بسم الله الرحمن الرحيم…
أخواتي عضوات منتدى سيدتي الكريمات….
زوجة خالي عندها مشكله وطلبت مني أستشيركم وان شاء الله تساعدونا….
ولد خالي كان شاب محترم وخلوق ….بس خالي وزوجته نقلوا في بيت جديد…
والمشكله الاكبر ان ولد خالي تعرف ع شله دااااااشره….وقدروا يأثروا عليه…
صار يقلدهم في كل شيء….يقلد لبسهم ويقلد حركاااتهم ويقلد كل بلاااويهم…
صار مثلهم مايصلي الا في البيت واحيااااان ابدااا مايصلي …وصار يسمع أغاااني ويتااابع أفلاااام
ويشرب دخااان وغييييره….وماخفي كان أعظم….
حاولت زوجة خاااالي مع ولدها ونصحته كثيييير وحاولت معاه بشتى الطرق…بس بدون فاااائده…
وكلمت امام المسجد يشارك في الموضوع بس ايضا بدون نتيجه,,,
والحين زوجة خااالي خاااايفه ع ابنها من الضياااع…
والمشكله خالي مو مهتم ابدا في المشكله…ويقول هذه فترة مراااهقة وتعدي….واذا زعل عليه بس يكلمه وينصحه ,,,,مايسوي شي اكثر من كذا,,,لانه مسكيييين مررره مشغووول…ومابيده شيء..
وزوجة خااالي حيييل مقهوووره لان ماعندها احد يساااعدها…
طلبتكم ساااعدوها اشلووون تتصرف؟؟
وياليت تدلونا ع جمعيه خيريه للشباب بمكه ….او شيوخ ودعاه في مكه ….او وحده تعرف شيخ داااعيه او اخوها رجال صالح يقدر يحل مشاكل الشباب …اوتعرف احد يساعدهم بااعمال تطوعيه خيريه تشغل فراااغهم ياليت ترسلي الرقم ,,,,أو انا ارسلها رقم ولد خااالي…
طلبتكم ساااعدووووني.,,قبل لايصير في الولد شيء لاقدر الله…
ودعووواتكم له بالهدااايه,,,,
لا يغرها اسمه ولد .. هي بتتحاسب عليه سواء ولد أو بنت !
دام مافي مشاكل بين الزوجين الحمد لله .. خليهم يتفقون على اسلوب معين يربوا فيه الولد
يعني مش يجي عند أمه تقول لا ! .. وأبوه يقول ما عليه !!
يعني وحدوا الراي ..
وبطريقة حااااااااااازمــــة ..!
الرسول عليه الصلاة والسلام كان حازم في مسائل التربية وما كان شديد !
لأن في فرق بين الشدة والحزم
الحزم يعني في أشياء أبددددددددا أنا ما أقدر اتساهل فيها
لو تنقلب الدنيا ( لا يعني لا وإي يعني إي )
مثلاً الصلاة ..
أنا حاااازمة مع عيالي بخصوص الصلاة
الصلاة للأب مع عياله وقت الأذان !
من يقول الله أكبر .. أطلع زوجي مع ولدي برع !!
ومالهم رجعة لين تخلص الصلاة !
طبعاً ما يطلعون من البيت إلّا متوضين ..
حااااسبي اختي .. عشان الولد ما يفلت طلعيه مع ابوه !
يعني بتقولين بطلعه بروحه .. بقول لج شبيضمنج انه راح يصلي ما راح مع ربعه ؟؟
والبنات يصلون معاي في البيت ونخلص صلاتنا قبل ما يرجع الولد وأبوه !
وأنا حاااااازمة في مسألة النوم !
ماااااافي لو شو ما صار .. لو الدنيا طاحت لو المكيف خربان لو حرانين لو ناموا العصر
مافي !! .. النوم بعد صلاة العشا .. ما عندي أي نقاش !!!
أنا حاااااااازمة في مسألة المذاكرة ..
مافي أي مهرب .. أحيانا عيالي يتحججون ماما اليوم ماخذنا المادة الفلانية
أنا مااااااا أرضى لو شو ما صار .. بتدرسون كل المواد ويومياً !!!
وغيرها أشياء كثييييييرة أنا حازمة فيها ..
يعني ما أغير فيها رايي أبداً .. ومحد يقدر يعارضني فيها
ولا زوجي له حق يقول لي ليش !!!
لأن قوانيني تمشي عليه .. وقوانينه تمشي علي ..
بس أنا لينة في مسألة نوم العصر
الطلعة ( يوم الخميس والجمعة ) ولدي يطلع مع ربعه
وعادي لو بناتي راحوا بيت صديقاتهم أحياناً وأحياناً لا
مرات ما أجبرهم ينظفون غرفهم .. خصوصاً أيام الاجازة
مرات أسامحهم لو تشاكسوا وخربوا لي البيت
وألعب معاهم كثيييييييير
يعني اختي بالمختصر .. شدّوا على الولد
وامنعوه من الطلعة اليومية مع ربعه
مش واااااااااااجب يطلع يومياً !!!!!
والصلاة عماد الدين .. غصصصصبا عنه يصلي
ومع أبوه بعد ..
الله يعينكم عليه .. ويكتب لكم بره 🙂