السلام عليكم
شخباركم يا صبايا؟
بدون مقدمات ولا شي
ياريت الادارة ينزلو موضوعي
يا جماعة انا قبل كذا سجلت باحدى من المنتديات لاني احب اسوي خير واساعد البقية في تنزيل المواضيع واحصل على بعض الاصدقاء واعتبرهم مثل اخواني وخواتي بدون حدود العلاقة
بس المنتدى اللي سجلت فيه اتهكر وانغلقت ومع انهم ناس زينين وفيهم خير
وطبعاً اتضايجت يوم تم اغلاقه
وبعد كذا انا سجلت بمنتدى ثاني وياريت ما سجلت لانه انا ثقتي بالناس كبيرة , ماعمري احس انه حد يلعب علي او يخوني
طبعاً ما صار شي بس انا نبهت لصاحب المنتدى واشتكيت له انه في عضو يسرق اعضاءكم من المنتدى وياخذ وياهم وهو اهني شكرني وسأل عن اخباري وقالي كيفك وشو اخبارك؟
وقالي بعد منورة خيتو المنتدى وان شاء الله مانقصر وياك
طبعاً طريقة اسلوبه حبيته كأخو لانه احترمني مثل ما احترمته.
فقلتله الحمدالله على كل حال
انا بخير دامك بخير
وقلت بعد اني انا اكره الخيانة حتى لو يديدة عندكم ماحب اخون منتداكم واتركه
فرد علي وقالي:
الحمدالله على كل حال
ها العبارة تدل انه فيك التعب او الضيقه بداخلك
ممكن اسمح لنفسي وش امضايقنك
وانتي شو اسمك وكم عمرك ومن وين؟
اذا فيه مانع خلاص
وقلتله:
دامك اخوي مافي مانع اقولك (لانه تقريباً اغلب اصدقائي يعرفون ظروفي وماصار شي)
وانا قلتله عن ظروفي الصعبة وعيشتي عشان لو صار شي بالاقسام وماقدرت اكون عند حسن ضنهم او صارلي ظروف وغبت ما يلومني بشي دامه هو صاحب المنتدى.
فقالي:
لا تستغربي كيف عرفت انك متضايقة
لانه انا احلل الشخصيات واعرف
وقالي بعد اذا مانك مرتاحة تحكيلي ع الخاص
ممكن تختاري مكان ثاني نحكي فيه
وبخليك تقولي كل شي
وقلتله:
لا عادي انا مرتاحة ع الخاص وانا قلتلك كل شي وشو لسه بدك تعرف
قالي ممكن فضول بس بخليك تحكيلي كل شي
او اي موقف اصابتك وخلتك اتسوين اشياء
فقلتله مثل وين ؟
فقالي اي برنامج للتواصل وممكن بعدين تحذفيني اذا خلصنا كلامنا
فقلتله ماعندي شي غير الاسكايب
فقالي عادي
وعطيته حسابي الاسكايب
يعني اول مرة اشوف صاحب المنتدى يطلب ها الاشياء من الاعضاء
وبعدين في الاسكايب قالي
هلا
قلتله اهلين ياخوي منورني
قالي منور بيك
وبعدين قالي لاتقولين لي اخوي (من بدايته)
فقلتله اجل وش بدك اقولك ؟
انا اعتبرك مثل اخوي
فقالي انا ماحب الكلام الرسمية
ابيك تكوني بعفويتك
فقالي لو بدك نحكي واحنا مرتاحين وانخلص بسرعة خليكِ بطبيعتك وعفويتك
وانا قلت اوكي
وهو سألني اي اللون المفضل عندك ؟
قلتله وردي وبنفسجي
فقالي طيب
ممكن ترسلين لي 5 صور من جهازك واتحسين انه انتي من ضمنهم
ومافهمت من طلبه بس قلت انه جهازي مافي اي صور غير صور الاطفال
فقالي لا مابي اطفال فقالي اي صور
قلت صور مثل ايش ؟ صور الطبيعة مثلاً ؟
قالي لا لا ..
فقلتله صوري الخاصة ؟
ما أتذكر وش قالي وانا وش قلتله
بس اتذكر قالي ايه ارسلي لي صورتك انتي عشان احلل شخصيتك
فقلتله ماعندي صوري ع الجهاز
فقالي صوري بالفون الحين وطرشيلي وللعلم انا ما معي جوال
بس امخزنته صوري في جوال امي
فقلتله لحظة ابنزل الصور ع الجهاز
فقالي كم بياخذلك؟
قلت ماعرف
وانا ارسلته بس وحدة من صوري وماعطيته بجسمي كامل غير ويههي
فقالي: جميلة
فقلتله اجل وش كنت متوقع
قالي لا اكيد حلوة
بس تمنيت لو الصورة كان كامل (يعني قصده اعطيه صور بجسمي الكامل)
وبعدين بدا يحلل شخصيتي وطبعاً هو حلل شخصيتي صح واستغربت منه
بس ماكنت مرتاحة ابد, لانه انا قلبي ماعمره قسى على حد
وانا اعرف انه الخطوة اللي ارسلت له الصورة كان غلط
ولهيك كرهت نفسي لانه قلبي ما يتحمل القسوة على حد ولا ابي حد يزعل مني
لانه انا فيني مكفيني والحين لا قادرة انام وانا مرتاحة بسببه
لانه يوم ثاني بعد كلمني ولا بعد يقولي امس انا كلمتك والحين دورك اتكلمين
فقلتله انا ماعندي شي اتكلم معاك
فقالي قولي اي شي وانا بسمعك
فقلتله ماعندي شي يعني مب بالغصب
فسكت اهني وبعدين هو كلمني وقالي انه معجب فيني وبشخصيتي
فهذا انا كنت خايفة منه يصير
فقلت وليش معجب فيني من اول نظرة؟ لا انا اعرف اسمك ولا اعرف عنك شي.
فقالي انا حبيتك وحبيت شخصيتك
فقلتله عندك كثير بنات في المنتدى يعني مالقيت اتغازل غيري انا بس لانه فيني حالة نفسية؟
وانا ماحب ها السوالف الحب والخرابيط
وقلت بعد انا قبل كذا اجا لي شخص وكان بده يسوي معي علاقة حب ورفضته كله علشان حالتي ومابدي اجرحه ولا اجرحك بكلامي وتعاملي معك
فقالي : لا والله مب عشان انه فيك حالة نفسية
انا بس حبيت شخصيتك وابيك انتي وبس
فقالي حتى انا بترفضيني ؟
فقلتله ما اقوله انه اوافق ولا ارفض انا بس ماحب ها السوالف
اكلمك بشكل عام انا لا ارفضك ولا شي بس ها العلاقة مابيه يتم
وشو الهدف منه ؟ يعني بالاخير احنا ما بنتزوج
فقالي : انتي شو عرفك اذ استمرت علاقتنا بتقوى وبنتزوج
وبنسوي مثل ما بدنا
فقلتله: انا كيف اعرف انك صادق وماعم تفكر تخذلني وتلعب بمشاعري؟
يمكن تكذب علي عشان بس تشوه سمعتي
فقالي: لا والله ماعم افكر هيك..وليش اجرح بمشاعرك والله انا ما اضرك ولا اضر حد
في ناس يطلب مني منصب كبير مقابل شي وارفضه ويطلعون من المنتدى
والله جرحتيني بكلامك..
صح اني حبيتك بس ما ارضى على ها الشي تقولينه عني
فاعتذرت منه (لاني اتذكرت الصورة اللي ارسلت له ممكن يسوي فيه شي)
وقالي انا احببك افهميني.
قلتله ماقدر احبك اكثر من اخو يعني هو غصب
فماكان عندي حل غير اني اوافق واشوف شو اخرتها معاي
وطبعاً كل ما يقولي احبك واعشقك كثير بتضايق واصيح لانه ماني بها السوالف
مابعرف ايش ارد عليه
وحتى يوم اتأخر عليه بالرد يقولي يلا ردي علي بسرعة
فأقوله ماعندي شي اقوله انا ماني بها السوالف الحب ولا اعرف وش اقولك
حتى امس طلب انه يسمع صوتي فقلتله ماعندي سماعة
فقالي من الجوال؟
قلتله انا ما معي جوال
فقالي ممكن طلب؟
قلتله وش هي
فقالي ممكن تفتحين الكام بدون ما اتكلم بس اشوفك؟ ممكن ولهان عليك
فقلتله انا جهازي مافيها الكام
بس هو ماهددني بشي وانا ابي اتركه بأي طريقة بدون ماهو يعمل لي مشاكل تكفون ساعدوني وش اسوي..بدي نصائحكم كيف اتركه بدون مشاكل
مابي ها الحب يستمر
لاني حاسة انه ها الحب فيها خداع وللعلم هو جنسيته سعودي وانا اماراتي
والسلام عليكم ورحمة الله
احذفيه من الاسكايب
واحذفي حسابك من ذاك المنتدى
ولا يلعب عليك بالحب والكلام الفاضي اجل ليش يطلب صورتك بالكامل؟؟؟
ويحاول يعرف رقم جوالك ؟؟؟
ككثير بنات صار لهم مثل هالمواقف وفي الأخير ابتزاز وأهانه وفضيحة
الله يهديك ويوفقك لما يحب الله ويرضى
وكمان سوي حساب جديد
والمنتدى خلاص لاتدخليه مره
عشان مره مايقدر يوصلك ولايعرف كيف يوصلك
والله يلعب عليكي ووممكن يستغل ظروفك
اذا مرت سنة ولا شفتي طلب زواج منك اغسلي يدك .. لانة راح يكون كذآب ونصاب ولعاب ..
ماراح اقول كل سعودين كذابين فيهم نسبة كبيره كذابين و1% صادقين بمشاعر الحب ويضحي من اجلها علشان يتزوجها ..يعني يتقدم مره مرتين ثلاث لين يوافقون أهـلها ..
وايش يضمن لك انة مانشر الصورة .. عموما اسالية قبل كل شيءعن اسمة وقبيلتة ومن فين بالضبط ب السعودية وكم عمرة وايش يشتغل واطلبي صورتة .. وإذا رفـض
لاعاد تدخلين منتدى حقة ولاسكايب .. لانة بكذا طلع على حقيقتـــة
ومليان تويتر
استودعي الله صورك
وشكله كذاب لايحلل ولا شي
بعد ماحكيتي له ظروفك استنتج منها شخصيتك
هذا هو الموضوع بكل بساطه
صدقيني مشكلتك كثيييير متكررره
وابحثي عنها في النت
تلاقين اشكال والوان الخدع
وكلهن يصدقن
نصيحتي لك اتركيه بسرعه بدون ماتخبريه
حتى يظن بنفسه ان اهلك كشفوك
ومايقدر يسوي شي
والله اعرف شباب كثير من جماعتنا
وانا سعووديه وشفت صور بنات في جوالاتهم وفي لابتوباتهم
والله انهم ماتزوجوهم وتزوجو بنات اهلهم خطبوهم لهم
شوفي انا شخصيا صارت لي نفس المشكله مثلك بالضبط وياليت تقرئي كلامي كامل، انا مثلك راسلت دكتور بنيه حسنه عشان عندي مشكله نفسيه حابه اعالجها والدكتور عمل مثل ماعمل الشخص الي يكلمك بالضبط!!
في البدايه عرف عني كل شيء وتعاطف مع مشكلتي وعمل انه راح يحلها لي ، ثثم قالي ارسلي صورتك عشان احلل شخصيتك ،وقعد يحاول لمن ارسلت صوره مو واضحه وصار يقول انتي حلوه انتي قمر وحاب اتكلم معاك صوت وصوره وكل مايشوفني متصل يجي يسولف ويكتب لي كلام حلو وييسوي انه يحلل شخصيتي ومفتقدني ويعالج مشاكلي !!وترى هذا نوع من انواع اساليبهم في التعامل مع البنات لمن تتعلق البنت فيه وياخذ الي يبغاه!!
انا تعلقت فيه وبدات ارتاح له كثييير وبعدها بدا يسحبني في مواضيع الجنس وكل ما اكلمه يدخلني في الجنس ورغبته الخاصه!! ومثل اسلوب الشخص الي تكلميه يبدا بالتدرج حتى انا طلب يسمع صوتي وكل شوي يرسل كلام حلو واذا مارديت يقولي ردي بسرعه وبعد ماعلقني فيه صار هو يسحب علي ومايرد!
والله يا اختي انصحك ابعدي عنه شوفي انا تعلقت فيه ومو قادره ابعد عنه اذا ماكلمته احس بضييق وتعب صار مثل الادمان ،وهو لمن تاكد اني حبيته بدا يسحب علي ومايعاملني مثل قبل لانه وصل لغرضه انه يعلقني فيه؛؛
صدقيني انتي في بدايه الطريق وتقدري تنهي علاقتك قبل ماتتطور والله اذا تطورت انتي الي تتعبي ؛ المنتدى لاتدخلينه ابدا ،وكل وسيله توصلك له اقطعيها ولاتبلغيه انه حتنهي علاقتك معاه لانه عنده اسلوب وحيقدر ياثر عليك ،
ترى نحن البنات عاطفيات ونتاثر بالكلام الحلو والاهتمام لكن الرجل همه رغباته وتسليه فقط اكيد عنده مليون غيرك ، ارجووووك اقطعي علاقتك فيه قبل ماتندمي مثل ماانا ندمت!!
وشوفي موضوعي في نفس القسم اسمه انا والدكتور والحل مع قلبي !!!
ادعيلي في ظهر الغيب ارجوك