انت تعاني..
لو ليلك صاير جليد..
لو قلمك أصبح عنيد..
لو غديت شاعر جاهل بحروف القصيد…
انت مسكين..
لو بيتك غدا زجاج مكسور…
ودربك صار وحيد مهجور..
لو حلمك يموت.. وصدقك يروح..
وانت بظلام الخوف مأسور..
انت غلطان..
لو تحس انك ضعيف..وانك ضحية ظروف..
لو تبتعد عن عالمك..ويطول صمتك..والسبب خوف..
لو ينعدم فيك التحدي..ويمر اسمك بسجلات الحياه..
فاعل محذوف…
انت مغرور…
لو تظن انك انسان..وهم لك أشباه..
وانك القمر وهم سناه..
وانك الصوت..وهم صداه..
انت مقيد..
لو ما عشت لحظة جنون..
لو ما لعبت تحت المطر..متجاهل كل العيون..
لو ما ضحكت بصوت عالي..خايف الناس يسمعون..
لو فكرت الف مرة قبل الكلام..قبل السكوت..
يا ترى الناس فيني وش يقولون..
انت وحيد..
لو كانت مشاعرك دايما مسجونة..
لو ما عندك رفيق درب تصدق عيونه..
لو بكيت ليلة وما حصلت جنبك..
يدين حنونه..
أبيك تعيش العدل..وأبيك تعاند الطغيان..
أبيك ساعة الرحمة..زخة مطر..وساعة الشدة طوفان..
أبيك طفل ينولد الحب منك..
وأبيك مارد وسط ضعفك والاحزان..
أبيك تعشق الوفا وتكون للياس خوان…
أبيك ساعات تكسر المعقول والمنطق..
وساعات يكون عقلك الميزان..
أبيك همجي..متحضر..
أبيك تعيش كل الالوان..
أبيك تكون انت بقرارك..
أبي ساسك قوي..حر..ما تهزك هبوب الازمان..
أبيك تعيش كل حالاتك وتضاداتك..
ما ابي أشوفك ع ورق أبيض..
قصيدة معنونة..بشبه انسان
|
المشاركة الأصلية كتبت بواسطة دبدوبه وفرفوشه
 الله يعطيك الف عافيه
|
شكرا عزيزتي ..