يا جماعة طفرت من هالعيشة متى تخلص الإجازة صرت اكرها ما احبها والسبب اني ما اطلع مكان ولا اشوف الدنيا والعالم احس اني بسجن الكل يطلع ويستانس الا انا قهر والله قهر شو ذنبي عمري 23 سنة انا مابا ابا اطلع مولات او أتمشى على الأقل البحر او هالأماكن او المستشفى للعلاج والله أبوي مطلق امي من زماااان وعندي اخت اكبر عني متزوجة وانا الوحيدة فالبيت مع اخواني الأولاد وامي وما عندي شي أسويه والله تخيلو كنت أتردب على السواقة وكنت فرحانه اقول متى اخلص عشان ياخذولي سيارة واطلع واخلص اشغالي وأموري بس الحين كلمت سنة وعندي ليسن عالفاضي والله الي اصغر عني فالكلية كل وحدة عندها ليسن تسوق الا انا لييييش السبب مرت أبوي تمت تشيش أبوي على لين ما هون و قالي اذا تبي تسوقي خذي سيارة امج وامي ما تعطيني مب من كثر السيايير الي عندنا المهم لبست السالفة وما عاد افكر فيها قلت من اخلص دراسة بطلع لعمري موتر من معاشي فيه كان يوم الامتحان فالكلية والله خنقة ابا أغير جو متى تبدى الدراسة عشان اشوف البنات واطلع من البيت تخيلو فأيام الدراسة امي تقفل علي الباب الساعة 10 وفالاجازة قبل 12 طبعن عندي حمام بغرفتي وعندي تلفزيون بس والله لين متى بس اطالع التيلفزون والعب بالتليفون 😢انا مخطوبة لشخص يحبني وأهلي رفضوه فالبداية لكن عقب صريت عليهم وأبوي وافق بس شرط اخلص دراسه وباقيلي سنة الله يصبرني الملل يخليني انحرف استغفرالله غصب عني بس والله ما اسوي شي صالبة نفسي قبل كنت اطلع مع مرت أبوي الجم والسوق بس صارت مشاكل من شهور وما تطلع معاها الحين حتى بيت ربيعاتي ما أسير هم الي اييون عندي خلاص طفشت زهقت لو أكلمهم ماشي فايدة والله حتى رقاد مثل الناس ما انام كله تطالع السناب وربيعاتي يطلعو وانا لا 💔💔ونسيت أقلكم شي انا كله افكر بالموت احس لو مت بحسو فيني زهقت والله💔💔
العطلة مملة
استغفر الله العظيم بسسس
لكن اكسري الملل اللي تحسين فيه بتغيير في روتينج اليومي …
اقنعي امج او حد من اخوانج انج حابة تطلعين من البيت لو مشي وياها مب شرط تزورون احد مشي نص ساعة و ارجعو
الحين صيف و كل يوم والثاني فيه عرس ما شاء الله اذا احد عزمكم زني على اهلج و روحي غيري جو
و ممكن تسجلي بدورات و ساعتها بيضطرون يودونج
موفقة
استغفر الله العظيم الذي لا إله إلا هو الحي القيوم و أتوب إليه 
–
حَبيبتِي
حآولي تِستثمري هآلوَقت بأي شيء يِفيدكِ ، تعلمِي لُغه أو إحفظِي القُرآن ..
إجلِسي مع أهلكِ ، تَقربي من أمكِ بآلذآت ..
إجعلي الإجآزه فُرصه لتطوير ذآتكِ ، هُو مٌمكن إلآ أكِيد مَلل بس لمآ تَفكري ..
الحَمدلله مُعآفآه وأهلي بِخير الحَمدلله 🙂
غَيري بآلمُستشفيآت !
طَوري موآهبكِ مثلاً تُحبي الخيآطه إشتري أقمِشه وهآلشغلآت وتعلمي أكثر ..
أو سَجلي بآلمُنتدى وَ إقضي وقتكِ ..
العُزله مآهِي عُذر للإنحرآف ، كَم من شَخص دَعوآ غَير المُسلمين للإسلآم وَهم بعزلَه !
تقربي من الله وكثفي الدعآء وبإذن الله سيقدِم لكِ الخير 🙂
في مثلك وأشد منك
كلنا نحس بالملل والهم والطفش
الله يفرجها علينا
حاولي تستغلي وقتك بشي مفيد
وش رأيك بالمحبوس مؤبد ، بدون ذنب ومع اشغال شاقة
عزيزتي من طالع هموم الناس نسى همه ، ومن طالع هموم الناس خف همه
حبيـبتي أنتي كلها سنة بإذن الله ويتعدل كل شيء وإن شاء الله تتزوجين
وثلاثة ارباع بنات الشرق الاوسط ، يعانون من نفس مشكلتك
لو كلهم فكرو يموتون > ماضل في بنات > يعني بتخف العنوسة تقريباً بالمتجمع ، في ناتج إيجابي هههه
الحل بأيدك في هالسنة حأولي تستغليها كونها أخر سنة لك بالعزأبيه
ليش ما تتقربين من اخوانك الشباب ؟ ترى الاخوة تلقين فيهم حب ينسيك الكون ، ولو تقربتي منهم راح يعطونك كل شيء تبينه وتتمنينه
لو عندك عمات او اعمام ولهم تأثير على والدك > احكي مع بناتهم ، انك تروحين لهم زيارة او هم يجون عندك او تطلعون مع بعض لو تروحون الملاهي البحر سينما
إذا ما عندك > احكي مع امك تجي اطلعك لو نص ساعه على الاقل تشوفين الشارع
إذا هالطرق ما نفعت معاك أبد ،
بإمكانك تصلحي العلاقة مع حرمة ابوك > فقط عشان مصلحتك
بتقولين صعبة وعسيرة وهمها المشاكل ، قوليلها كلها سنة وبتفتكين مني
قوليلها انا بكرا بتوظف وبيجيني راتب وإن شاء الله مراح اقصر في بيت ابوي
ترى الفلوس تغير نفوس كثثثثثثثير <<< أستغلي هالنقطة
ياختي اطلبي مطعم ، وأطلبي لها معك عشان تتقرب منك
ابحثي عن معارض مفتوحة توها وقوليلها خلينا نروح ، نص حريم الحارة راحو > خلينا نروح نتطمش
أفكار كثيرة ممكن تستخدميها وتغير من اطباع اللي حولك
فقط يكون لديك العزيمة والقوة والاصرار وبتحققين كل شيء بإذن الله
أدعي لي ~ ولا تحرميني من الدعوات