السلام عليكم صارت معي مشكله وابي منكم الشور
انا وزوجي وابني طلعنا نتمشى بالسياره نزل زوجي لمحل
وكان معي ابني فا كان يتحرك كثير فا حطيته عندي رجولي وفتح الدولاب اللي تحت
وكان في اوراق ودخل يده وبدا يلعب وسحب ورقه اخدتها منه
وقريت اسم زوجي وانه رايح البحرين لما جا زوحي سالته بكل هدو انت رحت للبحرين
ارتبك وتغير وجهه وقال ايه ليش تسالين قلت شفت ورقه ووو الخ
وبدينا نتهاوش قالي ايه رحت مرتين كمان وش عندك ؟؟ وقالي انتي عند اهلك مو لازم اعلمك
بكل شي انا سالته وقلت لما سافرت امك كانت تدري اهلك كان يدرون تلخبط بالكلام وماعرفت افهم منه اذا اهله كانو يدرون ولالا
ملاحظه انا اهلي بديره وانا بديره وبعض الاحيان اسافر لاهلي
المهم صارت بينا مشكله وكل عاده وزي كل مشكله يطلعني انا الغلطانه واني
راعية مشاكل
انتم وش رايكم بالله يعني زوجك يروح من وراك للبحرين ومرتين ولا يعلمك وانتي عند اهلك
وفجاه تعرفين بالصدفه وش ردة فعلك بكل جديه جاوبوني لاني تعبت من زوجي
حاوريه باسلوب لطيف وحنون ورح تشوفين
وشويه شويه رح تفهمي بذكائك ليه خبّى علكي من دون مآآتحسسّيه انك مرتابه
…
موفقه اختي
|
المشاركة الأصلية كتبت بواسطة gollnaz
 وراح للبحرين خير يا طير انا بس ودي افهم انتوا لهالدرجة ماعندكم ثقة بأزواجكم؟ جنه رايح تايلند مو البحرين الصراحة!!!
|
يا سلام؟؟!!
وهي شو موقعها من الإعراب مثلا!
ما ساويه له يبلغها؟؟
بالله سألها حد وين زوجك و طلعت مثل الأطرش بالزفه
لو مكانك والله أزعل و أزعل بعد
هو مو رايح مشوار صغير و قلنا يالله و ماعليه
هذا سفر و الدنيا موت و حياه..
اكيد بتشك ليه يروح من وراها إلا لسبب اما روحته طبيعيه ليش
ما بلغها و تقولك الإرتباك بين عليه ، يعني عارف سواته غلط بغلط
شوفي حبيبتي..
رجعيه و كلميه بهداوه قولي ابد ما عندي شي
و أدري لا منعتك بتروح و كلامي بالطوفه..
بس اللي زعلني انا بيت اهلي و انت بدار غير
و ما معاي خبر؟؟
تعطيني خبر بكون ممنونه لك وإذا فعلا اهمك و بالعكس
بتلاقي مني كلمه "تروح و ترجع بالسلامه حبيبي"..
مره ثانيه ياريت لو تبلغني إذا لي خاطر عندك
| يا سلام؟؟!!
وهي شو موقعها من الإعراب مثلا! |
ما قلنا شي لها حق تزعل لكن اللي يقهرني اني اكثر من مرة اشوف وحدة زعلانة مو بس لانه زوجها سافر لا لانه راح البحرين بالذات جنها ديرة يهود انقهر مو بيدي هذي ديرتي بالنهاية
|
المشاركة الأصلية كتبت بواسطة gollnaz
وراح للبحرين خير يا طير انا بس ودي افهم انتوا لهالدرجة ماعندكم ثقة بأزواجكم؟ جنه رايح تايلند مو البحرين الصراحة!!!
|
الشيخه سمعت البحرين مثل سمعه تايلند هههههههه وبعدين لو عندج خبره ماقلتي مثل هالكلام الريال لما يكون رايح بروحه تايلند لاشغله ولا مشغله عارفين انه مب رايح سياحه وكذلك عندنا ف الخليج اللي يروح البحرين لامعاه رفيج او رايح لغرض معين مثل قطع غيار سياره او مشتريات ينعرف ليش رايح !!!!!!
لما تسمعين من الناس ان ريلج مسافر بدون مايقولج شبتكون رده فعلج !!!!!!!!!!!!!!!!!!!!!!!!!!! المره ماراح تاكله لي قالها مسافر عندي شغل او مع واحد من الربع لكن المصيبه ان الوحده تعرف بالصدفه 
|
المشاركة الأصلية كتبت بواسطة gollnaz
ما قلنا شي لها حق تزعل لكن اللي يقهرني اني اكثر من مرة اشوف وحدة زعلانة مو بس لانه زوجها سافر لا لانه راح البحرين بالذات جنها ديرة يهود انقهر مو بيدي هذي ديرتي بالنهاية
|
بلدك بس لا تصيرين انحيازيه و تغلطينها عشان زعلت 
ترا اقل شي سوته الحرمه "الزعل"
و ياليت خذ بخاطرها
و مثل ما قالت الاخت اللي قبلي ما العيب بالبلد الفساد
كل مكان و لكن الدائره و الضوء يتسلط على
سر الروحه لذاك البلد و الغرض اللي رايح عشانه قطع غيار و…
و ليش مخبي يوم ان السفره كلها عاديه و ليش ارتبك؟
و يوم كشفوه هاجم!!