روايه:أعشقك لحد الجنون روايات 2024.

روايه:أعشقك لحد الجنون

السلام عليكم**
هذي اول روايه لي وان شاء الله تعجبكم ولو سمحتوا اذا في احد بينشرها يكتب اسمي تحت .. ضااقت المحبه..
طبعا هذي الروايه حقيقيه**
بسم الله نبدأ **
البارت الاول
ابطال القصه**
عائله مزيد**
الاب متوفي**
الام:تحب عيالها حيل وتشتغل عشانهم
بكر:هو الابن الاكبر عمره 27 ويشتغل لكسب رزقهم**
محمد : عمره 20 سنه وهو طالب باول ثانوي يكمل انتساب
فاطمه : عمرها 18 سنه وهي طالبه بثالث ثانوي
——-
عائله حمد**
الاب : من الشغل للبيت ومن البيت للشغل**
الام: ربه منزل**
امل: هي البنت الكبرى عمرها 20 سنه طالبه جامعيه
الجوهرة: عمرها 18 سنه طالبه بثاني ثانوي**
راكان: عمره 14 سنه طالب في ثاني متوسط
ريم : عمرها 12 سنه طالبه في سادس ابتدائي**
مرام :عمرها 10سنوات طالبه في رابع ابتدائي**
احمد : عمره 5 سنوات …. شوق : عمرها سنتين ونص**
——-
امل كانت طالبه ثانويه ومعها صديقتها فاطمه الاصغر منها كانوا مع بعض في نظام المدرسه يمشون الطالبات بانتظام من الفصل للساحة ومن الساحة للفصول**
بيوم من الايام امل وفاطمه افترقوا امل تخرجت وفاطمه للحين بالثانوي**
—
امل قاعده الابتوب بغرفتها داخله شات كتابي وتسولف وتطقطق على الناس من زود الملل اللي فيها جاها واحد تسولف معه بالخاص امل ونكها *من باعني بعته ولو كان غالي *والولد كان نكه *هاوي حنانك* يسولفون مع بعض وتعرفوا على بعض وطول الوقت ضحك لما جاء وقت النوم حسوا بالطفش وخافوا يضيعون بعض طلب منها الايميل عشان يكملها وأخذ ايميلها واضافوا بعض وصاروا كل يوم ضحك وسوالف ماتنتهي**
امل:السلام
…..: وعليكم السلام
امل: اخبارك
…..: تمام انتي اخبارك**
امل: دوم يارب .. الحمدلله بخير**
…..: تدوم افراحك ودوم يارب
امل : تدوم أيامك**
…..: ايوه وش مسويه
امل: ابد ملل موطبيعي
…..: اي والله**
امل : ماعليش بس ممكن سؤال**
…..: تفضلي
امل: عمرك حبيت ؟!
…..: اي**
امل : اها**
……: وانتي عمرك حبيتي؟!
امل : اي لكن للاسف ماصار نصيب
…..: اها**
امل : عن اذنك امي تبيني ..
…..: اوك خذي راحتك**
امل راحت لامها .. امل: هلا يمه**
ام راكان : تعالي ي يمه سوي لنا قهوه وشاهي الحين المغرب وحنا ماتقهوينا**
امل: حاظر يمه**
امل تسوي القهوه والشاي وتغني دخلت أختها الجوهرة : الله لايبلانا المغرب يأمل اذكري ربك**
امل : اي صح استغفر الله**
—-**
محمد: يلا يمه اوديك للحديقة**
ام بكر: اي يمه يلا مشينا**
فاطمه : انا تجهزت يلا نمشي.**
وراحو الحديقة**
محمد ينزل الاغراض لامه ويوم خلص رجع للبيت**
**——-
في صباح يوم جديد**
امل صحت من النوم بكسل وقامت تصلي بعد ماخلصت صلاه افتتحت جوالها**
امل : أوف 50 رساله وصارت تشوف الرسائل وبعدها فتحت المسن (الماسنجر) وشاقة ان هاوي حنانك متصل الان**
امل : سلام**
…..:وعليكم السلام ؛ صح النوم**
امل: تبتسم صح بدنك
….: اخبارك اليوم**
امل: الحمدلله تمام وانت**
….: الحمدلله بخير**
امل :اقول هاوي عندك واتساب**
….: اي بس ما يشتغل**
امل: ليه**
….: مدري معلق**
امل: اها غريبه**
….: يب**
امل : ياخي قسم بالله ملل**
….: اي والله**
…..: امول احكي لي عن حياتك**
امل : امممممم يعني زي شنو بالضبط**
…..:عن إخوانك اهلك باي سنه تدرسين
امل: انا اكبر اخواني .. اخواني 6 وانا السابعه .. وانا متخرجه من الثانوي**
…..: اها**
امل : يب**
امل : طيب وانت تكلم لي عن حياتك**
…..: انا ثاني اخواني وعندي اخو اكبر مني واختي اصغر مني**
امل : اها طيب وأبوك وأمك ؟!**
…..: امي ما عندنا غيرها بهالدنيا وأبوي الله يرحمه**
امل: الله يرحمه وآسفه ذكرتك**
….: لاعادي**
امل: طيب عن اذنك بقوم اسوي الفطور لأهلي**
….: طيب عوافي**
امل: الله يعافيك .. يلا مع السلامه**
….: الله معك مع السلامه**
قامت امل تسوي الفطور لأهلها ولما خلصت قومت كل البيت من النوم والتموا حول السفرة وفطروا**
—–
محمد : يمه جوعان**
ام بكر : طيب يمه الحين أحط لك الفطور**
راحت ام بكر وحطت لعيالها الفطور والكل أفطر**
بكر: حياته من الشغل للاستراحة للبيت**
ومحمد راح لاصحابه**
فاطمه راحت على غرفتها تطقطق بجوالها مع صديقاتها**
—-
امل: تكلم صديقتها وتوامها أمجاد**
امل: هلا والله بالغاليه**
أمجاد : هلابك ي بعدي**
امل : أمجاد وش رايك تجين عندي والله طفش**
أمجاد: اوك بقول لامي واجيك**
امل : اوك وردي لي خبر**
أمجاد : اوك**
امل : يلا باي اكلمك بعدين**
أمجاد: اوك باي**

اذا أعجبتكم اتمنى تقولون لي عشان اكملها اتمنى ألقى حماااس

** **البارت الثاني**
الساعه 7 الصبح : **امل سهرانه للحين مانامت وتطقطق على جوالها وتكلم صديقتها مزنه**
امل : مزون كيفك
مزنه: بخير وانتي يالدبا اخبارك
امل: دوم . انا بخير**
مزنه : دوم يارب**
مزنه: امول وش رايك نجتمع مررررره طفش
امل: اي والله ودي نجتمع باستراحه ونرقص ونستهبل ونفلها**
مزنه : اي والله من جد ودي افلها**
امل : وش رايك نتفق ونقول لاهلنا أهلي وأهلك وأهل أمجاد**
مزنه : اي فكره حلوه**
امل: خلاص انا بقول لامي وتكلم جدتك وأم أمجاد**
مزنه: اوك**
امل : ي الخبله عطيني رقم اختك مريم عشان امي تتفق معها**
مزنه: اي صح يلا خوذي ……0554*
امل: اوك بس تقوم امي راح اتفق معها**
مزنه: اوك**
واخذوها سوالف الى الساعه 12 الظهر وسمعوا صوت الأذان وكل وحده راحت تصلي**
——-
ام بكر:يلا يا فاطمه روحي قومي إخوانك من النوم للصلاه**
فاطمه: ي يمه عيالك لو تنفجر قنابل بالبيت مادرو عنها**
ام بكر: ههههههه خوذي مويا بارده وصبيها عليهم**
فاطمه : اي والله صح **.. وراحت ركض على المطبخ واخذت كوب وعبته مويا**
وركككض على غرفه إخوانها**
بكر: نائم بالمقلط ..**
دخلت فاطمه ..فاطمه : بكر بكر يلا قووووووووووووم**
وبكر لاحياه لمن تنادي .. واخذت فاطمه المويا وصبته فوق راسه وكان بارررررد ويقوم بسرعه وفاطمه حطت رجلها قبل تأخذ تهزيئه وراحت لمحمد عشان تقومه ومعها كأسه مويا ثانيه ونفس الحاله**
فاطمه : محمد قوووووووووووووووووووووووم**
محمد في أعماق نومه**
فاطمه : هين انا اوريك وقامت صبت المويا على راس محمد**
وهو يقوم مفزوع .. فاطمه حطت رجلها قبل يذبحها اخوها**
وطلعت على الصاله ولقت اخوها بكر معصب وهي تدعي :يارب يارب مايهزئني
بكر رفع راسه وشافها: فاطمه تعالي هنا**
فاطمه وقلبها ببطنها:هلا ناديتني
بكر بصراخ: احد يقوم الناس من النوم بهالطريقه البشعه
فاطمه : والله اسفه بس ي اخي انتم بتروح عليكم الصلاه وانتم ماتقومون بسرعه
بكر عطاها نظره ولف على امه**
بكر: يمه جوعاااان**
ام بكر : طيب يمه اول شي ألحقوا على الصلاه وبس تجون بتلقون الغداء جاهز**
بكر: ان شاء الله يمه**
محمد وهو توه داخل يدور على فاطمه متوعد يذبحها**
محمد: فااااااطمه
فاطمه: نطت ورا ظهر أمها .. فاطمه : والله والله هذي فكره امي**
محمد مات من الضحك : طيب طيب هههههههههههههه
فاطمه: انقلع
محمد: بس ارجع من الصلاه واوريك
وطلعوا محمد وبكر على المسجد يلحقون على الصلاه**
—–
ام راكان توها قائمه من النوم وتصلي الظهر**
امل : يمه يمه**
ام راكان : هلا يمه**
امل: يمه تكفين طلبتك**
ام راكان : سمي يمه وش تبين**
امل: سم الله عدوك ي يمه**
امل: يمه تكفين ابعطيك رقم أخت مزنه صديقتي **ورقم ام امجاد ونأخذ استراحه نبي نجتمع**
ام راكان: طيب ي يمه بس لازم اقول لابوك
امل: اي اي يمه ي فديتتتتتتك**
امل وتروح لغرفتها ومعها أختها الجوهرة
امل: جوجو جوجو قوممممممي يلا**
الجوهرة: ياختي وش تبين خليني أنام**
امل: قومي وجع قومي وربي ملل**
الجوهرة: مابي خليني اناام**
امل: فتحت الستائر والشباك وخلت نور الشمس يدخل على الغرفة**
الجوهرة : منزعجه . اممممممل ي حيوانه قفلي الستائر بناااااااام**
امل: لا لا لا يلا قوممممي**
الجوهرة: كم الساعه ؟!**
امل : الساعه 1 ونص يلا قومي**
الجوهرة : طارت على الحمام تبي تتوضى وتصلي**
امل: ميته ضحك على أختها**
——
أمجاد وتكلم امل بالبيبي: امول نبي نجتمع
امل: هههههه توني مكلمه امي بهالموضوع
أمجاد : ههههههه القلوب عند بعضها**
امل : ههههه يب يب**
امل: ميجو عطيني رقم امك عشان اعطيه امي وتتفق معها على الطلعه
أمجاد: اوك …..05551***
امل: اوك ابروح لامي واعطيها الرقم وأشوف عنها**
أمجاد : أووك**
——**
امل طلعت من غرفتها ولقت الكل مشغول**
احمد وشوق يلعبون**
ومرام وريم بغرفتهم يرتبونها
والجوهرة : ترتب البيت**
وأركان : قاعد يلعب سوني**
أمها : بغرفتها**
وأبوها نائم**
**امل : اووف استغفر الله وش هالملل **اروح ارتب المطبخ احسن لي**
امل راحت على المطبخ ترتبه من بعد الغداء**
امل وقفت مصدومه لما دخلت المطبخ : وجع من مسوي كذا بالمطبخ (المطبخ طبعا كان مقلوب فوق تحت)
وقامت رفعت اكمام البلوزه ورفعت بنطلونها واستعدت ترتبه**
امل: بسم الله نبدأ**
وصارت ترتب المطبخ
—–**
الساعه 5 العصر امل توها تطلع من المطبخ متكسسسره**
امل : ااااااااه تعب ورمت نفسها على اقرب كنبه لقتها بالصاله
الجوهرة: وش فيك؟!**
امل: قولي وش مافيني منهد حيلي من المطبخ داخله من الظهر وتوني اللي طلعت منه**
الجوهرة : الله يعين … وش رايك نقول لأبوي يجيب لنا خدامه
امل: لالالالا لو تموتون مانجيب شغاله.**
الجوهرة: اجل اسكتي وتحملي**
امل: طيب .. ونامت على الكنبه من التعب…..**

** **البارت الثالث**
يوم الاربعاء الساعه 5 العصر كانوا امل والجوهرة وراكان وآلام والأب مجتمعين حول القهوه يتقهوون والكل ساكت بحضور الاب ولما خلصوا قهوه طلع الاب لاخوانه**
امل: يمه هاه كلمتي أبوي
ام راكان: **في ايش اكلمه**
امل: يمه الله يصلحك نسيتي بعد
ام راكان : ههههههه لا ي يمه كلمته ووافق**
امل : يالببببباك ي يمه (وقامت تبوس راسها)**
امل وتنط على الجوهرة ..امل: جوجو لازم نجهز للعزومه
الجوهرة: اي عزومه؟!!!
امل: اي عزيمه ؟ عزيمه جيراننا .. ياخبله حنا وامجاد وأهلها ومزنه وأهلها**
الجوهرة : اها طيب وش بنسوي واصلا متى العزومه**
امل: بكره يوم الخميس**
الجوهرة: تممممززززحين .. وش يمدينا نسوي وجع**
امل: قومي معي وانا اوريك
الجوهرة طيب اوك**
امل والجوهرة راحوا على المطبخ يجهزون لبكره من حلويات وفطاير والجوهرة معها ورقه وقلم تكتب فيها اغراض للبنات من شبسات وغازيات
الجوهرة: هاه امول وش نجيب لنا بس ي البنات
امل وهي تسوي حلا : مدري امممممممممم نجيب غازيات وشبسات وشوكلاتات متنوعه وعلى اللي حنا قاعدين نسويه ان شاء الله يكفي**
الجوهرة : ان شاء الله**
خلصت الجوهرة من كتابة الطلبات وعطتها راكان يجيبها لهم من البقاله**
راكان: جوجو متأكده مانسيتوا شي زي دائم**
الجوهرة: يب يب متاكده هالمره مانسيت شي**
راكان : خلاص بعد المغرب اجيبها لكم**
الجوهرة : طيب**
——–
فاطمه: يمه تكفين نبي نطلع قسم مليت**
ام بكر: طيب ي يمه دقي على احد اخوانك**
فاطمه: بكر كالعادة بالاستراحه ومقفل جواله ومحمد مادقيت عليه**
ام بكر: طيب قومي دقي على محمد**
فاطمه: حاظر يمه**
فاطمه وتدق على محمد**
محمد: هلا**
فاطمه: محمد وينك
محمد: عند اخوياي وش صائر**
فاطمه: ولاشي بس امي تقول تعال طلعنا الحديقة طفشانين
محمد: طيب انا جايككم الحين تجهزوا
فاطمه: طيب ان شاء الله**
محمد: يلا مع السلامه
فاطمه: يلا مع السلامه**
فاطمه: يمه محمد يقول تجهزوا هو جاي بالطريق**
ام بكر: طيب يلا انا جاهزه**
——–
امل والجوهرة يجهزون للاستراحه طلعوا من المطبخ الساعه 9 وهم معبيات الثلاجة حلويات واغراض الاستراحه**
امل: اااه تعب**
الجوهرة: اي والله**
امل : وين الأغراض اللي من البقاله**
الجوهرة: راكان جابها وخلاها على الطاوله بالمطبخ**
امل:اها اشوا**
الجوهرة: بنت ماطلعنا لنا ملابس لبكره
امل: اي صح قومي نروح نشوف ملابسنا
الجوهرة: طيب يلا**
امل والجوهرة يحوسون بالملابس والغرفة صارت فوق تحت**
امل: يوه لا ذا وع
الجوهرة: قسم ملابسنا مدري كيف اشتريناها
امل: اي والله ههههههه
الجوهرة : ابي السوق**
امل: ههههههه اهجدي وش السوق اللي الساعه 11 مفتوح بالقصيم**
الجوهرة: اي والله ههههههه
——-
فاطمه وأمها بالحديقة**
فاطمه: يمه صديقاتي بيجون وابروح معهن
ام بكر: طيب لاتتاخرين وانتبهي ي يمه**
فاطمه: ان شاء الله يمه**
جوا صديقات فاطمه للحديقة واجتمعوا كانوا 5 بنات ( فاطمه، منى، امنه، نوره، ريم)**
اقعدوا على الثييل بشكل دائره وسوالف وضحك والشبسات والغازيات بالوسط**
جاهم اثنين من الشباب يتغزلون فيهن
الولد1: امووت انا على الضحك**
الولد2: ياشيخ اروح كشنه على الاصوات**
فاطمه: استغفرالله ياربي ذولي وش يبون**
منى: اسفهيهم ناس متخلفه**
امنه: اي والله مع نفسهم**
الولد2: اقول ماجد وش رايك نرقمهم**
ماجد: اي يلا ( وقربوا من عند البنات )**
محمد واللي امه كانت تبيه يجيب اغراض لها شاف الشباب اللي يقربون من البنات وانتبه ان أخته معهم**
محمد وهو معصب ومتجه عندهم: خيير انت وياه**
الولد1:نعم وش تبي انت ؟!**
محمد: خيير ماسمعت عيد كلامك**
الولد2 :ياخوي توكل على الله ومالك دخل باللي مايعنيك**
محمد: اجل مايعنيني هاه ( ومحمد يهجم عليهم وضرب وضرب واحد منهم هج والثاني للحين محمد يضربه )
جت الهيئه وفكت بينهم**
الشيخ: وش فيه**
محمد: أساله اللي يتعدى على محارم الناس
الشيخ: هو وش سوا بالضبط**
محمد: كان هو وخويه يرقمون ويتغزلون باختي وصديقاتها**
الشيخ : صدق هالكلام؟!**
الولد: لا يكذب**
محمد: اجل انا اكذب هاه**
الشيخ : عندك دليل انه كان يعاكس اختك**
محمد : اي واسأل أختي بعد**
الشيخ : وينها اختك ؟!
محمد : اي هذي هي**
الشيخ: لوسمحتي ياختي هذا الشاب متعرض لكم**
فاطمه: اي هو وخويه كانوا يعاكسوننا
الشيخ ويكلم الولد: امش قدامي يلا**
محمد أخذ أخته وامه ورجعوا على البيت**
——
امل والجوهرة ما ناموا يبون يواصلون يومين**
الخميس الساعه 3 العصر امل والجوهره يشيكون على الاغراض قبل لايمشون واستاجروا سماعات وناويات يفلونها فله لاراحت ولاجت**
الساعه 4 ونص ركبوا السياره واتجهوا على الاستراحه**
امل وراكان ومعهم الصغار ينزلون الاغراض**
امل: يوه توني استوعب ان الاغراض كثيره**
راكان: قسم لو انكن مهاجرات ماخذتن كل هالاغراض**
امل: هههههههه اقول نزل وانت ساكت
راكان يتمصخر على امل : حازر ماما الحين في نزل كل اغراز ( اغراض) مال انتي امل: راككككاااان انقلع**
راكان: هههههههه**
والساعة 6 المغرب الكل كان موجود وامل والجوهره وأمهم كانوا مضبطين كل شي على سفره القهوه **.. الحريم بجهه والبنات بجهه ثانيه وسوالف وضحك**
أمجاد: بنات فيني طرب**
امل: اي والله بس اصبري ابتقهوى راسي مصدع**
الجوهرة: اي عاد امل كانها عجوز اذا ماتقهوت صدعت وقفلت عندها الأخلاق**
مزنه: اي قسم .. تذكرون ايام الدراسه اذا سوينا فطور امل لازم معها قهوتها**
امل: هههههههه اي القهوه شي جميييل**
الجوهره: مع نفسك**
أمجاد : بنات يلاااااا فيني طرب**
مزنه: يلا قوموا أعوذ بالله منها فجرت اذني**
امل: ههههههه يلا نقوم**
الجوهره سبقتهم على السماعات عشان تضبطها وامل جابت الشبسات والغازيات وخرابيط البنات .. وجلسوا على الارض وياكلون وثواني الا الاغاني صوتها عالي وامجاد: ولد ولد ولد عاشوووا
امل: هههههههههه استخفت البنت**
مزنه : يلا قومن نرقص**
والبنات رقص وهستره وضحك لين انهدت حيولهن جاء وقت العشاء**
وطبعا الحريم بالحوش لهن سفره والبنات جوا بغرفه لهن سفره ثانيه**
امل : اااه احس اني شبعت من الشبسات**
أمجاد: اي والله انا شبعانه
الجوهره: اقول كولن قبل تذبحكن امي**
امل: اي والله متوعده فينا اذا مااكلنا**
مزنه: اجل ابلعوا وانتوا ساكتين
بعد العشاء دخلوا الحريم جوا الغرف يسولفن والبزران بالألعاب**
وامل والبنات جايبين معهم كوره وضربت براسهن يسون فريقين ويلعبون**
ريم الحكم (امل وامجاد ومزنه مع بعض ، الجوهره ونوال ( أخت أمجاد) ووفاء(أخت مزنه) مع بعض)**
أمجاد الحارس، ونوال الحارس للفريق الثاني**
وكل فريق جايب له تيشيرت خاص له فريق امل هلالي وفريق الجوهره اتحادي
طبعا فريق امل هو الفائز بنتيجه (5 ، 3)**
كان في اثنين من الشباب يشوفونهم من الفله اللي قدامهن أمجاد بما انها الحارسة شأفتهم وقالت للبنات**
امل : شوفن حنا بالليل لو نطفي الأنوار والكبس ماراح يشوفونا**
كانت فيه اربع اكباس والباقي لمبات**
امل : يلا كل وحده تركض بجهه ونطفي الأنوار**
قاموا البنات ركض اللي تطفي اللمبات واللي تطفي الكبس**
ولما طفوا كل اللمبات**
أمجاد: القمر يجنن**
مزنه: اي والله يهبل**
امل: أمجاد تعالي نمشي**
مزنه: وجع يالساحبات وانا ؟!**
امل: انتي جايك الدور بس اصبري**
مزنه: هههههه طيب نشوف وش أخرتها**
راحوا امل وامجاد يتمشون كان ليل وظلام ومافيه الا نور القمر**
امل: ميجو
أمجاد: هلا**
…. يتبع

** ** البارت الرابع**
امل: ميجو
أمجاد: هلا**
امل: امممممم بما انك اقرب وحده لي مانخبي على بعض حنا صح؟!
أمجاد: اي صح،. امول وشفيك؟!!
امل: ميجو تكفين مابي احد يدري باللي بقوله**
أمجاد: اوك بس تكلمي وش فيه،! تراك خوفتيني
امل: لا لاتخافين بس**
أمجاد: بس وش**
امل: ميجو انا تعرفت على واحد بالشات والحين اكلمه بالمسن
أمجاد : وجع من متى؟!
امل: لي تقريبا شهر ونص وانا اكلمه وبصراحه
أمجاد: اي وش كملي**
امل: احس اني اميل له**
أمجاد: امول انتبهي منه
امل : لا ميجو الولد محترم وسوالفنا ضحك بضحك**
أمجاد: امل حتى لو لازم تنتبهين وانتي بحسبه أختي ونصحتك استهبلي واضحكي اووك لكن انتبهي لقلبك
امل : ان شاء الله**
أمجاد: يلا نرجع**
امل: دقيقه وش اقول لمزنه انا مابيها تدري
أمجاد: قولي اممممممم. اي قولي مافي شي بس سوالف عاديه**
امل: ماراح تصدقني بس بحاول**
أمجاد: اوك امشي نرجع**
امل: يلا**
امل وامجاد انضموا للبنات وسوالف وضحك الى الساعه 2 والساعة 2 ونص الكل رجع لبيته**
——–**
الجمعه الساعه 11 الصباح ام راكان تصحي راكان وأبو راكان للصلاة**
ابو راكان: امل والجوهره وينهم**
ام راكان: نايمات**
ابو راكان: اوف واليوم الجمعه قوموهن بسرعه**
ام راكان: ان شاء الله**
——-**
امل والجوهره غرقانات باحلامهم**
دخلوا مرام وريم ومعهم كاسات مويا مرام على الجوهرة وريم على امل**
وصبوا عليهن المويا وحطوا رجلهن**
امل: الله يلع…..ياحيوانات
الجوهرة: حسبي الله عليكم من بنات**
وامل الجوهرة يناظرون ببعض وكل وحده شوشتها طائره والماء على ملابسهن وانفجروا ضحك على اشكالهن وانتبهوا انه اليوم جمعه ووقت الصلاه قاموا صلوا وراحوا يفطرون
——
عند بيت ام بكر
محمد وبكر كانوا متوجهين على المسجد للصلاة
ام بكر تجهز لهم الغداء … فاطمه تنظف البيت
——**
بعد الظهر امل توها مخلصه من تنظيف المطبخ وحبت تدخل على المسن دخلت وشافت هاوي حنانك متصل الان**
امل: السلام عليكم
…..: وعليكم السلام**
امل: مساء الخير، اخبارك ؟!**
….: مساء الورد، تمام،، انتي كيفك وينك مختفيه لك يومين؟!**
امل: دوم، تمام ابد والله مشغوله**
….: اها**
امل: يب**
….: امول انتي وين تدرسين ؟!**
امل: انا خريجه**
…..: اها طيب وين كنتي تدرسين ثانوي؟!**
امل: ليه؟!**
…..: بس مجرد سؤال**
امل : اها ، كنت بالثانويه ال…….
….: اها. يعني كنتي مع اختي**
امل: منهي اختك؟!!!**
…..: اختي فاطمه**
امل: فاطمه؟! وش عايلتها ؟!
….: فاطمه ال……
امل انصدمت : نعم فاطمه ال…….
…..: **اي**
امل: انت متأكد انها تدرس بنفس هالمدرسه؟!**
…..: اي متأكد**
امل: اها طيب**
…..: وشفيك؟!
امل: لامافيني شي بس اشويات وارجع
….: اوك**
——–
عند أمجاد اللي كانت تفكر باللي قالته لها امل فجأه دق الجوال شافت المتصل طلعت امل**
امل: الوووو سلام**
أمجاد: وعليكم السلام وشفيك طائره كأنك تركضين فيك شي يابنت؟!**
امل: ميججججو الحقي**
أمجاد وبدت تخاف: امل وجع وشفيك ؟**
امل: هاوي عرفت منهو!**
أمجاد: طيب واذا،!!؟**
امل: ي الخبله تدرين منهو !**
أمجاد : مين وجع**
امل: اخو فاطمه اللي كانت معنا بالثانويه**
أمجاد: تمززززززززززحين**
امل : والله .. بس نسيت أساله عن اسمه لان اذكر ان عندها اثنين من اخوانها**
أمجاد: انتي تتواصلين معها؟!**
امل : لا .. اذكر ان عندها بكر ومحمد**
أمجاد: ودي اعرف منهو**
امل: حتى انا . أف بس**
أمجاد: ادخلي اساليه عن اسمه**
امل: لا مستحيل بكره أساله**
أمجاد : اوك**
امل: ياختي فيني نوم مانمت زين**
أمجاد : طيب نامي**
امل: ويخرب ابو ام نظامي واكل تراب**
أمجاد: هههههههه ليه**
امل: أصير أنام وأهلي يقومون واذا قمت أهلي ينامون حرام تعذيب ياختي**
أمجاد: ههههههههههههههههه
امل : اقول انزلعي عني بروح ادور لي بلعه واتابع لي فلم عشان مانام**
أمجاد: وش فلمه اللي المغرب**
امل: فلم رعب بتابعه على الايباد
أمجاد: وجع رعب مره وحده ولا بعد على هالمغرب
امل : انتي خوافه روحي مناك**
أمجاد: طيب لاتدفين وجع
امل: عادي حبيبتي وتوامي واختي اللي ماجابتها امي أمون عليها**
أمجاد: اي تغزلي بعد ترا قلبي الصغير لايتحمل**
امل وامجاد: ههههههههههههههههههههه**
امل: يلا مع السلامه**
أمجاد : مع السلامه**

ماحمسني الا المشاهدين وابكملها لعيونهم
يسلممممو ع المشاهدة من خلف الكواليس ههههه
تحياتي( ضااقت المحبه)

** البارت الخامس
من بكره يوم السبت الناس مداومه الا امل وامجاد فالينها ويسولفن بالبيبي**
امل: ياخي العطاله فلللللله
أمجاد: اي والله فله**
امل: ياختي اشتقت لسوالف هاوي حنانك
أمجاد: غريبه ماكلمتيه اليوم !
امل: لا**
أمجاد: قووومي وجع روحي كلميه واعرفي اسمه**
امل : طيب لاتدفين ههههه
أمجاد: اخلصي اقول
امل: طيب طيب دقايق وارجع**
أمجاد: اووك**
—–**
بكر كان يوصل المعلمات و محمد يوصل فاطمه للمدرسه**
—–**
امل دخلت المسن وشافت الكل غير متصل حتى هاوي حنانك مؤ متصل**
استغربت امل وقالت يمكن نائم امل ماهتمت وقالت بنام ابرك
راحت تنام وقالت بكره تكلمه وتكلم أمجاد وتقولها اللي صار**
—-
عند أمجاد استغربت ان امل طولت**
أمجاد: وينها هالخبله
دخلت نوال : مين الخبله
أمجاد: املوه**
نوال : هههههه**
أمجاد: انزلعي مرتفع ضغطي**
نوال: أعصابك ههههه
أمجاد طنشت نوال وتدق على امل وامل في سابع نومها**
——
الجوهرة تكلم ندى صديقتها : اوووف هالمعلمه غثيثه**
ندى: اي والله متى تطلع ياليل أمها**
أستاذه عواطف لماده الفيزياء كانت معصبه من الجوهرة وشلتها اللي مسببين ازعاج للفصل
أستاذه عواطف: متى انتي وياها تخلصوننا من ازعاجكم**
ندى: بكره الصبح الساعه 6**
نجلا وهي وحده من الشله: هههههه لا ندوي قصدك اذا هي سكتت**
أستاذه عواطف ارتفع ضغطها اكثر : قومي انتي وياها على الاداره قدامي بسرعه**
الجوهرة والشله طلعوا يضحكون للادارة**
الإداريه: نعم خير وش مسويين بعد
ندى : ابد أستاذه عواطف طالعه قرون شياطينها وارسلتنا لك**
نجلا: ههههه ولاتنسين الذيل هههه**
الشله كلهم ضحححك
الاداريه: بلا قله أدب انتي وياها**
الجوهرة: أدب ولا بلاغه هههههه والشله معها ههههههههههههههههههه
الاداريه: قدامي على المديرة**
دخلوا غرفه المديره: السلام عليكم**
المديره : وعليكم السلام .. ذولي وش مسويين !!
الاداريه: هذولي ارسلتهم أستاذه عواطف مزعجين الفصل**
المديره: قدامي على الساحة انا عجزت معكم**
الشله ساكتين وميتين ضحك وزعتهم المديره على زوايا الساحة وكل وحده وجهها على الجدار**
ندى: بنات يلا نعيد ذكريات سنه اولى ابتدائي
نجلا : اي فله يلا ( طبعا يسولفون بصراخ لأنهم بعيدين عن بعض )
خلص الدوام وهن للحين واقفات ومبسوطات على الاخر لما جاء وقت الخروج حطوا رجولهن وهجن قبل لايستدعون أولياء الامور**
لما رجعوا البيت كل وحده متكسرة رجولها من الوقفة على طول للفراش وناموا**
—–**
الجوهرة لما دخلت البيت : اااااه حسبي الله عليك من مديره تكسرت رجولي**
راكان: ههههههههههه أكيد موقفتك كالعادة**
الجوهرة : هش بس انطم مورايقه لك**
راكان: تحملي عواقب فعايلك**
الجوهرة : كل تراب بس وراحت على غرفتها تنام**
—–
من بكره امل كانت بالمسن وتكلم هاوي حنانك اللي كان قلبها كل يوم يتعلق فيه اكثر من اليوم اللي قبله**
امل: هاوي ممكن سؤال !!
….: تفضلي
امل: الحين انت وش اسمك ؟! انت تعرف اسمي وانا ماعرف اسمك**
…..: انا اسمي امممممم لازم تعرفين**
امل : اي أكيد يلا قول**
….: انا. ** ** **( شنو تتوقعون)**
—–**
ادري هالبارت قصير بس ابي منكم إجابات على هالاسئله**
منو تتوقعون بيكون هاوي حنانك؟!**
شنو مصير امل وهاوي حنانك؟!!**
الجوهرة وشلتها هل بيصير فيهم شي او لا ؟!**
أمجاد تتوقعون عندها سر مخبيته عن امل ولالا؟!!
اتمنى ألقى تفاعل ( تحياتي ضااقت المحبه)

** ** **البارت السادس**
صباح يوم جديد يوم الأحد الناس كالعادة بالدوامات والمدارس الا امل وامجاد ومزنه
أمجاد اللي كانت تكلم مزنه: مزون اخبارك !
مزنه: تمام ي قلبي انتي كيفك؟!
أمجاد: ازقح
مزنه : ههههههه دوم**
أمجاد: تدوين ياقلبي ،، الا مزون بقولك؟!
مزنه : وش فيك**
أمجاد: امول ماكلمتك امس
مزنه: لا ماكلمتني ليش فيها شي؟!**
أمجاد: لا مافيها شي بس امس كانت تكلمني واختفت قالت ابرجع ولارجعت
مزنه: تلقينها نايمه ولاتكرف بهالبيت
أمجاد: اي صح يمكن**
ويكملوا سوالف وضحك
——–
بالمدرسه الثانويه**
نجلا والجوهره وندى وباقي الشله مسوين دائره وبالوسط نجلا والجوهره فوق الطاولات يرقصون وندى تطبل لهم على الطاوله والباقي يصفقون**
مره مصري& مره خليجي & مره كوري**
طبعا الجوهرة كانت محترفه الرقص الكوري فجأه دخلت الاداريه والمديرة وبعض المعلمات ،، المديره: خيير انتي وياها ياللي ماتستحون وش هالفوضه وقله الادب ذي**
نجلا: ابد ياستاذه نوسع صدورنا بدل الوجيه اللي تسد النفس**
الاداريه: عيب يابنت احترمي اللي اكبر منك**
نجلا: اللي مايحترمني ماحترمه ! يلا يابنات طبلولي ابي ارقص**
ندى: بنت من جدك؟!**
نجلا: اي من جدي اخلصي طبلي لي
الجوهرة: عز الله افصلونا
نجلا:ههههههههههه من متى اصلا مانفصلنا !!
الجوهرة: حسبي الله على بليسك ههههههههه**
المديره: قدامي على الادارة**
البنات بصوت واحد: لااله الا الله
الجوهرة: محمد رسول الله**
مشوا للادارة والمديرة قدامهن والاداريه والمعلمات ورا البنات**
ندى: حشى قوات عسكريه**
الجوهرة: قصدك البدي قارد حقنا هههههههه
نجلا: قسم كأننا حيوانات وذولي الصيادين ههههههههههههه
الاداريه: اسكتي انتي وياها**
البنات: هههههههههههههههههههههههههه
الاداريه: استغفر الله ياربي**
دخلوا الاداره والمديرة سلمتهم فصل لثلاث ايام**
نجلا : ومباركين عرس الاثنين ليله ربيع عين وقمرا**
ندى : ولد ولد ولد صفقه صفقه والبنات يصفقون**
الجوهرة : ااااااه سعااااااااااااده. لثلاث ايام**
نجلا: وقولوا بسم الله على غزال طب وقولوا بسم الله**
ندى ورا نجلا وترقص والبنات يشجعونها: هلا هلا سرى سرى ورى ورى**
وطلعوا كل وحده لبيتها**
——-
امل: اي قول**
…..: انا محمد**
امل: اها عاشت الاسامي
محمد: عاشت ايامك
واخذوها سوالف بعدين قالت امل : محمد ثواني وارجع**
محمد: اوك خوذي راحتك**
—-
امل طارت للتلفون ودقت على أمجاد: الو سلام**
ام أمجاد: وعليكم السلام**
امل: اخبارك ياخاله؟!
ام أمجاد: بخير يابنتي انتي اخبارك؟!
امل:الحمدلله بخير**
ام أمجاد: امرئ يابنتي وش بغيتي؟!
امل: كنت ابي امجاد
ام امجاد: اي ثواني بس. ،، امجاد يامجاد
امجاد: هلا يمه
ام امجاد: التلفون يبيك
امجاد: جايه يمه
امجاد: الو
امل: هلا والله
امجاد مسويه نفسها زعلانه وتتكلم من طرف خشمها: هلافيك نعم وش بغيتي؟!
امل: يا شيخه اروووح كشنه على الزعلانه يافديتها بس**
امجاد وكاتمه ضحكتها: اخلصي علي**
امل: ماعاش من يزعل قلبي وحياتي ودنيتي وروحي يافديتها
امجاد: وين رحتي امس هاه**
امل: يابعد قلبي انتي كنت نايمه
امجاد: اها نوم العوافي**
امل: يعافيك**
امجاد: اي ماقلتي لي وش صار معك؟!
امل: اي عرفت اسمه**
امجاد: منهو**
امل : محمد**
امجاد: أوه أخيرا عرفنا اسمه ههههههههه**
امل: هههههههه خبله**
وكملوها سوالف وضحك واشوي زعل واشوي يضحكن على اشكالهن**
امجاد: امول**
امل: هلا لبيه**
امجاد : تلبين ببيته يارب
امل: ميجو فيك شي ؟!
امجاد: امول انا احب واحد**
امل: هاه!!!!!
امجاد: كنت مخبيه عنك هالشي اسفه**
امل: ليه خبيتيه؟!**
امجاد: مدري**
امل: خايفه مني ياميجو
امجاد سكتت
امل : ميجو مهما صار ترا انا وانتي خوات واسرارنا عند بعض**
امجاد: اي ادري
امل: طيب مايهم الحين قوليلي ياحماره منهو وومن وين كم عمره يدرس ولايشتغل؟!!
امجاد: ههههههههه أعصابك على شنو ابجاوب انا**
امل : ههههه عليهن كلهن ولااقولك**
امجاد : شنو
امل: ذي يبي لها قعده ،، تعالي عندي بكره وتقوولين لي كل شي ومنها أشوفك**
امجاد: اووك مافي مشكله امي ما تقول شي بكره انا عندك
امل : اوك يلا اذلفي ابي أنام نعسانه**
امجاد: هههههههه احلام سعيده
امل: أاخ بمحمد يارب**
امجاد: لا انتي اللي يبي لك قعده يلا باي**
امل: ههههههههه **طيب باي**
….يتبع**