السلام عليكم أخواتي العزيزات
الحمد لله الذي أطعمنا وسقانا وجعلنا مسلمين
اليوم طبختنا من أشهر الطبخات السورية
وبدها شغل كتير وصور كتير بس طيبة وفخمة ولذيذة كتير
رح أبدأ بالشيخ المحشي وهو عبارة عن الكوسا باللبن
منحضر الكوسايات بعدين منغسلهن
بعدين منحفرهم على رواق الرواق حتى مانكسرهن
وهلأ صار وقت الحشوة بدنا بصل كتير وناعم كتير ونحمره بالسمن
وبعدين بضيف اللحمة
وبعدين بضيف كاسة رزقصير منقوع مع الفلفل والملح والبهارات
وهيك صارت الحشوة جاهزة
ومنتركها حتى تبرد وفيك تعملي الحشوة قبل حفر الكوسا لاستغلال الوقت بينما تبرد
ومنحشي هالكوسايات بالحشوة وأضع قطعة صغيرة من اللب عند نهاية حشو كل كوساية
وهلأ صار وقت قلي الكوسا المحشية بالحشوة السابقة بالزيت متل مو شايفين حبيباتي
وبعد القلي نضع بطنجرة القليل من الماء مع مكعبين ماجي ونضع الكوسا
حتى تغلي غلوتين تلاتة
وهلأ صار وقت شوي اللبن نضع النشاء مع اللبن
ثم نقوم بتصفية اللبن بمصفاة السلك المنخل
ثم نضعه على النار مع ملعقة ملح ونبدأ بالتحريك لانتركه أبدا أبدا حتى تخرج الفقاعات يعني نهاية شوي اللبن
وبعدين بضيف الكوسا مع مرقة الغلي حتى يغلو مع بعض الكوسا واللبن
وبعدين بتسكبيهن بأوعية بايركس إذا وقت الغدا متأخر شوي حتى يتم تسخينهم بسهولة في المايكرويف
وهي النتيجة
وصحتين وهنااااااا
يتبع الأرضي شوكي في المشاركة التالية
أنا بشتريه مقشر خالص وموضوع
داخل كيس فيه ماء وملح الليمون من عند الخضرجي
بصفيه من الماء وأغسله ثم بفور عليه لخمس دقائق
بماء فيه ملعقة ملح الليمون
وبعدين بشيلو عالمصفاية
وبعدين بقليه
وبجهز الحشوة اللي عبارة عن بصل مفروم ولحمة وبهارات وصنوبر
بس ولادي مابحبو المكسرات بالطبخ مشان هيك ماحطيتها
وبعدين بصف الأرضي شوكي بصينية
وبحشي كل حبة بالحشوة
وبعدين أضع الماء لمستوى الأرضي شوكي مع مكعبين ماجي وبغليهن وبغطيهن لخمس دقائق
وهي النتيجة
وصحتين وهناااا
واااااااااااو والله نفسي الكوسه اجربها بس شكلها صعبه اوى
عاوزة واحده متمكنه فى الاكلات الشاميه بس بصراحه شكلها النهائي مشجع على خوض التجربه:)
تسلم ايدك
ومنتظره الخرشوف ( الارض شوكى)
يقيم ويثبت
تحياتى
انا بسلقه وبحطه واحشيه باللحم وبضع البشمل على وجه كل واحده واحمره
تسلم ايدك وصفات تستحق التجربه
كلك ذوق عيوني
هي تجربة صعبة بس نتيجتها ولا أروع ومشان هيك
سمي بشيخ المحاشي كلها لإنو فخامة وطيابة
أشكرك على التثبيت والتقييم حبيبة قلبي
والأرضي شوكي صار جاهز
عنا بسوريا نقول عنه الأنغينار