الــ ج ــزا الاول
وقفة
طفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار
لمحة
سليمان : يالله ياعيال ننزل نصلي
فاطمة: ابجلس عند الصغار حتى ترجع وادخل اتوضا واصلي احسن اخلي البنات على نومتهم مابقى شي ونوصل
سليمان: ايه صادقه يالله بسرعه عيال تأخرنا عن الصلاة
فاطمة: يوم شافتهم رجعو نزلت بسرعه ودخلت لدورات المياه جت تبي تتوضا ماحست الا بيد تلف فمها حاولت تقاوم تصرخ مافيه فايده الرجال اقوى منها ناظرته وعرفت ملامحه وتتقزز من قربه وريحته حاولت وحاولت بدون فايده تركها كسيرة حسيرة وهرب بسرررعه داخل القريه المظلمة مو مصدقه الي صار لها هموم الدنيا فوق راسها تسمع بواري سيارة زوجها غسلت وجهها من الدموع وقررت تفكر بعقلها ركبت سيارة زوجها سرحانه بالي صار لها تناظر زوجها المبسوط وهو يسمع شريط القرآن لو تقوله خسرته وشردت اربع ابناء بدون ذنب اقترفته تبكي بصمت وتحاول تكتم شهقاتها وصلت للبيت وحالتها حالة
سليمان: وش فيك فاطمة
فاطمة: لاممافيني بس مرهقه مع السفر حاول يتقرب لها تعذرت بتعبها شهر وهو كل ماتقرب لها تتعذر وتتحجج بحجة تدعي ربها ان تأتيها الدورة وتتخلص من العذاب الي هي فيه انتظرت وانتظرت بدون فائدة عرفت انها حامل من اعراض الوحم
سليمان: فرحان بحملها بنته الاخيرة عمرها 7 سنين وزوجته ماحملت اشتاق للعيال
فاطمة: تتعذب اكثر كل ماتشوف فرحته
سليمان: وعياله ينتظرون قدوم المولد على أحر من الجمر
فاطمة: تدعي ربها انه يموت وهو في بطنها وكل ماتهدا حركته تفرح بس تطفى فرحتها اذا تحرك باحشائها تنتظره خبر وفاته اول مايخرج منها
اقترب خروج الطفل وكانت تبكي بقوة
سليمان: يسمي عليها ومستغرب منها فاطمة كانت دايم امراة صبورة جبارة اربع مواليد جابتهم كانت تخرج دمعه فقط وتخفي المها هالمره حملها بضيقه وولادتها بتعب رحمها أكثر ويدعي ربه انه يخلي له ولده و وزجته
فاطمة: كل ماتسمع دعائه تتألم اكثر رفعت عيونها تدعي ان ربي ياخذها او هالولد الي ببطنها وترتاح
صررراااخ طفل صغير وصل مسامع سليمان الي فرح يوم قالت له الممرضه مبروك ولد والام بشريني عنها الحمد لله كلهم تمام يتربى بعزك ان شاءالله رفع يدينه الحمد لله الحمد لله انتظر وقت الزيارة على أحر من الجمر دخل على زوجته باسها وضمها اختاري احلى هديه لانك جبتي لي احلى هديه من ربي وهالمره تعبتي فيه حيل
فاطمة: تشوف فرحته وتسمع كلامه يزيد حزنها مابي منك ياروحي شي اهم شي فرحتك تقول هالكلمات وهي تحس انها تغشه
سليمان:شفتيه
سليمان: استغرب افا ليه
فاطمة: تداركت الموقف لابس تعبت فيه حيل واحس الحين مالي خاطر اشوفه
الممرضه: جابته بين ايدينها تفضلي
فاطمة: كارهه حتى تشيله بس ماحبت تبين قدام زوجها اخذته يوم شافته تذكرت وجه العامل الي بالمسجد نفس سماره وملامح وجهه بسرعه عطته سليمان
سليمان: شاله وجلس يبوسه بحنان فديته هالمره شكل جديد ماتغذيتي فيه الله يهديك نحيف واسمراني موزي اخوانه
فاطمة: تتغصب الابتسامه
يوسف: يبه وش راح نسميه
سليمان:وليد
فاطمة: ابي اسميه غررررريب
سليمان: ماغريب الي الشيطان خليه وليد احسن مسكين اخاف يكره اسمه
فاطمة: طلبتك ابي غريب معجبني ومادام شكله يختلف عنهم ابسميه غررريب
سليمان: بطيبة وحنان لك الاسم يام يوسف ماتعب فيه غيرك خلاص اسمه غررررريب
خرجت على الدنيا بصرخات طفلة تبجث عن ضمة حنان من والديها وضعوها بالحضانة وكل من في عمرها يتسابقون أهلهم لاحتضانهم والسؤال عنهم بينما هي لاتجد غير مواساة من ممرضة تؤدي عملها وتسكتها وترضعها وتنومها تبكي وتبكي لعلها تنعم برائحة أمها لكنها حرمت من ذلك لأن أمها ضحت بنفسها لتعيش طفلتها الصغيرة
لمحة
يسرررع بسيارته بصورة جنونية ويدعي ربه الله يستر فوزية بخطر مومعقولة اول بنت سميتها فرح لأنها أول حب بحياتنا عشت معاك خمس سنين أحلى سنين عمري ماتخيل حياتي بدونك بس ان شاء الله الدكتور مكبر السالفة كل الحريم يجيبون ضنا ومافيهم إلا العافية ياربي ماتخيل حياتي بدونك فوزية الله يهديك محذرينك الدكاترة بأول حملك ان خطر عليك لازم تنزلين الجنين الي ببطنك بس انتي رفضتي وصممتي ا نالي ببطنك يعيش كل شوي يتذكر و يدوس على البنزين قطع كل إشارة قدامه عرض نفسه وغيره للخطر وهو موحاس بالي حوله صورة فوزيه ماتغيب عن خياله وصل للمستشفى ويركض بممراته ويفتح باب الدكتور وهو فحمان يالله يتكلم هاه بشرني دكتور
الدكتور: نظرات حزن وبنت صغيرة بين ايدين الممرضة حط يده على كتف سعد ان لله وان اليه راجعون زوجتك راحت وعطتك أمانة حافظ عليها اخ سعد كان اخر كلامها وصيتي بناتي وصيتي بناتي
سعد / لاااااااااااااااااااااا ماصدق مستحيل فوزية تروح وتخليني مستحيييييييييييييييييل
بعد أيــــــــــــــــام
سعد: مفكوك ازرار الثوب وماعليه شماغ وهالات الحزن حول عيونه يكلم موظف الاحوال المدينة سجل اسمها شجون
الموظف :رفع راسه بتعجب ياخوي تعرف ايش معنى اسمها
سعد: بحزن وبغير نفس اعرفه مابقى غير بزر يعرفني معنى اسم بنتي
الموظف: صغير صح بس محترم مسك نفسه ولايقدر يرد عليه ياخوي مادامك تعرفه ليه تتفاول على بنتك بالحزن
سعد: لانها جت وجاء الحزن معها جت وحرمتني من اغلى ناسي جت هي وغابت جوهرة من حياتي
الموظف: ياخوي تعوذ من ابليس كل شي مقدر ومكتوب
سعد: بعصبية انت تعوذ من ابليس وسجلها شجووووووون
&&&&&&&&&&&&&&&&&
غريب وشجووون
والديهم نسجو حول حياتهم خيوط عذاب حرمتهم السعادة وجعلت الحزن عنوانهم لسبب لم يقترفوه
وكثير منعوني اني اطرح مثل هذه القضية الحساسة بس انا عايشت وسمعت بمثل هذه القضايا وصممت ان اطرحها بروايتي الرابعة بيت العنكبوووت
روايتي هذه اهديها لاي بنت عاشت ببيت عنكبوت مثل ماعاشت بطلتنا واختها نسال الله ان يجنب بنات المسلمين من هذه البيوت
روايتي اهديها لاي طفل لقيط عانى وتعب بسبب غلطه لم يرتبكه
روايتي تحكي لنا معاناة البنات الصابرات على اسرهم لو ماصرحو بمشاكلهم للغير
روايتي تجعلنا نعيش معاناتهم ولو للحظات من قرآتنا لهم
اسال الله ان يفيد فيها وان تعجبكم وتمتعكم ونجني منها فوائد تفيد الجميع
غاليتي كارا: اسعدني وافرحني ردك اول مانزلت الرواية كنتي انتي اول اشراقة تشرق بردها على روايتي ومولودتي الرابعه افرحني تواجدك
عزيزتي احساس : مليون هلا واكووون سعيدة جدا لتواصلك معاي للنهاية شاكرة لك اهتمامك
ابن خيتو رومانسي: وحشتني اكثرر هههههههههههه مشكور ماقصرت ومن ذوقك فديت قلبك
حبيتي وردة القلب: اولا / مبرووووك الاشراف اختيار مووفق لمنتدى غرام اختارو انسانة ذوق بالتعامل وذوق بالردود طبعا حبيتي انتي رفيقة دربي بجميع روايتي من اول رواية لي رواية شر الانتقام لم انسى يوما وقفتك معاي وتشجعيك لي لاحرمني الله منك يارب
غاليتي كشه منفوشة: انا بعد لاخل ولاعدم منك يااااعسل يفرحني ويشرفني انك تكوني من متابعين روايتي
عزيزتي هتان الورد: نووورتي روايتي يااااااااااعسل واتمنى ان تتابعي معاي للنهايه وجودك فعلا يفرحني ويشجعني
حبيتي خيال حالمة: والله ردك هو الي نور غرام اكثر من روايتي فرحت مرررة يوم لقيت ردك وطبعا هذي روايتي الثالثه الي تكوني معاي وتوقفي معاي نعم الاخت والله ولي الشرف انك ردك ينور روايتي
غاليتي همسات الورد: تنثري بردودوك ورد يزيد جمال لروايتي ويفوح عطر تزهو بها روايتي تواجدك معاي اسعدني لاحرمني الله منك
احب ان الفت انتبهاكم لنقطة مهمة
وراح نكون صريحين شوي لنوضح اللبس بقصة غريب
اولا: قصة فاطمة واقعيه بس انا ابكمل قصة طفلها من خيالي بعد ماكبر لاني سمعت قصة هذا الطفل المسكين واوجعت قلبي وافكر بمصيره بعد مايكبر فقررت اكتب مصصيره بعد كبره بقصة من خيالي
فاطمة بعد طهرها لم يقربها زوجها وذهبت لاخذ العمرة بعدها اعتدى عليها العامل وماخلت زوجها يقربها مثل ماعرفتو يعني غريب ابن العامل الدنيئ
فاطمة متأكده ان هالطفل مو من زوجها
ثانيا/ الجزا الثاني راح يصير بعد مرحلة من الزمن وراح تصير شخصيات كثييرة يمكن اول الامر صعب تربطون بينهم بس بالاجزاء الثانيه راح تتعودون وتحفظونهم وراح بكون فيه اشياء غامضه ماتنكشف الا بعد احداث واحداث فيه ابطال راح يغيبون فتره وبعدين يظهرون وفيه ابطال راح يكونو بأول الروايه وبعدين تنتهي قصتهم ونغيبهم عن الاحداث ويمكن راح تجيكم اجزاء باردة بس لاتستعجلون باذن الله ابحاول اني اكون واقعيه بطرحي وعلاجي لبعض المشاكل الاخلاقيه الي منتشرة في مجتمعنا وكيف المفروض نحلها هدفي المتعه والفائدة معا
اخيرا:
انتم نور روايتي
وردودكم تشجعني وتحفزني
احبكم واحب تواصلكم
واحب الردود غير المختصرة لارى توقعاتكم وموقفكم من الابطال
لاحرمني الله منكم
ودمتم لي بود
في بيت متهالك قديم في احد احياء الرياض القديمه
تناظر المراية تتأكد من شكلها قبل ماتطلع فتحت الدولاب طلعت شنطتها اقنر ووضعت عطرها المميز لانكم وقبل هذا رشت منه الكثير والكثير اخذت عبائتها المزخرفة ووضعت طرحتها استعدادا للف لثامها الفتان
شجون: تناظرها باستحقار شكلك تاخرتي على سهرتك سواق ابو رامي ينتظرك بره من ساعه
فرح: بدلع خليه ينطق سواق اثيوبي لا راح ولاجاء لفت تناظرها تعرفي اليوم سهره خاصه موصيني عليها ابو رامي لو جيت مو على مايرام زعل مني وتعرفي انا ماتحمل زعله ضحكة بدلع وغنج
شجون: تنقرف من دلعها ومياعتها تكرهها ولاتحب تكلمها مرت من عندها الله يهني تعيس بتعيسه
فرح: ابفهم انتي ليه تكرهيني مع اني اختك الكبيرة الي تحبك
شجون: وهي عرقانة وحالتها حاله من متى هضمتك وكيف اهضم وحده تبيع نفسها كل ليله بحضن رجال غريب
فرح: تتظاهر عدم الاهتمام بااااااااااااي تاخرت كتييررر خيتوووو وارسلت لها بوسة بدلع
شجون:تقرفت اكثر من دلعها وقالت الله يهديك بس دخلت الحمام الضيق الي بغرفتها هي واختها تحممت بعد جهد بذلته في بيت ام فواز الي ماتعرف الرحمه طلعت تمشط شعرها الي مشعث ولايكاد يتجاوز اذنيها تناظر وجهها بالمرايه وتقارن بينها وبين اختها ابتسمت وربي اشك اننا خوات شقيقات هي وين وانا وين ااااااااااه ابدور لي شي اكله احس جسمي مكسر وجيعانه حيل وماحليت دروسي الله يعين طلعت للمطبخ خلت اكل اختها على جنب تكره أي شي منها طلعت الخبز الي اشترته من فلوس عملها في بيت ام فواز وبسطة ام صالح لفت قطعة خبزه بحبة جبنه كل شي يكفيها لأنها نحيفه الى حد غير معقوول وهي تاكل وتشرب مويه مع خبزتها سمعت صوته المرعب دخل البيت بقى نصف خبزتها الصغيره رمتها وركضت للغرفه
سعد" دخل وهو يترنح ويهذي بكلام غير مفهوم ويغني ويضحك
شجون: قربت من باب غرفتها بخوف من ابوها ماحست الا بيد تشد شعرها بكل عنف
سعد: وين رايحه ؟؟؟؟؟؟
شجون: بتوتر كنت ابدخل انام
سعد: وهو يشاهق وين الفلوس يالمعفنه
شجون: اااااي طيب يبه خلني وابعطيك اياها جوا بالغرفه
سعد: دفها بكل قوه كنتي ناويه تخبينهم عني ياوجه النحس يالخايسه يالحيوانه
شجون: تركض وتعطيه لا يبه عمري ماخذت شي الا القليل الي يعيشني
سعد: جرها بقوه اكبر حتى القليل لاتاخذين سامعه او لا
شجون: بس كيف اكل يبه
سعد: وهو يشاهق ان شاءالله تموتين انتي موتك راحه دفها ودخل غرفته وهو مبسوط من فلوس يقدر بكره يشتري فيها هيروين الي ادمن عليه
ابو رامي: تاخرتي فرح كثيرر
فرح: وهي تعدل ملابسها العاريه مرة مع فتحت الصدر الكبيررة وفستان ضيق يبين كل معالمها وفتحة توصل نصف الفخذ ايه كنت انشغلت وانت قلت لي سهره راح يجيك فيها ناس هاي قلت اتضبط اكثر وابتسمت بخبث
ابو رامي: احب شطارتك ضمها مع خصرها تعرفي فرح هذا واحد مهم عندي ابيك تحرصين تلفتين نظره وتوقعينه بشباك اوك
فرح: ولايهمك دنا فروحه ههههههههههههههه
بدات السهره وبدات الراقصات يتمايلن من جمنيع الجنسيات وقمه بالجمال والفنته من بينهم فرح الي سرقت عقول وانتباه الرجال برقصها ودلعها وحركاتها المثيره طبعا سقط هالهامور المنافس بشباك ابو رامي وانفتن فعلا بفرح وصور عليه ابو رامي صور تلوي ذراعه
*************************
في المدرسه
سحر: شوفي هالبنت يقولون اخت فرح
مشاعل: تلتفت تناظر بشجون لا مومعقوله فرق كبيرر بينهم
سحر: ايه بالشكل واللبس انا زيك استغربت
مشاعل: مسكينه شكلها يرحم مريولها واضح انه منهري وقديم حيل وشكلها مرره يكسر الخاطر وجهها شاحب وطويله ونحيفه حيييييييل وسمراء وعلى سمارها عيونها لوزيه ذبلانة ولون عيونها ماتناسب مع سمارها ونحفها مطلعها المسكينة ابشع موزي اختها بياض وعافيه وشعر ناعم مصبوغ ومضبط وتهتم بنفسها اتوقع خوات من اب مو شقيقات
سحر: انا نفس كلامك بس البنات يقولون خوات شقيقات
مشاعل: غريبه طيب ليه ماشوفهم جميع وفرح مجمعه شله معاها هذي دايم ماسكه كتابها ومنعزله عن العالم
سحر: عاد تصدقي انا مارتاح لفرح ابد بعدين تراها اكبر منا بس تاخذ السنة بسنتين
مشاعل: انا زيك مارتاح لها ابد بس غصب تلفت نظري بشكلها ودلعها واناقتها
سحر: مادري قلبي مومرتاح لهاابد
سحر: السواق راح يجيك
مشاعل: لا اخوي فارس
سحر: لا اسمح لي
مشاعل: سحر فكينا من دلعك مادري ليه ماتهضمين فارس
سحر: كذا من الله
مشاعل: ومشاري كذا من الله تستحين منه
سحر: ايه من يومي صغيره استحي منه مشاري حنون وطيب يفرض احترامه بس اسمح لي فارس متكبر ومغرور وشايف حاله مادري على ايش بعذر عبدالرحمن لو كرهه
مشاعل: بحزن تعرفي ان عبدالرحمن يكره فارس علشان اختي شعاع
سحر: فيه احد عاقل يهجر وحدة زي شعاع
مشاعل: تحجرت دموعها بعيونها لمجرد ذكرى شعاع فكينا وتعالي
سحر: لا يعني لا
مشاعل: قسم عمك محمد يزعل منك تعرفي انه مايقدر هو ولا ولده عبدالرحمن يجون ياخذونك يالله اقول بلا دلع
سحر: طلعت من المدرسه وهي مرة متضايقه تكره فارس لحد النخاع
مشاعل: السلام عليكم هلا وغلا باخوي
فارس: وهو محمر من زود العصبيه ساعه تاركيني كأني سواق عند ابوكم
سحر: تقول بقلبها ماعنده احترام لأحد ماحترم وجود غريبه معاه
مشاعل: حطت الغلط منها ماسمعته ينادي آسفه اخوي
فارس: والي وراء بعد ماسمعته
سحر: خلااااااااااص ولعت نار بس ماسكه نفسها عيب ترد على واحد مو محرم لها وهي اصلا رقيقه ودلوعة عمها محمد
مشاعل: قالت بقلبها من حينها سحر تكرهه لاعاد سوا كذا ردت تدافع مسكينه قالت لي بس ماصدقتها
فارس: مرة ثانية فتحي اذانك زين مفهووم
مشاعل: بخوف مفهوم وحقك علي
***********************
مشاري : طالع متحمم ومشط شعره ولبس ثوب البيت وتعطر
العنود: جالسه رجل على رجل تقرا مجله
مشاري: جاء من وراها وباسها مع اذنها
العنود: ببرود سكرت المجله غريبه طالع بدري من شغلك
مشاري: اشتقت لحبيتي وجيت لها وابتسم لها بحنان
العنود: رجعت تقرا المجله توك تشتاق لنا اربع سنوات توالشوق يجيك ايش تغير يعني
مشاري: من زمان اشتاق بس ياقلبي ساعات شغلي مايسمح لي حياتي ابروح اشوف شعاع قبل مانزل للغداء
العنود: خذ راحتك وكملت قرايتها بضيق
******************
تجلس على كرسيها وجهها منير وابتسامة لاتغادر شفتيها بشعر قصير وخفيف ووجه نحيل عظام فكيها واضحات من نحفها
مشاري:طرق الباب يستأذن بالدخول
شعاع: عرفته من طريقة ضربه على الباب ابتسمت بفرح ادخل يابو بندر
مشاري: دخل وابتسامه مشرقه تنور وجهه يحبها ويشتاق لها … اموت واعرف كيف تعرفيني
شعاع : ابتسمت بمرح تعرف ان حاستي السادسه قويه
مشاري:قرب لها وباسها مع راسها
شعاع:مسكت يده بحنان وباستها
مشاري: كم مره اقولك لاتبوسيني مع يدي
شعاع: وكم مرة اقولك لاتبوسني مع راسي هههههههههه
مشاري: عنيده وقرصها مع انفها
شعاع: بابتسامة مرح مو اعند منك ههههههههههه
مشاري: ماراح تنزلي تتغدي معانا
شعاع: بتوتر فارس راح يجي
مشاري: بعدم اهتمام يجي مايجي بالطقاق انتي القادمه وهو المتأخر
شعاع: لا ياخوي انا اكلت الحمد لله وتعرف ماحب اكثر لاني مامشي صعب يتهضم اكلي علشان كذا ماحب أكثر الأكـل
مشاري: ماحب يضغط عليها عارف انها تتعذر علشان ماتقابل فارس براحتك شعاع تامريني بشي اخوك تعبان وهلكان بس ينتظر الغداء يحط راسه ويروح بسابع نومه
شعاع: بالعافيه عليك والله لايحرمني منك يابوبندر
مشاري: بحزن ولامنك ياشعاع القلب
كم تحزنها هذه الكلمة وكم تؤثر فيها اخوها يفرحها بها ولم يعرف انه يوجع قلبها ويقلب مواجعها ويدمي جراحها فتحت مصحفها انيسها في وحدتها وحزنها الدائم الذي تخفي عن من حولها تتصنع الابتسامة دائما حتى لايحزنو من يحبونها
********************