السلام عليكم يا أحلا عضوات وأحلا منتدى
الله يسعد صباحكم ومساكم وكل أيامكم
هاد الكاتو كتير بحبوه العيلة عندي وبالذات الصغار
وجربت هالوصفة ونجحت كتير وطلعت طيبة
وشغلو بسيط وسهل
هي وصفة أطيب كاتو راس العبد…………ومارح تندموا
وهي طريقة التزيين خطرت ببالي تغيير شكل عن التقديم التقليدي
وأمي الله يجبر بخاطرها ويخليلي ياها ويطولّي بعمرها
ساوتلي الفيونكات
وطلعو كتير حلوين
المقادير :::
2كوب حليب سائل
كوب سميد
3ارباع كوب سكر
نص كوب جوز الهند
ملعقة صغيرة فانيليا
4ملاعق طعام ممتلئة زبدة
6ملاعق طعام كاكاو
يوضع الحليب والفانيليا والسكر والزبدة على النار مع التحريك
(((أكيد ما منحط الكاكاو مرة وحدة عالخليط لأنو بكتل)))
منحط الكاكاو بصحن لحالو ومناخد شوية حليب سخن منضيفو فوقو ومنحرك
لحتى يمتزج ويصير شبه سائل وما يكون مكتل وبعدين منضيفو عالخليط يلي عالنار
يضاف السميد مع التحريك لبضع ثواني حتى يسمك الخليط
ونضيف أخيرا جوز الهند
ونطفئ النار فورا
((((ولمذاق أطيب وألذ منضيف رشة قرفة ورشة صغيرة قرنفل ))))
نترك المزيج يبرد
ثم نبدأ بتكوير الخليط بالحجم اللذي نفضل
والغطاء بكون حسب الرغبة
انا غطيتهم
منهم جوز هند
ومنهم فستق حلبي مبشور
ومنهم بسكويت مكسر ناعم
وانتوا اذا بتحبوا كمان
تحطوا شوكولا سائلة
وهدول الفيونكات ساوتهم أمي الغالية بغرزة خيط نفس لون الريبان وبعدين حطيتهم على أعواد الخشب
تبع تنظيف الاسنان
أكيد موجودين بكل بيت
كنا عند خالتي وعملنا سفرة صغيرة وبسيطة
عملنا تبولة ويالنجي
أنا عملت معن كمان بسكويت بالموز والنسكافيه رح نزل طريقته قريبا كتير سهل وطيب
ان شاء الله يكون عجبكم يا حلواااااات
سلاااااااااااااااااام
من جد طريقه ولا اروع جاري التنفيذ
مشكورة يالغلا
طريقة تزيين حلوة
في انتظار باقي وصفاتك