة انت خذي بالاسباب
وتوكلي علي الله والحي بدعاء لان الله وحده القادر يهدي من يشاء ويضل من يشاء
وزوجك بشر خطا ..
واخيرا تقبلي مني ودي ولاتنسيني من طيب الدعاء
لكي ترجعي له طبعا لا تبيني انك ضعيفة امامه خلي اهلك يرجعوك يعني ابوك وامك
انتي قلتي انه يحترم اهلك ويحبهم يعني خلي ابوك وامه يكلموه ويقولوا له اننا احنا نعرف انك طيب وولد ناس ويمدحوه بس انت لازم تهتم اكثر بزوجتك وهي امانه نحطها بين ايديك
وبعد ما يروحوا بيني له انك زعلانة من خيانته ليك وانك رجعتي كرمال ابوك وامك والعشرة الي بينكم وقوليله خلينا نبدا من جديد وابسطيه
وادا كتب اشعار قدامك اسمحيلي هده قلة احترام لو انا مكانك اقطع الورق واحرقه
واثبتي شخصيتك يعني خيانة مو لهده الدرجة
والله يعينك
وانتي اثقلي لاتبينين انك ميته عليه ارجعي غيري في نفسك وفي معاملتك له
يعني اهتمي ببيتك وشكلك ولبسك وكلامك احترميه وكلميه بهدوء ولا تدققين على غلطاته
واذا شفتيه يكتب اشعار ولايرسل رسايل ناظري فيه كأنه ما عاد يهمك امره وان حبه في قلبك خف او مات
لان الحب يحتاج الى الاهتمام والرعاية وهو ولا سائل عنك لكن لاتقوليها بشكل مباشر خليها تلميح
ويبغالك صبر وطولت بال مو في يوم ولا يومين يبغالها يمكن شهور
يارب تستفيدي من رأئي واخيرا اتمنى انك تدعيلي بتفريج همي عاجل اقرب مما اتصور
شوفي ياحبيبتي انا اقولك وش تسوين الحين
بما انك الحين بيت اهلك حاولي تسترخي وتفكرين بعقلانيه ..لكن اول نقطه ابعديها عنك الطلاق
الطلاااااااق لاتفكرين فيه نهائيا لانه اخر حل ..
ثانيا خليك بيت اهلك لين يجي عندكم بيت اهلك وخليه يطلبك مره ومرتين وثلاث لاتطلعين له من اول مره
عشان يحس ان خيانته لك امر صعب عليك ويتعبك كثير..
لما خلاص يجي ثالث مره يبي يقابلك صلي ركعتين وادعي ان الله يحننه عليك ويسخره لك ويقويك
على المواجهه بكل ثقل ورزانه..
ادخلي وانتي قويه وبنفس الوقت لازم يبين بشكلك جرح الخيانه يعني مجروجه مو منكسره(اتمنى فهمتي قصدي)
اسكتي وخليه يقول كل اللي يبي يقوله وانتي ملتزمه الصمت لما يخلص كلامه..ابدئي انتي الكلام وامسكي نقطه نقطه ناقشيها معه واو نقطه تحطينها وتقولينها له
اسمع ياولد الناس قبل ما اقول اللي بخاطري خذ هالجمله بين قوسين كعنوان لنقاشي معك الان
(نقاشنا هذا حر كل واحد يقول اللي بخاطره واللي يبيه اتفقنا اوكي نرجع لبعض ما اتفقنا امساك بمعروف او تسريح بأحسان تبقى انت بيتك وانا عند اهلي)طبعا يا اختي الهدف من هالجمله عشان يحس انه ترك بقلبك جرح عميق وانك بديتي تفكري بجديه في حياتك معه ..
ثاني شيء عشان يحس ان موضوع الخيانه هو اللي راح يكون السبب الاول في تفريقكم ..
ومثل ماقلت لك يا اختي تكلمي معه نقطه نقطه مسألة انه كان متعلق في وحده ويكتب لها اشعار وخرابيط
ولا فكر في عمق الجرج تركه في قلبك من وراء هذا التصرف المراهق,,
وكملي نقاشك معه والله اذا وعدك وحلف بالقران انه يترك كل هالخرابيط عنه ويفتح معك صفحه جديده
الحمدلله صلى الله وبارك (حطي على حلف بالقران مليووووووون خط لازم بالقران) عشان العهد يكون بينه وبين ربه ويكون مسؤل فيه..
اما اذا حسيتي انه لما تقولين له احلف على القران وقام يلف ويدور ويبي ياكل بعقلك حلاوه معناها
انه مو ناوي يترك خرابيطه انهي النقاش وقولي خلاص انا مضطره اترك المجلس ويصير خير واطلعي
بعدها اكيد انتي بتتجهين للحل اللي تبينه
بس انا اتمنى بعد النقاش اللي قلت لك عليه تكتبين وش صار معك عشان نكمل معك كيف تتصرفين
الله يوفقك وييسر لك امورك ويسخر لك زوجك ويبعد عنه بنات الحرام
وترى الحياة يا اختي ماتخلى من هالاشياء واغلب الرجال فيهم هالصفه بس بصراحه زوجك بجرئه
لكن رب العالمين قادر يهديه ويصلحه ويرده لك ردا جميلا
ومع هذا كله لاتنسين يا اختي فضل الاستغفار وصلاة اخر الليل
ربي يوفقك ويستر عليك
وافيني بالجديد