السلام عليكم ورحمه الله وبركاته
إزيكم ياأحلى ماميز
عايزه أتكلم معاكم فى موضوع مهم جداااااااااااااااااااااااااااااااااااااااااااااااا اااا
عايزه أقولكم إنه بجد لو رعيناه واهتمينه بيه هانبنى أجيال ان شاء الله زى الفل
الطفل ده يا جماعه أكيد متفقين معايا إنه ملاك ربنا بعتهولنه علشان نهتم بيه ونرعيه ونربى جواه حنان وحب لكل اللى حوليه وأولهم أبوه وأمه .
مش عشان نهينه ونكسر جواه ثقته فى نفسه
انا بلاقى ناس كتيييييير تكون متنرزفه مثلاً او عندها مشكله تطلعه على أولادها تزعق فى وشه تتنرفز عليه بلاش بقى الطريقه دى اوعى تفتكرى ان الطفل مش بيفهم لأ طبعا بيفهم
ربى ولادك على الحنان والحب عشان يدهولك لما يكبر ومش بس كده لأ هتلقيه بيتعامل كده مع كل اللى حوليه نفسيته هاتبقى سويه هاينجح فى حياته وشغله ودراسته والمعامله الكويسه هاتربى جواه ثقته فى نفسه
ربى فى ولادك الاحترام لنفسه ولكل اللى حوليه احترميه علشان يبقى انسان سوى احترمى رغباته واحتيجاته مش اللى انتى عيزاه يبقى لازم هو اللى يعمله ورغياته هو مش مجابه طيب ليه ….. مادام رغبات ترضى ربنا ومش حرام خلاص لبهاله مش عشان انتى مش عيزاه يبقى خلاص لأ …….
خلى فى بينكم لغه حوار مش لأ عشان هى لأ وخلاص الطريقه دى بتدمر والله وبتهدم وتخلىه إنسان ضعيف ميعرفيش ياخد اى قرار فى حياته
خلى ولادك واثقين فى نفسهم وده هايجى لما انتى تحسسيه إنه قادر على التفكير واتخاذ القرار يعنى ليه رأى خليه يعبر عن رأيه بحريه وإحترام اشركيه فى حياتك وحسسيه ان رايه ليه اهميه عشان تربى جواه الثقه بالنفس
بلاش اسلوب النهر والشخط والنطر لما يجى يغلط ليه …….كل انسان معرض للغلط علميه انه مش عيب انى اغلط لا العيب انى استمر فى الغلط ومتعلميش من غلطى اتعملى معاه بهدوء وتفاهم لكن اسلوب الزعيق والشخط هيربى جوااه العند ومش هايحل مشكله بلاش تدعى على ولادك ولا على نفسك مهما كانت الاسباب بصراحه اسلوب مش سليم نهائى
ابنك نرفزك لأى سبب أبعدى عنه استغفرى قولى اى ذكرى هاتلقيكى هديتى
لما ابنك يفشل فأى حاجه وللأى سبب بلاش بقى طريقه إنت فاشل عمرك ماهتنجح وأنت ….وأنت والحجات دى الطريقه دى بردوا بتهدم عمرها متربى ولا تصلح حاجه أبداااااااااااااا والله حسسى ابنك إنه أهم حاجه فى حياتك وأن وجوده ونجاحه مهمين ليكى جدااااااااااااااا
الخلاصه
شوفى عايزه ابنك يتعامل معاكى إزاى ومع كل اللى حواليه وربيه على كده من هو صغير إزرعى فيه اللى إنتى تحبى إنه يتعامل بيه ويتصرف بيه من وهو صغير مش تيجى لما بيكبر ويتصرف اى تصرف تقولى اما مش عارفه هو بيعمل كده ليه أكيد أكيد أنتى عملتى كده معاه معودهوش على كده مزرعتيش فيه العادات السليمه مش شرط يبقى اخلاقياً كويس عشان يتصرف كويس ويبقى حنين
لأ الحنان ده تعود هاتربيه على الحب والحنان صدقينى هاتلاقى اكتر بكتيييييييير من اللى ربيته على وهو صغير
وربنا يطرح البركه فى كل أولادنا يااااااااااارب
موضوعك رغم بسآطة اللهجة وعامية اللغة
الا انه طرح قييم جدا ومهم لكل أم
تستاهلي مني أحلي تقييم بالنجوم والنقاط لاهمية طرحك
تحياتي وودي لك
شوكو
